agriculture news in Marathi, problems in crop loan viewer form uploading, Jalgaon | Agrowon

खानदेशात कर्जमाफीच्या याद्या अपलोडींगला अडचणी
चंद्रकांत जाधव
शुक्रवार, 13 ऑक्टोबर 2017

जळगाव ः धुळे जिल्ह्यातील कर्जमाफीसंबंधीची ९१ हजार ८६८ प्रकरणे तर जळगाव जिल्ह्यातील दोन लाख २७ हजार प्रकरणांचे लेखापरीक्षण अद्याप सुरूच आहे. हे लेखापरीक्षण या आठवड्यात पूर्ण होईल. यातच संबंधित पात्र कर्जदार, नियमित कर्जदारांच्या याद्या आपले सरकार या वेब पोर्टलवर अपलोड करायला सुरवात झाली आहे, परंतु सर्व्हर डाउनमुळे याद्या अपलोड होण्यास अडचण येत आहे.

यातच दिवाळीपूर्वी जळगाव जिल्ह्यातील याद्यांसंबंधीची परंतु लेखापरीक्षणासह संबंधित प्रकरणांच्या याद्या दिवाळीपूर्वी अपलोड होऊन कर्जमाफीचा लाभ मिळण्यास सुरवात होईल, असा विश्‍वास प्रशासनाने व्यक्त केला आहे. 

जळगाव ः धुळे जिल्ह्यातील कर्जमाफीसंबंधीची ९१ हजार ८६८ प्रकरणे तर जळगाव जिल्ह्यातील दोन लाख २७ हजार प्रकरणांचे लेखापरीक्षण अद्याप सुरूच आहे. हे लेखापरीक्षण या आठवड्यात पूर्ण होईल. यातच संबंधित पात्र कर्जदार, नियमित कर्जदारांच्या याद्या आपले सरकार या वेब पोर्टलवर अपलोड करायला सुरवात झाली आहे, परंतु सर्व्हर डाउनमुळे याद्या अपलोड होण्यास अडचण येत आहे.

यातच दिवाळीपूर्वी जळगाव जिल्ह्यातील याद्यांसंबंधीची परंतु लेखापरीक्षणासह संबंधित प्रकरणांच्या याद्या दिवाळीपूर्वी अपलोड होऊन कर्जमाफीचा लाभ मिळण्यास सुरवात होईल, असा विश्‍वास प्रशासनाने व्यक्त केला आहे. 

धुळे जिल्ह्यात ९१ हजार ८६८ शेतकऱ्यांनी कर्जमाफीसंबंधी ऑनलाइन अर्ज दाखल केले होते. संबंधित शेतकऱ्यांचे ऑनलाइन अर्ज व त्यांनी कर्ज घेतलेली सोसायटी किंवा बॅंक यातील माहितीचे लेखापरीक्षण सुरू आहे. यातच काही शेतकऱ्यांचे दुबार अर्जही आले आहेत. हे दुबार अर्ज लेखापरीक्षण करताना बाहेर काढले जातील. लेखापरीक्षणात जे अर्ज पात्र ठरतील त्यांनाच लाभ मिळेल. हे काम अंतिम टप्प्यात आहे. दोन दिवसांत पात्र अर्जांच्या याद्या अपलोड केल्या जातील यानंतर कर्जमाफीचा लाभ मिळेल, अशी माहिती जिल्हा उपनिबंधक कार्यालयाने दिली आहे.

जळगाव जिल्ह्यात दोन लाख २७ हजार अर्जांचे लेखापरीक्षण पूर्ण झाले आहे. जळगाव शहरातील जिल्हा देखरेख संघाच्या कार्यालयात यासंबंधीची कार्यवाही सुरू आहे. तसेच पात्र अर्जांच्या याद्या अपलोड करण्याची कार्यवाही सुरू आहे. परंतु सर्व्हर डाउनमुळे अडचणी येत असून, अजून एक लाख अर्जांचे लेखापरीक्षण राहीले आहे. परंतु, या आठवड्यात ही कार्यवाही पूर्ण होईल आणि दिवाळीपूर्वी कर्जमाफीचा लाभ शेतकऱ्यांना मिळू शकेल, असा आशावाद जिल्हाधिकारी किशोर राजेनिंबाळकर यांनी व्यक्त केला आहे. 

चावडीवाचन करणार
जळगाव जिल्ह्यात १३८ ग्रामपंचायतींमध्ये निवडणुकीसंबंधीची कार्यवाही सुरू होती. आता या पंचायतींमधील निवडणूक आटोपली असून, आचारसंहितेची अडचण नाही. त्यामुळे या गावांमध्येही चावडीवाचन करून ज्यांनी कर्जमाफीचे अर्ज भरले आहेत त्यांची माहिती दिली जाईल. तसेच आक्षेप स्वीकारले जातील. या प्रक्रियेला आणखी पाच दिवस लागतील. अशीच प्रक्रिया धुळे जिल्ह्यातील निवडणूक सुरू असलेल्या ११० ग्रामपंचायतींमध्ये १६ ऑक्‍टोबरनंतर होईल.

कर्जमाफीच्या याद्यांवर पाच तालुक्‍यांत आक्षेप
जिल्ह्यात छत्रपती शिवाजी महाराज शेतकरी सन्मान योजनेअंतर्गत लाभासाठी ऑनलाइन अर्ज केलेल्या शेतकऱ्यांच्या याद्यांचे वाचन सुरू झाले आहे. या याद्या लेखापरीक्षणानंतर तयार केल्यासून, त्यावर पाच तालुक्‍यांमध्ये ३९६ आक्षेप नोंदविण्यात आले आहेत. जळगाव, पाचोरा, यावल, बोदवड व एरंडोल या तालुक्‍यांमध्ये हे आक्षेप आले आहेत. जिल्ह्यातील १२११ गावांमधून चार लाख ५४ हजार ७४८ शेतकऱ्यांनी कर्जमाफीसाठी ऑनलाइन अर्ज  केले होते. यातील एक हजार ४६ गावांमधील तीन लाख ९६ हजार ५५९ नावांचे चावडीवाचन झाले आहे, अशी माहिती बुधवारी (ता. ११) सायंकाळी जिल्हा प्रशासनाने दिली. पडताळणीनंतर पंचनामा केला जात असून, त्यावर गावातील प्रतिष्ठित व्यक्ती, सरपंच व प्राधिकृत अधिकाऱ्यांची स्वाक्षरी घेतली जात आहे.

इतर ताज्या घडामोडी
जळगावात दादरला ३१०० रुपयांपर्यंत दरजळगाव ः कृषी उत्पन्न बाजार समितीमध्ये दादरची (...
भारतीयांच्या पचनसंस्थेतील...भारतीय लोकांच्या पचनसंस्थेमध्ये कार्यरत...
अमरावती विभागाला पाणीटंचाईच्या झळाबुलडाणा : कमी पावसामुळे अमरावती विभागातील...
तूर विक्रीच्या नोंदणीकडे शेतकऱ्यांची...अकोला  : या हंगामात शेतकऱ्यांनी पिकविलेल्या...
शेतकरी, जवान अडचणीत : भुजबळनाशिक : सध्याच्या सरकारच्या काळात देशातील...
दुष्काळात खचू नका, शासन पाठीशी :...सोलापूर : दुष्काळी परिस्थितीमुळे पाणी,...
शेतकऱ्यांच्‍या थकवलेल्या पैशांची...पुणे ः शेतीमालाचा लिलाव झाल्यानंतर २४ तासांत पैसे...
नगर जिल्हा परिषदेचा यंदा ४४ कोटी...नगर : जिल्हा परिषदेत सोमवारी झालेल्या सर्वसाधारण...
नांदेड परिमंडळात सौर कृषिपंप योजनेसाठी...नांदेड ः मुख्यमंत्री सौर कृषिपंप योजनेअंतर्गत...
शेतीमाल तारण योजनेत ४०६ शेतकऱ्यांनी...औरंगाबाद : मराठवाड्यातील जालना, परभणी व हिंगोली...
ऊस उत्पादक शेतकरी देणार शहिदांच्या...कोल्हापूर : पुलवामा जिल्ह्यातील दहशतवादी हल्ल्यात...
तूर खरेदीतील अनागोंदीविरुद्ध आंदोलनअकोला  ः जिल्ह्यातील बार्शीटाकळी तालुक्यात...
'पुलवामा'चा सूत्रधार काश्‍मीरमध्येच?नवी दिल्ली : पुलवामामधील दहशतवादी हल्ल्याचा...
उन्हाळी पिकातील खतांचे व्यवस्थापनउन्हाळी हंगामात प्रामुख्याने भुईमूग, सूर्यफूल,...
केम प्रकल्पाला लागली भ्रष्टाचाराची वाळवीअमरावती : अंमलबजावणीपेक्षा गैरव्यवहार व...
‘पेंच’ लाभक्षेत्रातील शेतकऱ्यांना १३...नागपूर : मध्य प्रदेशातील चौराई प्रकल्पामुळे पेंच...
‘एसटी’साठी जागा आठ हजार अन्‌ अर्ज ४१...सोलापूर : राज्य परिवहन महामंडळात चालक व...
दररोजचा दोनशे टन द्राक्षपुरवठा ठप्पपिंपळगाव बसवंत, जि. नाशिक : जम्मू-काश्‍...
'देशात आयात होणाऱ्या सोयाबीनवर बंदी...पुणे : देशांतर्गत दर वाढत असल्याने...
बांबू उत्पादन, गुंतवणूक संधीसाठी...मुंबई : देशातील बांबू लागवडीला चालना देण्याबरोबरच...