agriculture news in marathi, poultry market rate, broilers | Agrowon

ब्रॉयलर्सचा बाजार उंचावला, अनपेक्षितरीत्या तेजी
दीपक चव्हाण
सोमवार, 4 डिसेंबर 2017

सध्या अति वजनाचा माल बाजारात शिल्लक नाही. सध्याचे वातावरणदेखील पक्ष्यांच्या वाढीसाठी अनुकूल नाही. पुरवठा संतुलित राहत असल्याने बाजार उंचावला आहे.
- डॉ. अनिल फडके, नाशिक.

पुणे : आठवड्याच्या शेवटी (शनिवार, ता. 2 डिसेंबर) बेंचमार्क नाशिक विभागात प्रतिकिलो ७३ रुपये दराने ब्रॉयलर पक्ष्यांचे ' फार्म लिफ्टिंग' झाले. आठवडाभरात ६० रुपयांवरून ७३ ते ७४ रुपयांपर्यंत बाजार उंचावला आहे. या दरम्यान खाण्याच्या अंड्यांच्या बाजारात मात्र उच्चांकी पातळीवरून घसरण सुरूच आहे. पुणे विभागात शनिवारी ४२० रुपये प्रतिशेकडा दराने फार्म लिफ्टिंग झाले. आठवडाभरात दहा टक्क्यांनी बाजार नरमला आहे, तर उच्चाकांवरून तीस टक्क्यांनी बाजारात घसरण झाली.

ब्रॉयलर्सच्या बाजारासंदर्भात नाशिक येथील पोल्ट्री उद्योजक डॉ. अनिल फडके म्हणाले, "ऑक्टोबरमध्ये बाजारात मंदी होती. नोव्हेंबरमध्ये मार्गशीर्षचा प्रभावामुळे सर्वांनी बाजारात नरमाई गृहीत धरली होती. परंतु बाजाराने चांगली सुधारणा नोंदवली आहे. सध्या अति वजनाचा माल बाजारात शिल्लक नाही. सध्याचे वातावरणदेखील पक्ष्यांच्या वाढीसाठी अनुकूल नाही. गेल्या महिन्यात थंडीमुळे पक्ष्यांच्या वाढीसाठी जशी अनुकूलता होती, तशी ती आता नाही. शेजारील गुजरात-मध्य प्रदेशाकडून बाजाराला आधार मिळतोय. रविवारी दत्तजयंतीमुळे खप कमी होता. मात्र, पुढील खालात मार्गशीर्ष समाप्तीनंतर नाताळ, ३१ डिसेंबर असे खपाचे मोठे इव्हेंट आहेत. त्याने मालास उठाव मिळेल."

तज्ज्ञांच्या मते, दरवर्षी ब्रॉयलर्सची मागणी आठ ते दहा टक्क्यांनी वाढत असते. आधीच्या वर्षातील सरासरी विक्रीदरापेक्षा पुढील वर्षांतील दर नेहमी अधिक असतो. अशा परिस्थितीत मागणीत सुधारणा होताच बाजार किफायती पातळ्यांवर जातो. सद्यस्थिती मार्गशीर्ष महिना डोळ्यासमोर ठेऊन संतुलित पुरवठ्याचे नियोजन झाले आहे. अनेक शेतकऱ्यांनी श्रावणाप्रमाणेच मार्गशीर्ष अडचणीचा ठरतो म्हणून उत्पादन कमी ठेवले आहे. त्यामुळे पुरवठा नियंत्रित होताना दिसत असून, यापुढे बाजार किफायती राहण्यासारखी परिस्थिती आहे. डिसेंबरच्या तिसऱ्या आठवड्यापासून पुढे खपामध्ये मोठी वाढ होईल. त्यामुळे काही अंशी सध्याचा माल 'होल्ड' होण्याची शक्यता दिसत आहे.

हॅचिंग एग्ज आणि चिक्सचे दर उच्चांकी पातळीवर स्थिर आहेत. ब्रॉयलर्सचा बाजार असाच उंचावत राहिला. या दोन्हींचे भाव तेजीतच राहतील. कच्च्या मालाच्या दरात खालील पातळीवरून सुधारणा झाली आहे. तथापि, गेल्या पाच वर्षांतील सर्वाधिक कमी दरात कच्चा माल सध्या उपलब्ध आहे. यामुळे आजघडीला ज्यांच्याकडे स्वत:चे ब्रिडर्स आहेत ते इंटिग्रेटर्स शेतकरी व लेअर्स उत्पादकांना उत्पादन खर्चाच्या तुलनेत किफायती मार्जिन मिळत आहे.

श्रावणाप्रमाणेच ऐन मार्गशीर्ष या कमी खपाच्या महिन्यामध्ये ब्रॉयलर्सच्या बाजारात अनपेक्षितरीत्या सुधारणा दिसली आहे. गेल्या आठवडाभरात बाजार तब्बल वीस टक्क्यांनी वधारला. दुसरीकडे अंड्यांच्या बाजारात दहा टक्क्यांची घट झाली आहे.
 

प्रकार भाव परिमाण बाजारपेठ
ब्रॉयलर ७३ प्रतिकिलो नाशिक
अंडी ४२० प्रतिशेकडा पुणे
चिक्स ४२ प्रतिनग पुणे
हॅचिंग एग्ज ३३.५० प्रतिनग मुंबई
मका १२५० प्रतिक्विंटल सांगली
सोयामिल २२३०० प्रतिटन इंदूर

 

टॅग्स

इतर ताज्या घडामोडी
परभणी जिल्ह्यात हुमणीच्या नुकसानीचा कहरपरभणी ः परभणी जिल्ह्यात उद्‍भवलेल्या दुष्काळी...
बाजार समिती कर्मचारी शासन आस्थापनावर...पुणे  ः राज्यातील बाजार समित्यांमधील...
पुणे विभागात चारापिकांची एक लाख...पुणे   ः जनावरांसाठी चाऱ्याची अडचण येऊ नये...
साताऱ्यात उसावर ‘हुमणी’चा प्रादुर्भावसातारा  ः जिल्ह्यातील विविध पिकांवर ‘हुमणी’...
नगर जिल्ह्यात ३५ हजार हेक्‍टरवरील उसावर...नगर  ः नगर जिल्ह्यात यंदा उसावर ‘हुमणी’चा...
‘पंदेकृवि’तील शिवारफेरीला शेतकऱ्यांचा...अकोला  ः डाॅ. पंजाबराव देशमुख कृषी...
महसूल राज्यमंत्र्यांनी घेतला महागावमधील...महागाव, जि. यवतमाळ  ः दुष्काळग्रस्त भागात...
महाराष्ट्रातील जनताच पंतप्रधान मोदी...शिर्डी, जि. नगर   ः घरकुलाचा लाभ देण्यासाठी...
सरकारने कर्जमाफीत घोटाळा केला : उध्दव...नगर  ः राज्यातील शेतकऱ्यांसाठी कर्जमाफी...
पुण्यात भाजीपाल्याच्या मागणीत वाढ; दरही...पुणे ः गुलटेकडी येथील कृषी उत्पन्न बाजार...
नाशिक जिल्ह्यात सर्वपक्षीय पाणी बचाव...नाशिक  : मराठवाड्यातील जायकवाडी धरणात नाशिक...
इंदापूर बाजार समितीत शेतीमाल तारण योजना...इंदापूर, जि. पुणे  ः महाराष्ट्र राज्य कृषी...
नगर जिल्ह्यात एप्रिलपासून चाराटंचाई...नगर  ः जिल्ह्यात यंदा पाऊस नसल्याचे...
शेतीतील सुधारणांसाठी कृषी विद्यापीठांची...अकोला   ः बदललेल्या परिस्थितीत शेतीतही मोठी...
नगर जिल्हा परिषदेत सरकार विरोधात...नगर  ः जिल्हा परिषदेच्या मालकीच्या...
शेतकऱ्यांच्या मागण्यांबाबत ‘राष्ट्रवादी...अकोला  ः तूर, सोयाबीन, हरभरा या पिकांचा विमा...
शेतकरीप्रश्नी ‘स्वाभिमानी’चे विदर्भ,... पुणे ः पश्चिम महाराष्ट्रातील दूध व ऊस...
औरंगाबादेत बटाटा प्रतिक्‍विंटल १००० ते...औरंगाबाद : येथील कृषी उत्पन्न बाजार समितीमध्ये...
धुळीतील जिवाणूंना रोखण्यासाठी हवे...खिडक्यातून आत येणाऱ्या सूर्यप्रकाशामुळे धुळीमध्ये...
हळदीमध्ये भरणी, खत व्यवस्थापन...हळदीची उगवण आणि शाकीय वाढ यांनतर पुढील दोन...