agriculture news in marathi, pre monsoon cotton damage in khandesh, maharashtra | Agrowon

खानदेशात पाऊस, वाऱ्यामुळे पूर्वहंगामी कपाशीचे नुकसान
चंद्रकांत जाधव
शनिवार, 23 सप्टेंबर 2017

पूर्वहंगामी कपाशीची स्थिती बऱ्यापैकी होती. परंतु मागील तीन-चार दिवसांपासून सुरू असलेला पाऊस व ढगाळ वातावरण यामुळे बोंडे काळवंडत असून,
नुकसान होत आहे.
- भारत विश्‍वनाथ पाटील, कापूस उत्पादक, डोमगाव, जि. जळगाव.

आमच्या भागात कपाशीचे पीक अधिक असते. कोरडवाहू कपाशीला पावसाचा लाभ आहे. परंतु, बागायती कपाशीमध्ये कैऱ्या सडणे, कैऱ्या लाल पडणे असे प्रकार सुरू झाले आहेत. तसेच कापूस वेचणीही थांबली आहे.
- प्रकाश नामदेव सपके, कापूस उत्पादक, पिचर्डे, ता. भडगाव, जि. जळगाव.

जळगाव  ः जिल्ह्यासह नंदुरबार व धुळे जिल्ह्यांतील सातपुडालगतच्या भागातील पूर्वहंगामी किंवा बागायती कपाशी पीक आता पाऊस व सोसाट्याच्या वाऱ्याने लोळविले आहे. कैऱ्या सडणे, बोंडे काळवंडणे अशा समस्या कपाशीच्या पिकात निर्माण झाल्या आहेत.

जिल्ह्यात मागील तीन दिवसांपासून कमी-अधिक पाऊस सुरू आहे. तत्पूर्वी मागील आठवड्यात भुसावळ, मुक्ताईनगर, रावेर, यावल, बोदवड, जामनेर भागाला
पावसाने झोडपले होते. या पावसाचा लाभ मका, ज्वारी व कोरडवाहू कपाशीला होत असला, तरी पूर्वहंगामी कपाशीचे मात्र नुकसान होत असल्याच्या शेतकऱ्यांच्या प्रतिक्रिया आहेत.

जळगाव जिल्ह्यात जवळपास ८० हजार हेक्‍टर तर धुळे व नंदुरबार जिल्ह्यांत मिळून ३० हजार हेक्‍टरवर पूर्वहंगामी कपाशी पीक आहे. मे व जून महिन्यांत सूक्ष्मसिंचन यंत्रणेवर अनेक शेतकऱ्यांनी कपाशीची लागवड केली. यात अनेक शेतकऱ्यांनी लवकर वेचणीवर येणाऱ्या बीटी कापूस वाणांची लागवड केली आहे.

भाद्रपद महिन्यातील उन्हात बोंडे उमलली
मध्यंतरी भाद्रपद महिन्यातील ऊन चांगलेच तापवत होते. अनेक ठिकाणी तर कोरडवाहू कपाशीने माना टाकल्या, एवढी उष्णता होती. अशा उन्हात पूर्वहंगामी कपाशीमधील बोंडे उमलली. कापूस वेचणीचे कामही काही ठिकाणी सुरू झाले. अनेक शेतकऱ्यांच्या घरात कापूस साठवलाही आहे. तो त्यांनी त्यातील आर्द्रता घालविण्यासाठी वाळविण्याचे कामही सुरू केले होते.

जळगाव जिल्ह्यात चोपडा, यावल, जळगाव, अमळनेर, पाचोरा, जामनेर भागांत पूर्वहंगामी कापूस वेचणी सुरू झाली होती. तर नंदुरबारसह तळोदा, शहादा भागांतही कापूस वेचणी सुरू झाली होती. धुळे जिल्ह्यातील धुळे, शिरपूर तालुक्‍यांत कापूस वेचणीची कामे काही भागांत मागील आठवड्यात सुरू होती. अशातच पावसाचे आगमन झाले.

उमलण्याच्या अवस्थेत असलेली बोंडे किंवा कैऱ्या पावसामुळे लाल व काळ्या पडून कडक बनत आहेत. तर उमललेली बोंडे ओली होऊन काळवंडत आहेत. पूर्वहंगामी
कपाशीमध्ये आर्द्रता अधिक राहते. हवा खेळती राहत नाही, परिणामी बोंडे ओलीच राहतात. याचा फटका कापसाच्या गुणवत्तेला बसत असल्याचे चित्र आहे.
आता पाऊस सुरू असल्याने कापूस वेचणीच्या कामाला फटका बसू लागला आहे.

दोन दिवसांपूर्वी तापीकाठ व गिरणा काठालगतच्या जळगाव, पाचोरा, चोपडा तालुक्‍यांतील गावांमध्ये सुसाट वाराही होता. या वाऱ्यानंतर पाऊस आला. या वाऱ्यामुळे पूर्वहंगामी कपाशी कैऱ्या, पाते, फुलांचे वजन अधिक असल्याने लोळल्या. त्या जमिनीशी आल्याने कैऱ्या व पात्यांची नासाडी होण्याची समस्या अधिक वाढली आहे.

इतर ताज्या घडामोडी
संघर्ष गोकुळ ‘मल्टिस्टेट’चाकोल्हापूर जिल्हा दूध संघ (गोकुळ) मल्टिस्टेट...
'दारुमुळे दरवर्षी अडीच लाखापेक्षा जास्त...नवी दिल्ली- दारूमुळे दरवर्षी जवळपास अडीच...
जालन्यात पाण्यात बुडून तिघांचा मृत्यूजालना : गणपती बाप्पांचे विसर्जन करताना जालना...
शिखर, रोहितने पाकला धुतले; भारत अंतिम...दुबई : पाकिस्तानने उभारलेल्या 237 धावांचा सहजी...
खानदेशात मध्यम पाऊस; नंदुरबारला हुलकावणीजळगाव : खानदेशात शुक्रवारी (ता.२१) मध्यरात्री व...
पुणे जिल्ह्यात ढगाळ हवामानपुणे  : जिल्ह्यात आठवड्याच्या सुरवातीला...
खानापूर घाटमाथ्यावर तीव्र पाणीटंचाई सांगली  : घाटमाथ्यावर पावसाने ओढ दिली आहे....
नगर जिल्ह्यात साडेसहा लाख हेक्‍टरवर...नगर  ः जिल्ह्यात रब्बी हंगामात सहा लाख ५२...
कौशल्यावर आधारित उपक्रम ‘रयत’मध्ये सुरू...सातारा  ः केवळ पुस्तकी नव्हे तर कौशल्यावर...
नियमित कर्ज भरणाऱ्या शेतकऱ्यांचा अकोला...अकोला  ः नियमित कर्जाची परतफेड करणाऱ्या...
सांगली जिल्ह्यात पाणीप्रश्‍न पेटण्याची...सांगली  : पावसाने दिलेली उघडीप आणि पावसाळा...
अकोला, बुलडाण्यात सर्वदूर पाऊसअकोला   ः वऱ्हाडातील अकोला, बुलडाणा या...
सावधान... अल्झायमर आला उंबरठ्यावर ! कोल्हापूर : मंगळवार पेठेतल्या विठ्ठल मंदिरात रोज...
परभणीत हिरवी मिरची प्रतिक्विंटल ६०० ते...परभणी ः येथील जुना मोंढा भागातील फळे-भाजीपाला...
भातावरील तुडतुडे प्रादुर्भावाकडे...सध्या खरीप हंगामातील भात पीक बहुतेक ठिकाणी...
कमी तीव्रतेच्या वणव्यांचाही मातीच्या...कमी तीव्रतेचे वणवे किंवा मर्यादित प्रमाणात...
ढगाळ वातावरणाने खानदेशात सोयाबीन मळणीला...जळगाव : खानदेशातील धुळे, नंदुरबार व जळगाव...
माळेगावकरांचा औद्योगिक वसाहतीच्या...नाशिक : माळेगाव औद्योगिक वसाहतीच्या टप्पा क्रमांक...
परभणीत व्यापाऱ्यांचे असहकार आंदोलन सुरूचपरभणी ः परभणी कृषी उत्पन्न बाजार समितीअंतर्गत...
सांगली जिल्ह्यात द्राक्ष क्षेत्रात वाढसांगली  ः दर्जेदार द्राक्ष उत्पादनासाठी...