agriculture news in Marathi, problems in foromon trap, Maharashtra | Agrowon

कामगंध सापळ्यांमध्ये होतेय ‘बनवाबनवी’
टीम अॅग्रोवन
शनिवार, 18 ऑगस्ट 2018

मी कपाशी पिकात सापळे लावून ११ दिवस झाले; पण त्यात एकही पतंग अातापर्यंत दिसला नाही. माझ्यासारखेच गावातील इतर शेतकऱ्यांच्याही शेतात कामगंध सापळ्यांमध्ये एकही पतंग पडलेला नाही. अाता दुसरे सापळे लावण्याचा विचार करीत अाहे.
- शिवाजी गावंडे, शेतकरी, दहिगाव गावंडे, ता. जि. अकोला.    

अकोला ः बोंड अळीमुळे गेल्या हंगामात झालेले नुकसान या वेळी टाळण्यासाठी सर्वच यंत्रणा कामाला लागल्या आहेत. सर्वजण कामगंध सापळे (फेरोमोन ट्रॅप) लावण्याचा सल्ला देत अाहेत. त्यामुळे कधी नव्हे ते या हंगामात अाजवर सर्वाधिक कामगंध सापळे विकले गेले. शेतकरी मिळेल त्या दरात सापळे खरेदी करत आहेत. मात्र, काही भागात या सापळ्यांमध्ये बोंड अळीचे पतंग अडकतच नसल्याची बाब समोर अाल्याने कामगंध सापळ्यांना लावलेल्या ल्यूरबाबतच शंका उपस्थित होऊ लागल्या अाहेत. अनेक भागात अशा प्रकारच्या तक्रारी समोर येत अाहेत. 

कृषी खात्याने बोंड अळीचा प्रादुर्भाव रोखण्यासाठी एकात्मिक कीड व्यवस्थापन सांगितले. यात प्रमुख उपाययोजना ही कामगंध सापळे असल्याचे प्रत्येकजण सांगत अाहे. अकोला जिल्ह्यात तर महसूल दिन हा ‘फेरोमोन डे’ म्हणून साजरा करण्यात अाला, इतके याचे महत्त्व असल्याचे चित्र तयार झाले. शेतकरीसुद्धा यावर विश्वास ठेवून कपाशीमध्ये कामगंध सापळे बसवित अाहेत. त्यामुळे एक मोठी बाजारपेठ निर्माण झाली. यामध्ये लाखोंची उलाढाल होत आहे. एकीकडे असे सर्व घडत असताना बोंड अळी प्रादुर्भाव अोळखण्यासाठी लावण्यात येणाऱ्या सापळ्यांमध्ये अळीचे पतंगच अडकत नसल्याची बाब समोर अाली अाहे.

शेतामध्ये पतंग उडताना शेतकऱ्यांना दिसतात; परंतु या सापळ्यांमध्ये एकही पडलेला अाढळून येत नाही. अकोला तालुक्यातील दहिगाव गावंडे येथील शिवाजी गणेशराव गावंडे, योगेश दादाराव गावंडे यांनी ११ दिवसांपूर्वी सापळे लावले. शिवाजी यांनी चार एकरात १२ कामगंध सापळे लावले. अातापर्यंत त्यात एकही पतंग पडला नसल्याचे त्यांनी सांगतिले. असाच प्रकार याच गावातील पाच ते सहा शेतकऱ्यांबाबत घडला अाहे. वास्तविक या भागात बोंड अळीचा प्रादुर्भाव व्हायला सुरवात झाली. मात्र, कामगंध सापळ्यांमध्ये दुसरीकडे एकही पतंग अडकलेला दिसून येत नसल्याने शेतकऱ्यांना कामगंध सापळ्याला लावलेल्या ल्यूरबाबत शंका यायला लागली अाहे.

मनमानी पद्धतीने विक्री
अत्यंत कमी खर्चाचे व्यवस्थापन म्हणून कामगंध सापळ्यांची शिफारस कृषी यंत्रणांपासून विद्यापीठाच्या तज्ज्ञांपर्यंत सर्वच करीत अाहेत. शेतकऱ्यांची वाढती मागणी पाहून अाता या सापळ्यांचाही व्यवसाय बनला. कमीत कमी ३२ रुपयांपासून ते ८० रुपयांपर्यंत एका सापळ्याची विक्री होत अाहे. दहिगाव गावंडे गावात एकाने सापळे नेऊन विकले. यासाठी प्रतिसापळा ४० रुपये घेण्यात अाल्याचे श्री. गावंडे यांनी सांगितले.

इतर अॅग्रो विशेष
नागपूर : रब्बीची पैसेवारी काढली खरीप...नागपूर : खरीप आणि रब्बी हंगामात वेगवेगळी पिके...
अॅग्रोवन समृद्ध शेती योजनेचे...नांदेड: `अॅग्रोवन’च्या माध्यमातून...
मराठवाड्यातील २९२ लघुप्रकल्प कोरडेऔरंगाबाद : मराठवाड्यातील ७४९ लघुप्रकल्पांपैकी २९२...
दक्षिण आशियात यंदा सर्वसामान्य मॉन्सून...पुणे  : भारतासह दक्षिण आशियातील देशांच्या...
कृषिउद्योग महामंडळाकडून ‘बायोकॅप्सूल’चा...पुणे : सेंद्रिय शेतीकडे वळालेल्या शेतकऱ्यांच्या...
शासन दरबारी रब्बी हंगामात नागपूर...नागपूर  : खरिपानंतर पाण्याअभावी रब्बी...
बीटी बियाणे १५ मेपूर्वी विक्रीस मनाईपुणे : राज्यातील बियाणे उत्पादक कंपन्यांनी १५...
जमिनीचे जैविक पृथक्करणआजकाल शेतकऱ्यांना मातीचा पृथक्करण अहवाल करून...
सांगलीतून १२ टन द्राक्षे निर्यातसांगली ः यंदा प्रतिकूल परिस्थतीतही जिल्ह्यातील...
काळजी घ्या : उन्हाच्या झळा वाढल्यापुणे : उन्हाच्या झळा वाढल्याने विदर्भ,...
शून्यातून राऊत दांपत्याने उभारली...लातूर जिल्ह्यात नागरसोगा (ता. औसा) येथील राऊत...
संत्रा बागेत काटेकोर पाणी व्यवस्थापन संत्रा पिकात पाणी व्यवस्थापन अत्यंत चोख ठेवावे...
दक्षिण अशियात मॉन्सूनचा पाऊस सरासरी...पुणे : भारतासह दक्षिण आशियातील देशांच्या बहुतांशी...
विश्वासावर बहरेल व्यापारचीन-अमेरिकेमध्ये चालू असलेल्या व्यापार युद्धाच्या...
निवडणुकीने दुष्काळ खाऊन टाकू नये म्हणून...लोकसभेच्या निवडणुकीमुळे राजकीय हवामान-बदल होत...
उपलब्ध पाण्याचे गणित मांडा...अनेक कारणांमुळे जलसंधारण ही सोपी वाटणारी म्हणून...
उत्कृष्ठ कारली पिकवण्यात पाटील यांचा...लोणी (ता. चोपडा, जि. जळगाव) येथील भरत, गणेश व...
पेरू, अॅपलबेरमधून पीक बदल, कष्टातून...पारंपरिक शेती पद्धतीत बदल करून व सेंद्रिय...
राज्यात उरले अवघे ३०५ टीएमसी पाणीपुणे (प्रतिनिधी) : उन्हाच्या झळांना होरपळ वाढून...
केंद्राकडून यंदा खरिपात १२ टक्के अधिक...पुणे : राज्यासाठी गेल्या खरीप हंगामाच्या तुलनेत...