खप घटल्यामुळे नरमला ब्रॉयलर्सचा बाजार

जगात भारतीय ब्रॉयलर पोल्ट्री व्यवसाय अव्वल मानला जातो. अत्यंत उच्च प्रतीचे खाद्य, प्रशिक्षित मनुष्यबळांकडून होणारे व्यवस्थापन आणि स्वस्त दरात चिकनची उपलब्धता ही भारताच्या पोल्ट्री व्यवसायाचे वैशिष्ट्ये आहेत. ग्राहकांना जास्तीत जास्त सुरक्षित असे चिकन पुरवण्यासाठी सर्वतोपरी प्रयत्न केले जातात. अशा वेळी सोशल मीडियात जाणीवपूर्वक खोट्या पोस्ट तयार करून गैरसमज पसरवला जात असून, त्यात काहीही तथ्य नाही. या दुष्प्रचाराविरोधात लवकर पावले उचलली जाणार आहेत. भारतीय चिकन पूर्णत: सुरक्षित आहे, असे पोल्ट्री फार्मर्स अॅंड ब्रीडर्स असोसिएशनचे अध्यक्ष सी. वसंतकुमार यांनी म्हटले आहे.