agriculture news in Marathi, Poutry rates increased, Maharashtra | Agrowon

तीन महिन्यांनंतर परतली तेजी; बाजार उसळला
दिपक चव्हाण
सोमवार, 30 एप्रिल 2018

बाजारात अपेक्षेप्रमाणे सुधारणा झाली आहे. मागील दोन-तीन वर्षांत मे महिन्यात बाजारात सर्वाधिक उंच पातळीची नोंद झाली आहे.
- संजय नळगीरकर, संचालक, खडकेश्वर हॅचरीज, औरंगाबाद

जानेवारीच्या शेवटच्या आठवड्यापासून ब्रॉयलर्सच्या बाजारभावात आलेली मरगळ झटकली गेलीय. बाजाराने ८० चा आकडा पार केला असून, यापुढेही तेजीत सातत्य राहण्याचे चित्र आहे. 

नाशिक विभागात शनिवारी (ता. २९) रोजी ८२ रु. प्रतिकिलोने ब्रॉयलर पक्ष्यांचे लिफ्टिंग झाले. मागील आठवड्याच्या तुलनेत बाजारभावात तीस टक्क्यांनी वाढ झाली आहे. यासंदर्भात नाशिक येथील पोल्ट्री उद्योजक डॉ. अनिल फडके म्हणाले, ‘‘कडक उन्हाळ्याच्या प्रभावामुळे ब्रॉयलर पक्ष्यांचा वजनरूपी पुरवठा घटला आहे. सध्या बाजारात मोठ्या पक्ष्यांचा तुटवडा निर्माण झाला आहे. यामुळे चालू आठवड्यांतही तेजीमध्ये सातत्य राहील. गेल्या तीन महिन्यांच्या मंदीच्या पार्श्वभूमीवर बाजाराला या तेजीची खूप गरज होती. ज्या शेतकऱ्यांनी उत्पादनात सातत्य राखले आहे, त्यांना या तेजीचा नक्कीच फायदा होईल.’’

सप्तशृंगी अॅग्रोचे संचालक मनोज कापसे म्हणाले, ‘‘बाजारभावाच्या वरच्या पातळ्यांवर पुरवठा वाढल्यामुळे गुजरात आणि मध्य प्रदेशातील रेट्स महाराष्ट्राच्या समकक्ष आले आहेत. मात्र पुढील दोन दिवसांत पुरवठा कमी होऊन महाराष्ट्राच्या तुलनेत पुन्हा शेजारी राज्यातील बाजार उंचावेल. उत्तर भारतात ओपन फार्मर्सची संख्या अधिक आहे. त्यामुळे तेथे दीर्घकाळ मंदी टिकत नाही. कारण मंदीत संस्थात्मक क्षेत्राच्या तुलनेत ओपन फार्मर्सची तग धरून राहण्याची क्षमता कमी असते. या पार्श्वभूमवीर, मंदीसह उन्हाळ्याच्या प्रभावामुळे उत्तर भारतातील बाजार यापुढे तेजीत राहण्याची अपेक्षा आहे.’’

बाजार सुधारला, पण... 
तज्ज्ञांच्या मते, बाजारभाव ८० रु. प्रतिकिलोच्या वर टिकला तरच तो किफायती आहे, असे म्हणता येईल. कारण सध्याच्या प्रतिकूल तापमानात ब्रॉयलर पक्षी टिकाव धरत नसून, सरासरी १५ ते २० टक्क्यांपर्यंत वजनरूपी उत्पादकता घटली आहे. यामुळे स्वत:चे ब्रीडर्स असलेल्या इंटिग्रेटर्सचा प्रतिकिलो उत्पादन खर्च ६५ रु. वर पोचला आहे. ओपन फार्मर्स आणि नॉन ब्रीडर्स इंटिग्रेटर्सचा प्रतिकिलो खर्च तर अनुक्रमे ७० आणि ७५ रु. च्या वर पोचला आहे. अशा परिस्थितीत जर ब्रॉयलर्स पक्ष्यांना प्रतिकिलो ८० रु. दर मिळत असला तरी तो किफायती नाही, असे म्हणावे लागेल.

खडकेश्वर हॅजरिचे संचालक संजय नळगीरकर यांची निरीक्षणे पुढीलप्रमाणे : बाजारात अपेक्षेप्रमाणे सुधारणा झाली आहे. चालू पंधरवड्यात बाजारभाव किफायती राहण्याची अपेक्षा आहे. १५ मेपासून अधिक मासारंभ आहे. श्रावण महिन्याप्रमाणेच अधिक मासात उपवास पाळले जातात. मासांहारी पदार्थांचा खप कमी होतो. ही बाब लक्षात घेऊन पोल्ट्री उद्योगाने संतुलित पुरवठ्याचे नियोजन केले आहे. दरवर्षी मेचा पहिला आठवडा बाजारभावाच्या दृष्टीने किफायती असतो. मागील दोन-तीन वर्षांत मे महिन्यात बाजारात सर्वाधिक उंच पातळीची नोंद झाली आहे.

मागील आठवड्यात हॅचिंग एग्जचे दर दोन रुपयांनी कमी झाले, तर एका दिवसाच्या पिलाचे (चिक्स) दर स्थिर होते. अंड्यांच्या (टेबल एग्ज) दरात वर्षातील नीचांकी पातळीवरून दहा टक्क्यांची सुधारणा झाली आहे.
 

प्रकार     भाव    परिमाण बाजारपेठ
ब्रॉयलर   ८२   प्रतिकिलो   नाशिक
चिक्स   ३५     प्रतिनग   पुणे
हॅचिंग एग्ज  २५.५  प्रतिनग मुंबई
अंडी    ३१५     प्रतिशेकडा   पुणे

    
    
   
          
 
 

इतर अॅग्रोमनी
हळद वगळता सर्व शेतमालाचे भाव तेजीतया सप्ताहात साखर, सोयबीन व हळद वगळता सर्व पिकांचे...
कापूस कोंडी टाळण्यासाठी मिशन मोडवर काम...भारत हा जगातील पहिल्या क्रमांकाचा कापूस उत्पादक...
हळद, हरभऱ्याच्या फ्युचर्स भावात चढ -...या सप्ताहात कापूस, गवार बी व हरभरा वगळता सर्व...
इंटरनेटद्वारे कृषिमालाचे प्रभावी विपणनएकविसाव्या शतकातील माणूसही इंटरनेटच्या वेगाने...
पुढील काही महिने हळदीच्या दरावर ठेवा...या सप्ताहात सोयाबीन व गहू वगळता सर्व पिकांचे भाव...
ऑक्टोबरमध्ये प्रथमच ब्रॉयलर बाजार...ब्रॉयलर्सचे बाजारभाव वर्षातील उच्चांकी पातळीवर...
सार्वजनिक क्षेत्रातील उपक्रमांची गोचीकोणतेही तातडीचे, आतबट्टायचे काम करायचे असेल तर...
पीक संरक्षण क्षेत्रात ‘महिंद्रा’ची...मुंबई : कृषी अवजारे आणि शेती उत्पादनात देशात...
व्यापारी बँका वित्तीय निरक्षरतेचा फायदा...व्यापारी बँका सामान्य कर्जदारांमधील वित्तीय...
संतुलित पुरवठ्यामुळे ब्रॉयलर्सच्या...नवरात्रोत्सवामुळे चिकनच्या सर्वसाधारपण खपात मोठी...
नवीन हंगामात कापसाची अडखळती सुरवातदेशात कापसाच्या २०१८-१९ च्या नवीन विपणन हंगामाची...
हमीभाव मनमोहनसिंग सरकारपेक्षा कमी;...नरेंद्र मोदी सरकारने जुलै महिन्यात पिकांच्या...
तेल द्या आणि तांदूळ घ्या; भारताकडून '...अमेरिकेच्या डॉलरच्या तुलनेत भारतीय रुपया दररोज...
थेट विक्रीचे देशी मॉडेलमहाराष्ट्रात शेतकऱ्यांच्या पुढाकारातून सेंद्रिय व...
शेतीशी नाळ जोडणारा फॅब्रिकेशन व्यवसायफॅब्रिकेशन व्यवसाय एक उत्तम लघू उद्योग आहे. या...
हेमंतरावांची शेती नव्हे ‘कंपनी’च!लखमापूर (ता. दिंडोरी, जि. नाशिक) येथील हेमंत...
खरीप मका, हळदीच्या भावात घसरणया सप्ताहात कापूस, रब्बी मका, सोयाबीन व हरभरा...
कृषी व्यवसाय, उद्योगाकरिता व्यवहार्यता...कृषी व्यवसाय किंवा उद्योगामध्ये अपेक्षित उत्पन्न...
सोयाबीन, कापूस वगळता इतर पिकांच्या...या सप्ताहात सोयाबीन व कापूस वगळता इतर वस्तूंच्या...
सोयामील निर्यात ७० टक्के वाढण्याचा अंदाजदेशाची सोयामील (सोयापेंड) निर्यात २०१८-१९ या...