agriculture news in marathi, The production of jawar is four quintals per acre | Agrowon

कोरडवाहू दादरचे उत्पादन एकरी चार क्विंटल
टीम अॅग्रोवन
शनिवार, 10 फेब्रुवारी 2018

जळगाव : जिल्ह्यात कोरडवाहू दादरची कापणी व मळणीचे काम वेगात सुरू आहे. यंदा एकरी चार ते पाच क्विंटल एवढे उत्पादन शेतकऱ्यांना मिळत असून, चारा बऱ्यापैकी येत असल्याचे शेतकऱ्यांचे म्हणणे आहे. परंतु जशी महागाई वाढली, तसे दादरचे दर यंदा नाहीत, दोन हजार रुपये क्विंटलपेक्षा अधिक दर मिळणार नसल्याचे चित्र असून, उत्पन्न मागच्या वर्षाएवढेच येईल, असे शेतकऱ्यांचे म्हणणे आहे.

जळगाव : जिल्ह्यात कोरडवाहू दादरची कापणी व मळणीचे काम वेगात सुरू आहे. यंदा एकरी चार ते पाच क्विंटल एवढे उत्पादन शेतकऱ्यांना मिळत असून, चारा बऱ्यापैकी येत असल्याचे शेतकऱ्यांचे म्हणणे आहे. परंतु जशी महागाई वाढली, तसे दादरचे दर यंदा नाहीत, दोन हजार रुपये क्विंटलपेक्षा अधिक दर मिळणार नसल्याचे चित्र असून, उत्पन्न मागच्या वर्षाएवढेच येईल, असे शेतकऱ्यांचे म्हणणे आहे.

जिल्ह्यात ऑक्‍टोबर महिन्याच्या अखेरीस अनेक शेतकऱ्यांनी दादरची पेरणी केली होती. ऑक्‍टोबरमध्ये आलेल्या पावसानंतर चांगला वाफसा असल्याने काळ्या कसदार जमिनीत पेरलेल्या दादरच्या पिकात फारशी तूटही दिसत नव्हती. काही शेतकऱ्यांना तर विरळणी करावी लागली होती. नोव्हेंबरमध्ये सुमारे १५ ते २० दिवस चांगली थंडी होती. किमान तापमान १२ अंश सेल्सिअसपर्यंत होते. तर डिसेंबर, जानेवारीतही सुरवातीपासून ते शेवटपर्यंत थंडीचे दिवस बऱ्यापैकी होते. यामुळे दादरची वाढ जोमात झाली.

जिल्ह्यात चोपडा तालुक्‍यात सर्वाधिक सहा हजार हेक्‍टरवर दादरची पेरणी झाली होती. त्यापाठोपाठ जळगावात चार हजार हेक्‍टर, यावल, अमळनेर, पाचोरा, चाळीसगाव भागांतही बऱ्यापैकी पेरणी झाली. जिल्ह्यात सुमारे २१ हजार हेक्‍टरवर पेरणी झाली होती. तापीकाठावरील गावांमध्ये काळी कसदार जमीन असल्याने या भागात पेरणी चांगली झाली. शिवाय पीकही जोमात होते. दादरची वाढ १० फुटांपर्यंत झाली. दाणे पक्व होत असतानाच पीक जमिनीवर लोळण्याचे प्रमाण यंदा सुसाट वाऱ्यामुळे वाढले होते. दाण्यांना पक्षी भक्ष्य करीत असल्याने तिची राखण करण्याचा खर्चही काही शेतकऱ्यांना करावा लागला. काही दादर उत्पादक शेतकऱ्यांनी महिनाभर राखणासाठी सरसकट दोन क्विंटल दादरचा वायदा राखणदारांना केल्याची माहिती मिळाली.

बागायती दादरची कापणी
कोरडवाहू दादरची मळणी सुरू आहे. परंतु बागायती किंवा सिंचनाची सुविधा असलेल्या दादरच्या पिकाची कापणी चोपडा, जळगाव भागात सुरू आहे. तिची मळणी पुढील आठवड्यात सुरू होईल. तिचे उत्पादन काहीसे अधिक येऊ शकते, असा अंदाज शेतकऱ्यांचा आहे.

एक एकरात सहा हजारांचा चारा
दादरचा चारा कसदार व पशुधनासाठी सर्वाधिक उपयुक्त मानला जातो. त्याचे दर पूर्वीपासूनच मका व संकरित ज्वारीच्या चाऱ्यापेक्षा अधिक असतात. यंदाही सुमारे साडेतीन हजार रुपये शेकडा, असा दर आहे. म्हणजेच एक एकरात जवळपास सहा ते साडेसहा हजार रुपयांचा चारा दादर उत्पादकाला मिळत आहे.

दादरचे उत्पादन यंदा बरे आहे. चाराही चांगला आहे. दादरच्या चाऱ्याला आमच्या भागात अधिक मागणी आहे. पण दादरचे दर दोन हजार रुपये क्विंटलपेक्षा अधिक मिळणार नाहीत, असे चित्र आहे. उत्पन्न मागच्या वर्षाएवढेच मिळेल.
- किशोर चौधरी, शेतकरी, आसोदे, जि. जळगाव

इतर ताज्या घडामोडी
एचटी सीड ‘एसआयटी’ची पोलिसांच्या...नागपूर  ः राज्य शासनाने स्थापन केलेल्या एच....
इतिहासकालीन जलसंधारण अन् त्यामागचे...दरवर्षी पिढ्यानपिढ्या पावसाचे पाणी वेगवेगळे उपाय...
अभ्यासक्रमात हवा भूसूक्ष्मजीवशास्त्राचा...महाराष्ट्रात चार कृषी विद्यापीठे असून, तिथे १२...
ठिबकचे अनुदान वाटपासाठी अधिकाऱ्यांची...पुणे ः शासनाकडून ठिंबक सिंचनासाठी तरतूद केलेली...
होळीमुळे द्राक्ष काढणी मंदावलीनाशिक : द्राक्षपट्ट्यात द्राक्ष काढणीसाठी आदिवासी...
एकरकमी एफआरपीबाबत साखर कारखान्यांचे मौनसातारा ः जिल्ह्यातील बहुतांशी कारखान्यांचा ऊस...
‘बळिराजा'चे सोळा उमेदवार जाहीरकोल्हापूर : देशात शिक्षण, आरोग्य, रोजगार तसेच...
साताऱ्यात हिरवी मिरची ४०० ते ५०० रुपये...सातारा ः येथील कृषी उत्पन्न बाजार समितीत मंगळवारी...
धुळ्यात भाजपमध्ये अंतर्गत धुसफुसजळगाव ः लोकसभा निवडणुकीत भाजपचे जळगाव व...
नाशिकमध्ये युतीचे उमेदवार ठरेनानाशिक: लोकसभेच्या निवडणुकीसाठी नाशिक व दिंडोरी...
पुणे जिल्ह्यातील सात साखर कारखान्यांचा...पुणे ः पुणे जिल्ह्यातील साखर कारखान्यांचा ऊस गाळप...
उष्णतेचे कारण देऊन पपईच्या दरात अडवणूकनंदुरबार : जिल्ह्यातील पपई उत्पादकांना अपेक्षित...
नांदेड जिल्ह्यात साडेअकराशे हेक्टरवर...नांदेड ः नांदेड जिल्ह्यात गुरुवार (ता. १४) पर्यंत...
नगर जिल्हाधिकाऱ्यांच्या तपासणी मोहिमेची...नगर : जनावरांच्या छावण्या सुरू केल्या. मात्र,...
वऱ्हाडात हळद काढणीला सुरवातअकोला : वऱ्हाडात दुष्काळी परिस्थिती, तसेच पाणी...
परभणीतील पशुवैद्यक विद्यार्थ्यांचे भीक...परभणी ः पशुसंवर्धन विभागांतर्गंत पशुधन सहायकांना...
नाशिक जिल्ह्यात बिबट्यांचा धुमाकूळनाशिक : नाशिक शहर व जिल्ह्यात बिबट्याच्या...
सोलापूर कृषी विज्ञान केंद्राला...सोलापूर : भारतीय कृषी व संशोधन परिषदेअंतर्गत...
नगर जिल्ह्यात सव्वा कोटी टन उसाचे गाळपनगर ः जिल्ह्यातील २३ सहकारी व खासगी साखर...
सोलापूर जिल्हा दूध संघाचे पैसे...सोलापूर : दूध अनामत रक्कम, पशुखाद्य व गायी...