agriculture news in marathi, poultry analysis | Agrowon

मार्चअखेरपर्यंत टप्प्याटप्याने ब्रॉयलर्सचा बाजार सुधारणार
टीम अॅग्रोवन
सोमवार, 19 मार्च 2018
मार्चअखेरीपर्यंत बाजारात हळूहळू सुधारणा अपेक्षित आहे. एप्रिल महिन्यात तुलनेने आणखी चांगली परिस्थिती अपेक्षित आहे.
- डॉ. पी. जी. पेडगावकर.
मंदीतील ब्रॉयलर्सचा बाजार मार्चअखेरपर्यंत हळूहळू सुधारत जाईल, एप्रिलमध्ये आणखी चांगली परिस्थिती असेल, असे तज्ज्ञांनी म्हटले आहे. परीक्षांच्या हंगामासह अन्य हंगामी कारणांमुळे ब्रॉयलर्सला उत्पादन खर्चापेक्षा कमी दर मिळत आहे.
 
शनिवारी (ता. १७) बेंचमार्क नाशिक विभागात ५५ रुपये प्रतिकिलोने ब्रॉयलर पक्ष्यांचे लिफ्टिंग झाले. मागील आठवड्याच्या तुलनेत बाजार स्थिर आहे. पुणे विभागात प्रतिशेकडा अंड्यांचा लिफ्टिंग दर ३२५ रुपये होता. मागील आठवड्याच्या तुलनेत दहा रुपये तर महिनाभरात ५० रुपयांनी अंड्यांचा बाजार नरमला आहे. सध्या, अंड्यांचे दर उत्पादन खर्चाच्या तुलनेत अंशत: वर आहेत. ब्रॉयलर्सचा बाजार उत्पादन खर्चाच्या तुलनेत ओपन फार्मर्स ते इंटिग्रेटर्सनिहाय दहा ते पंधरा टक्क्यांनी मंदीत आहे.
 
पोल्ट्री फार्मर्स अॅँड ब्रीडर्स असोसिएशनचे सचिव डॉ. पी. जी. पेडगावकर यांनी सांगितले, की मार्चच्या दुसऱ्या आठवड्यापासून ब्रॉयलर्सच्या बाजारात सुधारणा अपेक्षित होती. तथापि, दक्षिणेकडील राज्यातील मंदीची परिस्थिती, परीक्षांच्या कालावधीमुळे थंडावलेली मागणी आणि दुसरीकडे वातावरणातील बदलामुळे वाढलेली विक्री आदी कारणांमुळे बाजारात मोठी घसरण झाली आहे. यापुढील काळात मार्चअखेरीपर्यंत बाजारात हळूहळू सुधारणा अपेक्षित आहे. एप्रिल महिन्यात तुलनेने आणखी चांगली परिस्थिती अपेक्षित आहे.
 
कोमरला समूहाचे संचालक कृष्णचरण म्हणाले, की मागणीच्या अभावामुळे सध्या बाजार मंदीत आहे. मंदीच्या खालील पातळीवरून थोडीफार सुधारणा दिसत असली, तरी बाजार उत्पादन खर्चाच्या खूपच कमी आहे. रविवारी (ता. १८) गुढीपाडवा आल्यामुळे त्या दिवशी होणारा चिकनचा खप मंदावला. याशिवाय, पुढील रविवारी ( ता. २५) रामनवमी आहे. मुंबईसारख्या शहरात आठवड्यातील एकूण मागणीचा निम्मा खप रविवारी होत असतो. अशा दिवशी सण आल्यामुळे तेवढ्या प्रमाणात खप कमी झालेला दिसतोय. एकूणच बाजारातील परिस्थिती खराब आहे. पुढील दोन आठवड्यांत हळूहळू सुधारणा होण्याची अपेक्षा आहे. दक्षिणेत बंगळूर बाजार ६० रुपये प्रतिकिलो, तर हैदराबाद ६४ रुपये प्रतिकिलोपर्यंत सुधारले असून, बाजाराच्या दृष्टीने ही जमेची बाजू आहे.
 
खडकेश्वरा हॅचरिजचे संचालक संजय नळगीरकर यांनी सांगितले, की चालू आठवड्यातील प्लेसमेंट ओपन फार्मर्ससाठी किफायती ठरेल. सध्या हॅचिंग एग्ज आणि पिलांचे दर समान पातळीवर आले आहेत. सध्याच्या बाजारभावानुसार किमान आठ रुपये अधिकचा दर पिलांना मिळायला हवा. मात्र, ब्रॉयलर्सचा बाजार मंदीत असल्यामुळे पिलांना उठाव नाही. उत्तर-पूर्वेकडील राज्यांतून हॅचिंग एग्जना चांगली मागणी आहे.
 
हॅचिंग एग्जचे दर हे देश पातळीवरील मागणीनुसार, तर चिक्सचे दर हे राज्यांतर्गत मागणीनुसार ठरतात. एप्रिलपासून ब्रॉयलर्सच्या बाजारात सुधारणा अपेक्षित आहे. यापुढे उन्हाळ्याच्या तीव्रतेमुळे पक्ष्यांची वजने नियंत्रणात राहतील, तर सुट्यांच्या हंगामामुळे मागणीत सुधारणा होईल, यामुळे येत्या दिवसांतील प्लेसमेंटमधून मागील दीड महिन्यातील नुकसान भरून निघण्याची अपेक्षा आहे.
 
 
 प्रकार  भाव  परिमाण  बाजारपेठ
 ब्रॉयलर  ५५  प्रतिकिलो  नाशिक
 चिक्स  ३३  प्रतिनग  पुणे
 हॅचिंग एग्ज  ३३  प्रतिनग  मुंबई
 अंडी  ३२५  प्रतिशेकडा  पुणे

 

इतर ताज्या घडामोडी
राज्यातील चौदा मतदारसंघांत आज मतदानमुंबई   ः लोकसभा निवडणुकीच्या तिसऱ्या...
स्थानिक घटकांपासून नावीन्यपूर्ण सौर...तीव्र थंडीच्या स्थितीमध्ये वापरण्यायोग्य सौर...
जळगावात हरभऱ्याची ऑनलाइन नोंदणी आज बंदजळगाव : जिल्ह्यात शासकीय हरभरा खरेदीसाठी अजून...
रावेर, जळगावसाठी आज मतदानजळगाव : लोकसभा निवडणुकीच्या जळगाव व रावेर...
वाळूउपशामुळे विहिरींच्या पाणीपातळीत घटनाशिक : बागलाण तालुक्यातील ताहाराबाद ...
नांदेड जिल्ह्यात अडीच हजार कोटींचे...नांदेड ः नांदेड जिल्ह्यातील विविध बॅंकांना २०१९-...
राज्याचे एक थेंबही पाणी गुजरातला देऊ...नाशिक  : ‘‘पंतप्रधान नरेंद्र मोदी...
धर्मराजाचा कडाही यंदा आटलामाजलगाव, जि. बीड : माजलगाव धरणालगतच असलेला...
लक्षवेधी माढ्यासाठी आज मतदानसोलापूर  : अत्यंत प्रतिष्ठेच्या ठरलेल्या...
जळगाव बाजारात केळी दरात सुधारणाजळगाव ः जिल्ह्यात मुक्ताईनगर व रावेरात दर्जेदार...
नगरमध्ये प्रशासन गुंतले निवडणुकीत,...नगर  : दुष्काळात जनावरे जगविण्यासाठी चारा...
पुणे विभागात तेरा हजार हेक्टरवर चारा...पुणे : पाणीटंचाईमुळे चाऱ्याची चांगलीच टंचाई...
पुणे जिल्ह्यात पाणीटंचाईमुळे फळबागा...पुणे  ः कमी झालेल्या पावसामुळे जिल्ह्यातील...
नगर लोकसभा मतदारसंघात आज मतदाननगर : नगर लोकसभा मतदारसंघासाठी आज (मंगळवारी) २०३०...
यवतमाळ जिल्ह्यात दोन लाख टन खतांची मागणीयवतमाळ  : येत्या खरीप हंगामासाठी कृषी...
यवतमाळ जिल्ह्यात होणार ६६४ विहिरींचे...यवतमाळ  ः जिल्ह्यात दिवसेंदिवस गंभीर होत...
कळमणा बाजारात तुरीच्या दरात सुधारणानागपूर ः कळमणा बाजार समितीत तुरीची आवक...
अमरावतीतील दहा हजारांवर शेतकऱ्यांचे... अमरावती  ः निसर्गाचा लहरीपणामुळे शेतकरी...
शरद जोशीप्रणीत शेतकरी संघटनेच्या...जळगाव   ः लोकसभा निवडणुकीसाठी नाशिक...
शेतकरी आणि व्यापाऱ्यांमधील ...नाशिक  : कृषी अर्थव्यवस्था बळकट करण्यासाठी...