agriculture news in marathi, pre monsoon cotton crop area decrease, buldhana, maharashtra | Agrowon

बुलडाण्यात प्री-मॉन्सून कापूस लागवड घटली
टीम अॅग्रोवन
मंगळवार, 5 जून 2018

गेल्या हंगामात कपाशीवर झालेला बोंड अळीचा प्रादुर्भाव पाहता या वेळी २० मेपर्यंत बियाणे पुरवठा न झाल्याने तसेच कृषी विभागाने प्री-मॉन्सून कापूस लागवड न करण्याचे आवाहन केल्याने यंदा ही लागवड झालेली नाही. दरवर्षी तालुक्‍यात तीनशे ते चारशे हेक्‍टरवर प्री-मॉन्सून कपाशी लागवड व्हायची.
- श्री. अंगाईत, तालुका कृषी अधिकारी नांदुरा, जि. बुलडाणा.

बुलडाणा ः मागील हंगामात बीटी कपाशीवर बोंड अळीचा प्रादुर्भाव झाल्यामुळे कापूस उत्पादकांचे अतोनात नुकसान झाले. मोठ्या प्रमाणात प्रयत्न करूनही शेतकऱ्यांना बोंड अळीच्या प्रादुर्भावापासून पीक वाचवता आले नाही. यामुळे आगामी हंगामाच्या दृष्टीने कृषी विभागाने कापूस लागवड २० मे आधी न करण्याचे केलेले आवाहन तसेच या तारखेपर्यंत बियाणे विक्रीला पायबंद घातल्याने प्री-मॉन्सून कापूस लागवडीचे प्रमाण ८० टक्‍क्‍यांपेक्षा कमी झाले आहे. प्रखर उष्णता व सिंचनासाठी पाणी नसल्याने शेतकऱ्यांनी देखील मे महिन्यात कपाशी लागवडीसाठी पुढाकार घेणे टाळले होते.

दरवर्षी जिल्ह्यात मे महिन्यात प्री-मॉन्सून कपाशी लागवडीचे काम सुरू होते. या लागवडीमुळे उत्पादनात मोठी वाढ करता येते असा शेतकऱ्यांचा वर्षानुवर्षे अनुभव होता. त्यामुळेच जिल्ह्यात मलकापूर, नांदुरा, जळगाव जामोद, संग्रामपूर या तालुक्‍यांमध्ये सुमारे दोन ते अडीच हजार हेक्‍टरवर प्री-मॉन्सून कपाशी लागवड व्हायची.

यावर्षी उष्णतामान सातत्याने ४५ अंश सेल्सिअसपेक्षा अधिक राहल्याने, तसेच जलस्रोतांमधील पाणीपातळी खालावल्याने अनेकांनी या लागवडीकडे पाठ फिरवली. गेल्या हंगामात प्री-मॉन्सून लागवड केलेल्या कपाशीवर बोंड अळीचा प्रादुर्भाव अधिक झाला होता. त्यामुळे अनेकांना नफा होणे तर दूरच मात्र केलेला खर्चही निघालेला नव्हता. त्यातच कृषी खात्याने २० मेपर्यंत बाजारपेठेत बियाणे उपलब्ध करून देण्यास कंपन्यांना मज्जाव केला. शिवाय प्री-मॉन्सून कापूस लागवड टाळण्याचे आवाहन केले. ज्यांनी कपाशीची लागवड केली त्यांना हे पीक उष्णतेपासून वाचवण्यासाठी मोठी कसरत करावी लागली.

प्री-मॉन्सून बीटी कपाशी लागवड ही काही कंपन्यांसाठी मोठी संधी असे. हंगामाच्या सुरवातीलाच बियाणे विक्री व्हायची. शिवाय हे प्री-मॉन्सून कपाशीचे प्लॉट नंतर वाणाचे ब्रॅंडिंग करण्यासाठी फायदेशीर ठरत होते. दिवाळीच्या दरम्यान शेतकऱ्यांच्या क्षेत्र भेटीचे कार्यक्रम घेतले जात. यावर्षी लागवड अत्यंत कमी असल्याने बियाणे विक्रीला फटका बसला आहे.
 

इतर ताज्या घडामोडी
पाणीटंचाई निवारणासाठी ३२ कोटीनागपूर : ग्रामीण भागातील पाणीटंचाई...
परभणी जिल्ह्यात रब्बी ज्वारीचा अग्रीम...परभणी ः परभणी जिल्ह्यात उद्भवलेल्या दुष्काळी...
नांदेड, परभणी, हिंगोली जिल्ह्यांत १२...नांदेड ः चालू कापूस खरेदी हंगामामध्ये नांदेड,...
बेदाणानिर्मिती शेडवर बसू लागली यंत्रेसांगली ः जिल्ह्यातील कवठेमहांकाळ, मिरज...
उन्हाळी भुईमुगावरील कीड नियंत्रणउन्हाळी भुईमुगावर खालील विविध अळ्यांचा...
जातपडताळणीचा ‘ऑफलाइन’ छळ पुणे  : शासनानेच वाटलेल्या जातप्रमाणपत्रांची...
लागवड उन्हाळी तिळाची...उन्हाळी हंगामात लागवडीसाठी एकेटी १०१, पीकेव्ही एन...
सांगलीत शनिवारपासून सेंद्रिय परिषद,...सांगली ः रेसीड्यू फ्री ऑरगॅनिक मिशन इंडिया...
उन्हाळी भुईमुगावरील पानेे खाणारी अळी या अळीला तंबाूखूवरील पाने खाणारी अळी म्हणूनही...
लोहाच्या कमतरतेवरील वनस्पतींची...हेन्रिच हेईन विद्यापीठ डस्सेलडॉर्प आणि...
नेरच्या नदी पात्रातील भराव काढादेऊर, ता.धुळे : पांझरा नदी पात्रातील नव्या...
सौर कृषिपंप योजनेसाठी पुणे जिल्ह्यातून...पुणे : शेतकऱ्यांना दिवसा व सौरऊर्जेद्वारे शाश्वत...
अपारंपरिक ऊर्जा काळाची गरज : बावनकुळेभंडारा : पारंपरिक ऊर्जेची मर्यादा लक्षात घेऊन...
नांदेड जिल्ह्यामध्ये १८ टॅंकरद्वारे...नांदेड ः जिल्ह्यातील तीव्र पाणीटंचाई उद्भवलेली ११...
परभणी, नांदेड जिल्ह्यात २ लाख खात्यांवर...परभणी ः परभणी आणि नांदेड जिल्ह्यातील दुष्काळामुळे...
टेंभूच्या नेवरी वितरिकेची कामे २२...सांगली ः टेंभू उपसा सिंचन योजनेच्या नेवरी वितरिका...
पाणीटंचाईमुळे कांदा लागवडीच्या...पुणे ः वाढत असलेल्या पाणीटंचाईमुळे शेतकऱ्यांनी...
नगर जिल्ह्यामध्ये तुरीचे उत्पादन...नगर ः नगर जिल्ह्यामध्ये यंदा दुष्काळी परिस्थिती...
अण्णासाहेब पाटील महामंडळामार्फत १२ कोटी...कोल्हापूर : शासनाने अण्णासाहेब पाटील आर्थिक मागास...
कचारगडला `अ’ वर्ग पर्यटनस्थळाचा दर्जा...गोंदिया ः कचारगड हे देशभरातील भाविकांचे...