agriculture news in marathi, procurement of red gram will start from 1 feb in maharashtra | Agrowon

राज्यात एक फेब्रुवारीपासून तूर खरेदीला प्रारंभ होणार
टीम अॅग्रोवन
मंगळवार, 30 जानेवारी 2018

मुंबई : राज्यात येत्या गुरुवारी एक फेब्रुवारीपासून किमान आधारभूत दरावर तूर खरेदी सुरू होणार आहे. नाफेड आणि पणन महासंघाच्या वरिष्ठ अधिकाऱ्यांच्या संयुक्त बैठकीत सोमवारी (ता.२९) खरेदी सुरू करण्यासंदर्भात निर्णय घेण्यात आला. केंद्र सरकारने तुरीला बोनससह ५,४५० रुपये हमीभाव जाहीर केला आहे. मात्र, सध्या बाजारात तुरीला मिळत असलेले भाव खूपच कमी आहेत. त्यामुळे सरकारने खरेदी केंद्रांच्या माध्यमातून तूर खरेदी सुरू करावी, अशी मागणी गेले काही दिवस शेतकऱ्यांमधून होत आहे.

मुंबई : राज्यात येत्या गुरुवारी एक फेब्रुवारीपासून किमान आधारभूत दरावर तूर खरेदी सुरू होणार आहे. नाफेड आणि पणन महासंघाच्या वरिष्ठ अधिकाऱ्यांच्या संयुक्त बैठकीत सोमवारी (ता.२९) खरेदी सुरू करण्यासंदर्भात निर्णय घेण्यात आला. केंद्र सरकारने तुरीला बोनससह ५,४५० रुपये हमीभाव जाहीर केला आहे. मात्र, सध्या बाजारात तुरीला मिळत असलेले भाव खूपच कमी आहेत. त्यामुळे सरकारने खरेदी केंद्रांच्या माध्यमातून तूर खरेदी सुरू करावी, अशी मागणी गेले काही दिवस शेतकऱ्यांमधून होत आहे.

केंद्र सरकारने १९ जानेवारी रोजी राज्याला ४४ लाख ६० हजार क्विंटल (४ लाख ४६ हजार मेट्रिक टन) तूर खरेदीची परवानगी दिली आहे. १९ जानेवारीपासून पुढील ९० दिवस तूर खरेदी करावी, असे निर्देश केंद्र सरकारने दिले आहेत. मात्र, अद्यापही तूर खरेदी सुरू झालेली नाही. यापार्श्वभूमीवर नाफेड आणि पणन महासंघाच्या उच्चपदस्थ अधिकाऱ्यांची मुंबईत बैठक पार पडली. 

 या बैठकीत तूर खरेदीच्या अनुषंगाने नाफेड आणि पणन महासंघामध्ये खरेदीचे करार करण्यात आले. या वेळी येत्या १ फेब्रुवारीपासून सरकारी तूर खरेदी सुरू करण्यावर शिक्कामोर्तब झाले. सुरवातीला राज्यभरातील १४६ खरेदी केंद्रांवर तूर खरेदी केली जाणार आहे. राज्य सरकारने मूग, उडीद खरेदीवेळी म्हणजेच नोव्हेंबरपासून तूर उत्पादक शेतकऱ्यांची नोंदणी करून घेतली आहे. सुमारे १ लाख १७ हजार शेतकऱ्यांनी त्यांच्याकडील तुरीची नोंदणी केली आहे. नोंदणी केलेल्या शेतकऱ्यांना पणन महासंघाच्या वतीने मोबाईल क्रमांकावर संदेश पाठवले जाणार आहेत. त्यानुसार शेतकऱ्यांना निश्चित तारखेला त्यांची तूर खरेदी केंद्रांवर घेऊन जाता येणार आहे. राज्यात नाफेडच्या वतीने सबएजंट म्हणून पणन महासंघ शेतकऱ्यांकडून तूर खरेदी करणार आहे. गेल्यावर्षी राज्यात विक्रमी तूर खरेदी करण्यात आली होती. केंद्र आणि राज्य सरकारने सुमारे ७५ लाख क्विंटल तुरीची खरेदी केली आहे.

. . . . . .

इतर अॅग्रो विशेष
आज संत तुकाराम बीजदेहू, जि. पुणे  : जगद्‌गुरू संत श्री तुकाराम...
उज्ज्वल भविष्याचा सर्वोत्तम मार्ग ‘जल...भारत जलसंकट समस्येचा सामना करत आहे. वाढती...
जल‘मुक्त’ शिवारवॉ टर ग्रीडच्या माध्यमातून मराठवाड्यातील सर्व...
राज्यात शंभर लाख टन साखर उत्पादनभवानीनगर, जि. पुणे ः राज्यात ३० टक्के हुमणीग्रस्त...
मध्य महाराष्ट्र, मराठवाड्यात अवकाळीची...पुणे : रविवारी, सोमवारी पुन्हा काही अंशी...
जैविक कीड-नियंत्रणासाठी उपयुक्त बुरशीगेल्या काही वर्षांमध्ये कीडनियंत्रणासाठी...
केशर आंबा फळगळीची कारणे अन् उपाययोजना  सद्यःस्थितीत हवामान आंबा झाडांसाठी...
रसदार उन्हाळी काकडी अर्थकारणाला देतेय...जळगाव जिल्ह्यात पाचोरा, जामनेर, यावल, जळगाव आदी...
बॅंक अधिकारी झाला पूर्णवेळ प्रयोगशील...विशाखापट्टण व त्यानंतर हैद्रराबाद येथे खासगी...
स्मार्ट प्रकल्पाचा केंद्रबिंदू शेतमाल ‘...पुणे : राज्यातील बहुतेक शेतकऱ्यांना आता पिकवायचे...
पूर्व विदर्भात गारपीटपुणे  ः दोन दिवसांपूर्वी मध्य भारतात तयार...
जनावराच्या आहारात पाणी महत्त्वाचेजनावरांचे योग्य पोषण होण्यासाठी तसेच दुग्धोत्पादन...
राज्यात १७८ तालुक्यांत भूजल चिंताजनकपुणे ः कमी झालेला पाऊस, वाढत असलेला पाण्याचा उपसा...
दरामुळे साखरेचा रंग फिकाकोल्हापूर : साखरेचे विक्री मूल्य वाढविल्यानंतरही...
‘उजनी’तील पाणीसाठा उणे पातळीत सोलापूर  ः सोलापूर जिल्ह्याची वरदायिनी...
राज्यभरात अन्नत्याग आंदोलनमुंबई ः शेतकरी साहेबराव करपे व कुटुंबीयांप्रती...
मार्चनंतरही पणन करणार कापूस बाजारात...यवतमाळ ः शेतकऱ्यांच्या घरातील कापूस विकल्या...
मढी यात्रेला बुधवारपासून प्रारंभनगर ः होळीच्या दिवशी सकाळी कानिफनाथांच्या समाधीला...
दर्जेदार ऊसबेण्याची केली निर्मिती काशीळ (ता. जि. सातारा) येथील उच्चशिक्षित व...
मतदानासाठी सकाळी सात ते सायंकाळी...अकोला ः देशात होत असलेल्या लोकसभा...