agriculture news in marathi, pre kharip planning meeting, solapur, maharashtra | Agrowon

खते, बियाणेपुरवठा वेळेत करा : पालकमंत्री देशमुख
टीम अॅग्रोवन
मंगळवार, 10 एप्रिल 2018

सोलापूर   : आगामी खरीप हंगामात शेतकऱ्यांना खते, बियाणे आणि वीज यांचा पुरवठा वेळेत होईल याबाबत दक्षता घेतली जावी, अशा सूचना पालकमंत्री विजयकुमार देशमुख यांनी येथे दिल्या.

पालकमंत्री देशमुख यांच्या अध्यक्षतेखाली खरीप हंगामपूर्व आढावा बैठक सोमवारी (ता. ९) झाली. या वेळी त्यांनी या सूचना दिल्या. जिल्हाधिकारी कार्यालयातील बहुद्देशीय सभागृहात झालेल्या या बैठकीस सहकारमंत्री सुभाष देशमुख, जिल्हा परिषदेचे अध्यक्ष संजय शिंदे, आमदार बबनराव शिंदे, प्रभारी जिल्हाधिकारी रामचंद्र शिंदे, विभागीय कृषी सहसंचालक विजय इंगळे, जिल्हा अधीक्षक कृषी अधिकारी बसवराज बिराजदार उपस्थित होते.  

सोलापूर   : आगामी खरीप हंगामात शेतकऱ्यांना खते, बियाणे आणि वीज यांचा पुरवठा वेळेत होईल याबाबत दक्षता घेतली जावी, अशा सूचना पालकमंत्री विजयकुमार देशमुख यांनी येथे दिल्या.

पालकमंत्री देशमुख यांच्या अध्यक्षतेखाली खरीप हंगामपूर्व आढावा बैठक सोमवारी (ता. ९) झाली. या वेळी त्यांनी या सूचना दिल्या. जिल्हाधिकारी कार्यालयातील बहुद्देशीय सभागृहात झालेल्या या बैठकीस सहकारमंत्री सुभाष देशमुख, जिल्हा परिषदेचे अध्यक्ष संजय शिंदे, आमदार बबनराव शिंदे, प्रभारी जिल्हाधिकारी रामचंद्र शिंदे, विभागीय कृषी सहसंचालक विजय इंगळे, जिल्हा अधीक्षक कृषी अधिकारी बसवराज बिराजदार उपस्थित होते.  

पालकमंत्री देशमुख म्हणाले, की खरीप हंगामात शेतकऱ्यांना खते आणि बियाणे वेळेवर मिळावीत या अनुषंगाने नियोजन करा. ई-पॉस मशिनद्वारे खत विक्री केली जाणार आहे. त्यासाठी पुरेशा मशिन उपलब्ध आहेत का, याबाबत खात्री करा. शेतकऱ्यांच्या मागणीनुसार महाबीज आणि इतर संस्थांकडून बियाणे वेळेवर उपलब्ध होतील याची दक्षता घ्यावी.

सहकारमंत्री देशमुख यांनी पतपुरवठा आराखड्यातील नियोजनानुसार राष्ट्रीय, सहकारी आणि ग्रामीण बॅंकांनी शेतीस पतपुरवठा करावा. ग्रामीण विभागीय बॅंकांकडून गेल्या दोन वर्षांत समाधानकारक पतपुरवठा झालेला नाही. यासाठी त्यांचे उद्दिष्ट्य कमी केले जावे. सोलापूर जिल्हा बॅंकेने शेतीसाठीच्या पतपुरवठ्याचे उद्दिष्ट्य पूर्ण करावे, असे सांगितले.

आमदार शिंदे यांनी शेतकऱ्यांना अद्याप दुष्काळी निधीचे वाटप झाले नसल्याचे सांगितले. यावर प्रभारी जिल्हाधिकारी रामचंद्र  शिंदे यांनी यासाठी ५२ कोटी रुपयांचा निधी आला आहे. त्यापैकी ४१ कोटी रुपयांच्या निधीचे वाटप करण्यात आले असून, उर्वरित निधीचेही एप्रिलअखेरपर्यंत वाटप करण्यात येईल, असे सांगितले.

श्री. बिराजदार यांनी प्रारंभी कृषी विभागाने खरीप हंगामासाठी केलेले नियोजन आणि विविध योजनांतून शेतकऱ्यांना देण्यात आलेले लाभ, अनुदान आणि फलनिष्पत्ती याबाबतचे सादरीकरण केले. यामध्ये त्यांनी आपात्कालीन पीक नियोजन, जलयुक्त शिवार अभियान, गटशेती योजना याबाबतची माहिती दिली.

बैठकीस जलसंपदाचे अधीक्षक अभियंता शिवाजी चौगुले, जिल्हा उपनिबंधक अविनाश देशमुख, नाबार्डचे जिल्हा प्रबंधक प्रदीप झिले, प्रकल्प संचालक रवींद्र माने, सोलापूर जिल्हा बॅंकेचे सरव्यवस्थापक किसन मोटे आदी उपस्थित होते.

 

इतर ताज्या घडामोडी
'पुलवामा'चा सूत्रधार काश्‍मीरमध्येच?नवी दिल्ली : पुलवामामधील दहशतवादी हल्ल्याचा...
उन्हाळी पिकातील खतांचे व्यवस्थापनउन्हाळी हंगामात प्रामुख्याने भुईमूग, सूर्यफूल,...
केम प्रकल्पाला लागली भ्रष्टाचाराची वाळवीअमरावती : अंमलबजावणीपेक्षा गैरव्यवहार व...
‘पेंच’ लाभक्षेत्रातील शेतकऱ्यांना १३...नागपूर : मध्य प्रदेशातील चौराई प्रकल्पामुळे पेंच...
‘एसटी’साठी जागा आठ हजार अन्‌ अर्ज ४१...सोलापूर : राज्य परिवहन महामंडळात चालक व...
दररोजचा दोनशे टन द्राक्षपुरवठा ठप्पपिंपळगाव बसवंत, जि. नाशिक : जम्मू-काश्‍...
'देशात आयात होणाऱ्या सोयाबीनवर बंदी...पुणे : देशांतर्गत दर वाढत असल्याने...
बांबू उत्पादन, गुंतवणूक संधीसाठी...मुंबई : देशातील बांबू लागवडीला चालना देण्याबरोबरच...
व्यवस्थेनेच शेतकऱ्यांना ओरबडले : राजू...कोल्हापूर ः ‘देशात अनेक राजवटी आल्या; पण या...
चारा छावण्या सुरू न केल्यास आंदोलन :...नगर : दुष्काळी परिस्थिती लक्षात घेऊन राज्य सरकाने...
आंबा मोहर सल्ल्यासाठी तज्ज्ञ बांधावर जालना : हवामानाचा बदलता अंदाज पाहता फळ संशोधन...
मापाडींच्या प्रश्नांबाबत सरकार...सोलापूर  : राज्यातील बाजार समित्यातील हमाल-...
तीन वर्षांपूर्वीचा हरभरा बियाणे घोळाचा...अकोला ः २०१६-१७ च्या रब्बी हंगामात शेतकऱ्यांना...
उन्हाळ कांद्याच्या सिंचनाबाबत अडचणी जळगाव  ः उन्हाळ कांदा लागवडीसंबंधी खानदेशात...
पाकमधून होणाऱ्या सर्व आयातीवर जबर शुल्कनवी दिल्लीः पुलवामा येथील हल्ल्याच्या...
हुतात्मा जवानांच्या कुटुंबीयांना ५० लाख...बुलडाणा ः तीन दिवसांपूर्वी काश्‍मीरमधील...
रविवार विशेष : दावणत्या दाव्यानं असे किती जीव ओढत नेले असतील...
केंद्रीय कृषी विद्यापीठे ही काळाची गरज...देशात वातावरणावर आधरित १५ झोन आहेत. या...
श्रीमंत रानातला ‘गरीब’ प्रतिभावंत !ठकाबाबांनी जगण्यावर, कलेवर भरभरून प्रेम केले. कला...
तूर, हरभरा अनुदान मिळण्यासाठी अचूक...मुंबई : शेतकऱ्यांचे आधार क्रमांक बँक खात्यास...