agriculture news in marathi, pre monsoon cotton damage in jalgaon, dhule, maharashtra | Agrowon

जळगाव, धुळ्यातील कपाशीला पावसाचा फटका
चंद्रकांत जाधव
गुरुवार, 12 ऑक्टोबर 2017

आमच्या तालुक्‍यात अधिकचा पाऊस झाला आहे. कृषी सहायक, तलाठी आलेले नाहीत. यंत्रणा सक्षम नसल्याने शेतकऱ्यांच्या अडचणी वेळेत, हव्या त्या गतीने शासनापर्यंत पोचत नाहीत. नुकसानीची दखल शासनाने घ्यावी. 

- सचिन जगन्नाथ पाटील, शेतकरी, खेडी खेडगाव, जि. जळगाव.
जळगाव  ः मागील तीन दिवसांत झालेल्या पावसामुळे जवळपास ३० हजार हेक्‍टरवरील पूर्वहंगामी कपाशीमधील बोंडे काळवंडली असून, सोयाबीन, ज्वारीला कोंब फुटतील की काय, अशी धास्ती निर्माण झाली आहे. कोरडवाहू कपाशीला पावसामुळे दिलासा मिळालेला असला, तरी इतर पिके हातची जाण्याची स्थिती आहे. त्यामुळे शेतकऱ्यांचा दिवाळीपूर्वीचा उत्साह कुठेही दिसत नसल्याचे चित्र आहे. दुसऱ्या बाजूला यंत्रणा तोकडी असल्याने पंचनामे फारशा गतीने सुरू नाहीत. 
 
जळगाव जिल्हा अधीक्षक कृषी विभागाने विविध तालुक्‍यांमधून याबाबत अहवाल मागविला आहे. जिल्ह्यात अमळनेर, चोपडा, भुसावळ, पारोळा, भडगाव येथे बुधवारीदेखील (ता.११) पाऊस झाला. चोपडा तालुक्‍यात मागील तीन दिवसांत ४०, जळगावात १८, चाळीसगावात सर्वाधिक ४१ आणि यावल व रावेरमध्ये १९ मिमी पाऊस झाला आहे. 
 
धुळे भागात ज्वारीचे नुकसान झाले आहे. या जिल्ह्यात मागील तीन दिवसांत धुळे तालुक्‍यात मंगळवारपर्यंत (ता.१०) २२.४, साक्रीत ४.६ , शिरपुरात ३२.३ तर शिंदखेडा तालुक्‍यात १८.६ मिमी पाऊस झाला आहे. धुळ्यात पावसाचा कोरडवाहू कपाशी, मका या पिकांना दिलासा मिळाला आहे. परंतु ज्वारी काळवंडू लागली आहे.
 
शिरपूर, शिंदखेडा, धुळे तालुक्‍यांतील पूर्वहंगामी कपाशीला फटका बसला आहे. नुकसानीमुळे खरीप पीकविमा योजनेतून पंचनामे करून भरपाई मिळण्याची मागणी करण्यात आली आहे. पावसाची आकडेवारी कमी दिसत असली तरी काही भागांत अधिकचा पाऊस झाला. त्याचा फटका पिकांना बसला आहे. धुळेसह जळगाव जिल्ह्यात कृषी विभागाकडे बुधवारपर्यंत (ता.११) नुकसानीसंबंधीची माहिती आलेली नव्हती. अर्थातच यंत्रणा तोकडी आहे.
 
जळगाव जिल्ह्यात कृषी सहायकांची २३८ पदे रिक्त आहेत. धुळे जिल्ह्यातही १०० पेक्षा अधिक पदे रिक्त आहेत. तलाठी कामबंद आंदोलनात सहभागी झाले आहेत. त्यामुळे पंचनाम्यांची मागणी शेतकरी करीत असले तरी पंचनामे सुरू झालेले नाहीत, अशी माहिती आहे.

इतर अॅग्रो विशेष
पूर्व विदर्भासह नागपूरपर्यंत रिमझिम...नागपूर : आंध्रप्रदेशात चक्रीवादळ दाखल झाल्याचा...
दुष्काळीशी सामना करण्यासाठी...पंढरपूर, जि. सोलापूर :  राज्यात यंदा...
पेथाई चक्रीवादळ आंध्रच्या किनारपट्टीला... किनारपट्टीय भागात जनजीवन विस्कळीत जमीन खचून...
उसाला पूरक शर्कराकंदसाखरेचा वाढलेला उत्पादन खर्च, वाढलेले उत्पादन,...
राजकीय अन् आर्थिक उत्पाताची नांदीअखेर रिझर्व्ह बँकेचे गव्हर्नर ऊर्जित पटेल ...
कांदा उत्पादकांना दिलासा देण्यासाठी...छत्तीसगड, मध्य प्रदेश आणि राजस्थानमध्ये...
कृषी विद्यापीठ संत्रा बाग छाटणी सयंत्र...नागपूर ः संत्रा छाटणी सयंत्राला संत्रा...
ऊसबिल थकल्याने कोलमडले अर्थकारणकोल्हापूर : दक्षिण महाराष्ट्रात तोडणी झालेल्या...
केंद्राचा अन्नधान्य उत्पादनाचा 'कृषी...पुणे: अन्नधान्य उत्पादनात देशात सर्वांत चांगली...
कापूस उत्पादन ३४० लाख गाठी होणारमुंबई  ः देशातील महत्त्वाच्या कापूस उत्पादक...
कृषी विद्यापीठ देणार सेंद्रिय कापसाचा...नागपूर ः सेंद्रिय अन्नधान्यासोबतच येत्या काही...
पेथाई चक्रीवादळ आज धडकणारपुणे : बंगालच्या उपसागरात घोंगावत असलेल्या ‘पेथाई...
कापूस उत्पादकतेत महाराष्ट्र मागेजळगाव : कापूस उत्पादकतेमध्ये राज्य मागील चार...
मराठवाड्यातील पाणीसाठ्यांत झपाट्याने घटऔरंगाबाद : मराठवाड्यातील ८६८ प्रकल्पांतील...
धोत्रे यांची शेती देते हजार रुपये रोजफळबाग, आंतरपिके, भाजीपाला पिके यांच्या बहुविध...
साखर विक्री मूल्य ३१ रुपये करण्यासाठी...पुणे : राज्यातील ऊस उत्पादक शेतकऱ्यांना एफआरपी...
खरीप, केळी पीकविम्याच्या परताव्यापासून...जळगाव  : प्रधानमंत्री खरीप पीकविमा योजनेत...
खोजेवाडीत लोकसहभागातून जनावरांची छावणीनगर : दुष्काळाने होरपळ होत असलेल्या भागात शासनाने...
जमीन सुपीकता, नियोजनातून साधली शेतीमांजरी (जि. पुणे) येथील माधव आणि सचिन हरिलाल घुले...
मोकळ्या माळरानावर हिंडवतूया...चारा द्या...सांगली ः दूध इकून दौन पैकं मिळत्याती म्हणून...