agriculture news in marathi, poultry, rates down, October hit, Pune | Agrowon

ऑक्टोबर हीटमुळे वाढली विक्री, बाजार नरमला
दिपक चव्हाण
सोमवार, 9 ऑक्टोबर 2017

पुणेः गेल्या आठवड्यापासून वातावरणातील चढ-उतार आणि वाढत्या आर्द्रतेमुळे ब्रॉयलर पक्ष्यांची उत्पादकता घटत असल्याने विक्रीचे प्रमाण वाढले आहे. परिणामी बाजार आठवडाभरात प्रतिकिलोमागे चार रुपयांनी नरमला आहे.

पुणेः गेल्या आठवड्यापासून वातावरणातील चढ-उतार आणि वाढत्या आर्द्रतेमुळे ब्रॉयलर पक्ष्यांची उत्पादकता घटत असल्याने विक्रीचे प्रमाण वाढले आहे. परिणामी बाजार आठवडाभरात प्रतिकिलोमागे चार रुपयांनी नरमला आहे.

नाशिक विभागात रविवारसाठी ६८ रु. प्रतिकिलो भावाने ब्रॉयलर पक्ष्यांचे फार्म लिफ्टिंग झाले. सध्या ऑक्टोबर हीटमुळे पक्ष्यांची उत्पादकता कमी झालेली दिसते. रात्री २० अंश सेल्सिअस ते दुपारच्या वेळेस ३५ अंशांपर्यंत तापमानात चढ-उतार होत आहे. ज्या वेळी तापमानातील फरक दहा अंशांपेक्षा वाढतो, त्यावेळी खाद्य खाऊन वजनाचा रेशो (एफसीआर) बिघडतो. अशा वेळी तोटा कमी करण्यासाठी शेतकरी आहे तो माल विक्री करण्यावर भर देतात. गेल्या आठवड्यात या पद्धतीने विक्री झाल्यामुळे बाजार नरमला.

‘‘बाजारात फार मोठ्या वजनाचे पक्षी नाहीत. सध्याच्या विक्रीमुळे पुढील काळात पुरवठा आणखी कमी झालेला दिसेल. शिवाय शेजारी राज्यांत ७० रु. प्रतिकिलोच्या वर बाजारभाव आहेत. त्यामुळे चालू आठवड्यात बाजारात सुधारणा अपेक्षित आहे,’’ असे खडकेश्वरा हॅचरिजचे संचालक संजय नळगीरकर यांनी सांगितले.

‘‘सध्या परीक्षांचा कालावधी सुरू असून, संस्थात्मक मागणी थोडी कमी आहे. रविवारी (ता. ८) संकष्टी चतुर्थी आल्यामुळे नेहमीच्या रविवारच्या तुलनेत चिकनचा खप कमी प्रमाणात झाला आहे. पुढे सुट्या सुरू झाल्यानंतर किरकोळ व संस्थात्मक खपात वाढ अपेक्षित आहे,’’ असे ते म्हणाले.

सध्याची प्लेसमेंट ही मार्गशीर्ष सुरू झाल्यावर बाजारात येईल. त्यावेळी थंडीमुळे चिकनच्या खपात सुधारणा झालेली दिसेल. सध्या हॅचिंग एग्ज आणि एका दिवसाच्या पिलांचे (चिक्स) भाव उच्चांकी पातळीवर स्थिर आहेत. मका, सोयामिलचे दर नरमल्याने खाद्यावरील खर्च कमी झाला असला तरी चिक्सच्या भाववाढीमुळे एकूण उत्पादन खर्च फार कमी झालेला नाही. दीर्घकाळानंतर खाण्याच्या अंड्यांच्या बाजारात सुधारणा झाली आहे. मागील आठवड्यात बाजार प्रतिशेकडा ३० रुपयांनी सुधारला आहे. 

‘‘दसरा सण बाजारभावाच्या दृष्टीने थोडा निराश करणारा होता. या काळासाठी झालेल्या उत्पादनवाढीने बाजारभावावर अंकुश ठेवला असून, त्याच उत्पादनवाढीचा प्रभाव मागील आठवड्यांवरही होता. सध्या महाराष्ट्रासह गुजरात आणि उत्तर भारतात बाजारभाव एकाच रेंजमध्ये आहे. पुढील पंधरवड्यात बाजाराची चाल सध्याच्याच भावपातळीत राहील. दिवाळी या सर्वाधिक खपाच्या आठवड्यात अतिरिक्त पुरवठा कमी होणे अपेक्षित आहे. दिवाळीनंतरचा बाजार आणखी आश्वासक वाटतो, त्यावेळी आजच्या तुलनेत बाजारभाव किफायती राहतील,’’ असे आणंद येथील पोल्ट्री उद्योजक अनुभाई पटेल यांनी सांगितले.

प्रकार भाव परिमाण     बाजारपेठ
ब्रॉयलर     ६८     प्रतिकिलो     नाशिक
अंडी     ३८०     प्रतिशेकडा     पुणे
चिक्स     ४२ प्रतिनग     पुणे
हॅचिंग एग्ज ३२     प्रतिनग     मुंबई
मका     १५००     प्रतिक्विंटल     सांगली
सोयामिल     २२,८००     प्रतिटन     इंदूर
 

        

    
 

 

इतर अॅग्रो विशेष
औरंगाबाद येथील आंतरराष्ट्रीय सुक्ष्म...औरंगाबाद : औरंगाबाद येथे आयोजित नवव्या...
शेतीपूरक उद्योगातून बचत गट झाले सक्षमचिखली (जि. बुलडाणा) येथील हिरकणी महिला उत्कर्ष...
गोरक्षणासोबतच जपला व्यसनमुक्‍तीचा वसालाठी (ता. मंगरुळपीर, जि. वाशीम) येथील दिलीप बाबा...
अप्रमाणित रोपांमुळे ‘फेल' बागांवर...पुणे : दुष्काळात जीवापाड जपलेल्या बागा अप्रमाणित...
सोयाबीन दराचा आलेख चढताच; लातूरला ३८११...लातूर : येथील उच्चत्तम कृषी उत्पन्न बाजार...
धान उत्पादकांना बोनस कधी?नागपूर : लगतच्या छत्तीसगड राज्याच्या तुलनेत...
उत्तर भारतात थंडी कायमश्रीनगर : जम्मू-काश्‍मीर, पंजाब, हरियाना व हिमाचल...
राज्यात थंडी झाली कमीपुणे : राज्यात अपवाद वगळता सर्वच ठिकाणच्या किमान...
बांधावर फुलवा ‘हिरवं सोनं’ण्याचा अभाव, मजूरटंचाई, मजूर व निविष्ठांचे...
आधुनिक सेवेसोबत ग्राहकांना हवा विश्‍वास संपूर्ण जगात अग्रेसर असलेल्या आधुनिक बॅंकिंग...
'शेतकऱ्यांना दिलासा देणारे निर्णय लवकरच...नवी दिल्ली  : समस्याग्रस्त शेती क्षेत्र आणि...
नंदुरबार, धुळ्यात पपई काढणी बंदनंदुरबार  : पपईच्या दरावरून शेतकरी, व्यापारी...
...त्या दिवशी घरातलं कुणी जेवलं नायसुपे, जि. पुणे : एकच बैल होता. चितऱ्या...
किमान तापमानात वाढ होण्याची शक्यतापुणे  : राज्याच्या किमान तापमानात वाढ...
सावित्रीबाई फुले पुणे विद्यापीठाला जगात...पुणे - द टाइम्स हायर एज्युकेशनने जाहीर...
पीक फेरपालटीवर भर देत श्रीमंती केळीचे...कलाली (ता. अमळनेर, जि. जळगाव) येथील योगेश व मनोज...
बळिराजाच्या हाती पुन्हा ‘लोखंड्या नांगर’गणूर, जि. नाशिक : शेतमालाला मिळणारे कवडीमोल भाव,...
दराच्या प्रतीक्षेतील कांद्याला फुटले...वडेल, जि. नाशिक :  आज ना उद्या दर वाढला, की...
पोटदुखीवर कडू कंद उपयुक्त कडू कंद ही वेलवर्गीय वनस्पती असून...
शिरूर ठरले मुगासाठी हक्काची बाजारपेठपुणे जिल्ह्यात शिरूर बाजार समिती ही मुगासाठी...