agriculture news in marathi, price to pay if market committee are dissolved-sharad pawar | Agrowon

बाजार समित्या रद्द केल्यास किंमत मोजावी लागेल ः शरद पवार
विजय गायकवाड
मंगळवार, 26 सप्टेंबर 2017

जगात पेट्रोल व डिझेलचे दर कमी होत असताना देशात पेट्रोल व डिझेलचे दर वाढत आहेत. यामुळे महागाई वाढत असून, त्याची झळ सर्वसामान्य कुटुंबांना सोसावी लागत आहे.
-शरद पवार, माजी केंद्रीय कृषीमंत्री

मुंबई ः सरकारची धोरणे रोज बदलत आहेत. बाजार समित्या कशाला ठेवायच्या, असा प्रश्न काही लोक उपस्थित करत आहेत. बाजार समित्या जर रद्द केल्या, तर त्याची जबरदस्त किंमत आपल्याला मोजावी लागेल, असा इशारा माजी केंद्रीय कृषीमंत्री आणि राष्ट्रवादीचे अध्यक्ष शरद पवार यांनी सोमवारी (ता. २५) दिला.

स्व. अण्णासाहेब पाटील यांची ८४ वी जयंती आणि माथाडी कामगारांचा मेळावा मुंबई कृषी उत्पन्न बाजार समितीच्या आवारात पार पडला, त्या वेळी ते बोलत होते. राष्ट्रवादीचे प्रदेशाध्यक्ष सुनील तटकरे, आमदार शशिकांत शिंदे, नरेंद्र पाटील, माजी आमदार विजय सावंत, गुलाबराव जगताप, पोपटराव देशमुख आदी कामगार नेते उपस्थित होते. मुख्यमंत्री देवेंद्र फडणवीस हे कार्यक्रमासाठी अनुपस्थित होते.

पवार म्हणाले, ‘‘अण्णासाहेब पाटील यांनी माथाडी कामगारांची एक संघटना बांधली, त्या संघटनेचे एका वटवृक्षात रूपांतर झाले आहे. तसेच, त्यांनी माथाडी कामगारांसाठी अनेक योजना आणल्या.’’ सध्याच्या परिस्थितीत माथाडी कामगारांसाठी अडचणीचा काळ असल्याचे सांगत पवार म्हणाले, ‘‘सरकारची धोरणे रोज बदलत आहेत. बाजार समित्या कशाला ठेवायच्या, असा प्रश्न काहींनी उपस्थित केला होता.

बाजार समित्या जर रद्द केल्या, तर त्याची जबरदस्त किंमत आपल्याला मोजावी लागेल. कामगारांसाठी अनेक बोर्ड आहेत, ज्यांवर अद्यापही अध्यक्षांची नेमणूक झालेली नाही. कामगारांची कामे होत नाहीत. जर मुख्यमंत्री आजच्या मेळाव्यात उपस्थित असते, तर त्यांच्यासमोर कामगारांचे प्रश्न मांडले असते. मात्र, मुख्यमंत्र्यांची स्वतंत्र वेळ घेऊन माथाडींचे प्रश्न मांडण्यात येतील.

नाशिक येथे माथाडी कामगारांचे प्रलंबित प्रश्न येत्या काळात चर्चा करून मार्गी लावू. राज्यात असुरक्षित कामगारांची संख्या वाढत चालली आहे, ही गंभीर बाब असल्याचे नमूद करत पवार म्हणाले, ‘‘कंत्राटी कामगारांचे प्रमाण वाढत आहे. सरकार त्यांना कोणतेही संरक्षण देत नाही. कंत्राटी कामगार सुरक्षित नाहीत हे चांगले नाही.

देशात दिवसेंदिवस महागाई वाढत आहे. जगात पेट्रोल व डिझेलचे दर कमी होत असताना देशात पेट्रोल व डिझेलचे दर वाढत आहेत. यामुळे महागाई वाढत असून, त्याची झळ सर्वसामान्य कुटुंबांना सोसावी लागत आहे.’’ याचा आपण विचार करायला हवा, जागरूक व्हायला हवे, असेही श्री. पवार म्हणाले.

या वेळी गुणवंत कामगारांना पुरस्कार देऊन मान्यवरांच्या हस्ते गौरवण्यात आले.

इतर अॅग्रो विशेष
पडला सत्याचा दुष्काळ, बहू झाला घोळराज्याचे मुख्यमंत्री देवेंद्र फडणवीस यांनी २३...
चारा नियोजनातील ‘दुष्काळ’राज्यात आजपासून हिवाळी अधिवेशन सुरू होणार आहे....
मोहोळमध्ये ‘हुमणी‘ने १७ हजार एकरांचे...मोहोळ, जि. सोलापूर : तालुक्‍यातील सात महसुली...
पॉलिथिन पिशव्यांचा वापर थांबविण्याचे...पुणे   : राज्यातील कृषी तसेच वन विभागातील...
ढगाळ हवामानामुळे थंडी गायब; आजही...पुणे : अरबी समुद्रात असलेल्या तीव्र कमी दाब...
तमिळनाडूच्या धर्तीवर मराठा समाजाला...मुंबई : मूळ आरक्षणाला धक्का न लावता तमिळनाडूच्या...
ब्लॉक प्रिंटिंग व्यवसायातून आर्थिक...पूर्व विदर्भातील भंडारा, वर्धा या जिल्ह्यांत...
दुष्काळग्रस्तांना सरसकट हेक्टरी ५० हजार...मुंबई : राज्यात यंदा १९७२ पेक्षाही भयंकर...
दूध अनुदान योजनेस ३१ जानेवारीपर्यंत...पुणे : राज्यात उत्पादित होणाऱ्या (पिशवी बंद...
आता कोठे धावे मन । तुझे चरण देखलिया...पंढरपूर, सोलापूर (प्रतिनिधी) :  आता कोठे...
मराठवाड्यात रब्बीची केवळ १९ टक्‍केच...औरंगाबाद : मराठवाड्यात यंदा दुष्काळाची छाया किती...
केळीच्या आगारातून आखातात जाणार ४००...जळगाव ः केळीचे आगार असलेल्या जळगाव जिल्ह्यातून...
महाकॉट ब्रॅण्डची चमक पडली फिकीजळगाव ः पूर्व विदर्भ, उत्तर मराठवाडा व खानदेशातील...
शेतीला मिळाली पूरक उद्योगाची साथअंबाणी (जि. सातारा) येथील सौ. सुरेखा पांडुरंग...
दक्षिण कोकण, पश्‍चिम महाराष्ट्रात आज...पुणे : दक्षिण भारतामध्ये असलेल्या ‘गज’...
अभ्यास अन् नियोजनातून शेती देते समाधाननाशिक शहरातील प्रख्यात हृदयरोगतज्ज्ञ डॉ. अनिरुद्ध...
‘सीसीआय’ची कापूस खरेदी मंगळवारपासून...जळगाव : कापूस खरेदीसंबंधी जिनिंगमध्ये केंद्र...
दुष्काळ, मराठा आरक्षण अधिवेशनात गाजणारमुंबई : उद्यापासून (ता. १९) मुंबईत सुरू होत...
शेतकऱ्यांच्या विधवांचे २१ला मुंबईत...मुंबई : देशभरात विविध शेतकऱ्यांचे मोर्चे...
बा सरकार, प्रश्न जगण्याचा आहे!‘‘ज रा कुठे दुष्काळ पडला, गारपीट झाली,  पूर...