शेतीमालाची हमीभावाने तत्काळ खरेदी करा : कृषिमंत्री सिंह

यवतमाळसारख्या घटना घडू नये यासाठी सर्व ती काळजी घेतली जाईल. सरकार शेतकऱ्यांच्या बाजूनं काम करतंय. - राधामोहन सिंह , केंद्रीय कृषिमंत्री
शेतीमालाची हमीभावाने तत्काळ खरेदी करा : कृषिमंत्री सिंह
शेतीमालाची हमीभावाने तत्काळ खरेदी करा : कृषिमंत्री सिंह

मुंबई : अधिकाऱ्यांनी दुर्लक्ष केल्यामुळे किमान आधारभूत दराने (एमएसपी) मूग, सोयाबीन उडिदाची जेवढी खरेदी व्हायला पाहिजे तेवढी झालेली नाही. या शेतमालांची तत्काळ खरेदी करण्याचे निर्देश दिले आहेत, असे केंद्रीय कृषिमंत्री राधामोहन सिंह यांनी शनिवारी (ता. ११) सांगितले.

येथे शनिवारी राज्यातील बाजार हस्तक्षेप योजना, किंमत आधारभूत योजना, मृद आरोग्य पत्रिका या योजनांबाबत तसेच शेतकऱ्यांच्या इतर प्रश्नांबाबत आढावा बैठक घेण्यात आली. बैठकीस कृषिमंत्री पांडुरंग फुंडकर, कृषी राज्यमंत्री सदाभाऊ खोत, पणनमंत्री सुभाष देशमुख, प्रधान कृषी सचिव बिजयकुमार, मार्केटिंग फेडरेशनचे एमडी गुप्ता, केंद्र व राज्य शासनाचे संबंधित अधिकारी उपस्थित होते.

कृषिमंत्री सिंह म्हणाले, की किमान आधारभूत किंमतीने खरेदीसाठी ग्रेडिंग करणारे अधिकारी पारदर्शीपणेे काम करत नसल्यानं म्हणावी अशी खरेदी होऊ शकली नाही. नाफेडच्या ग्रेडरच्या मदतीनं पूर्ण खरेदी केली जाणार आहे. त्यांची नियुक्ती आज (ता.१२) पासून केली जाईल आणि खरेदीनंतर ३ दिवसांच्या आत शेतकऱ्यांच्या खात्यात पैसे जमा केले जातील. आर्द्रतेमुळं अनेक ठिकाणी पिकांचे नुकसान झालंय त्यालाही दिलासा देण्याचा निर्णय सरकारने घेतलाय. तो लवकरच जाहीर केला जाईल.

बैठकीत या बाबींवर चर्चा करून निर्णय

  • नाफेडच्या लिस्टवर जे ग्रेडर आहे तेच खरेदी केंद्रावर व गोडाऊनवर उपलब्ध करून द्यावेत
  • नाफेडचे अधिकारी, मंत्री, फेडरेशनचे अधिकाऱ्यांनी ३-४ केंद्रावर भेट द्यावी
  • एफएक्यू चे पॅरामीटरमध्ये राज्याने परीस्थिती बघून लवचिकता आणावी.
  • मातीचे नमुणे घेतल्यानंतर ३० दिवसांत मृद आरोग्य पत्रिका तयार करून वाटप करण्याचा प्रयत्न
  • ई-नाम (Electronic Auction) बाजार समितीमध्ये सुरू करावे व तेथे इंटरनेट, मानव संसांधन इत्यादी सुविधा पुरवाव्या
  • Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

    ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

    Related Stories

    No stories found.
    Agrowon
    agrowon.esakal.com