agriculture news in marathi, Production of pre-existing Cotton half | Agrowon

पूर्वहंगामी कपाशीचे उत्पादन निम्म्यावर
टीम अॅग्रोवन
गुरुवार, 16 नोव्हेंबर 2017

जळगाव : पावसाचा लहरीपणा आणि नंतरचा शेंदरी बोंडअळीचा डंख यामुळे खानदेशातील कापूस उत्पादन यंदा निम्म्यावर येणार असल्याचे निश्‍चित मानले जात आहे. आजघडीला खानदेशातील पूर्वहंगामी कपाशीचे जवळपास ३० हजार हेक्‍टर क्षेत्र रिकामे झाले आहे. पूर्वहंगामी कापूस उत्पादकांना एकरी साडेचार ते पाच क्विंटलच उत्पादन मिळाले असून, कोरडवाहू कपाशीतून उत्पादन खर्चही हाती येणार नाही, अशी स्थिती आहे.

जळगाव : पावसाचा लहरीपणा आणि नंतरचा शेंदरी बोंडअळीचा डंख यामुळे खानदेशातील कापूस उत्पादन यंदा निम्म्यावर येणार असल्याचे निश्‍चित मानले जात आहे. आजघडीला खानदेशातील पूर्वहंगामी कपाशीचे जवळपास ३० हजार हेक्‍टर क्षेत्र रिकामे झाले आहे. पूर्वहंगामी कापूस उत्पादकांना एकरी साडेचार ते पाच क्विंटलच उत्पादन मिळाले असून, कोरडवाहू कपाशीतून उत्पादन खर्चही हाती येणार नाही, अशी स्थिती आहे.

जळगाव आणि धुळ्यात पूर्वहंगामी किंवा बागायती (मे, जून महिन्यातील लागवड) कपाशीची लागवड जवळपास एक लाख २३ हजार हेक्‍टरवर झाली आहे. चोपडा, यावल, रावेर, जळगाव, मुक्ताईनगर, शिंदखेडा, शिरपूर, शहादा, नंदुरबार या तापीकाठावरील तालुक्‍यांमध्ये मे, जून महिन्यांत कपाशीची सूक्ष्मसिंचनावर मोठ्या प्रमाणात लागवड झाली, तर कोरडवाहू कपाशीची लागवडही अधिक झाली.

मात्र जूनमध्ये पावसाने दगा दिला. नंतर दुबार लागवड करावी लागली. त्यानंतर पावसाने ओढ दिली आणि तिबार लागवड करण्याची वेळ आली. आणखी जुलै, ऑगस्टमध्ये पावसाने ओढ दिल्याने कोरडवाहू कपाशी तर पुरती वाया गेली. त्याच वेळी पूर्वहंगामी कपाशीवर जुलै महिन्यात शेंदरी बोंडअळी आली.

पूर्वहंगामी कपाशीचे दिवाळीपर्यंतचे वेचे बरे आले. नंतर एका झाडावर दोन, चार बोंडे रुईदार आणि इतर किडलेले, कवड्यांचे निघत आहेत. मजूर वेचणीला नकार देत आहेत. अशातच फरदडचे उत्पादन येणार नाही म्हणून ती काढून फेकली जात आहे. चोपडा, जळगाव, शिरपूर, यावल, शहादा, नंदुरबार भागात क्षेत्र रिकामे केले जात असून, त्यावर मका व इतर रब्बी पिकांची लागवड झाली आहे.

दरम्यान खानदेशात कापूस उत्पादन अधिक येईल, असा आशावाद जिनर्स, व्यापाऱ्यांना होता. पण अगदी दिवाळीपूर्वीच हा अंदाज चूक असल्याचे जाणवले. त्यामुळेच की काय, निम्म्याच जिनिंग सुरू झाल्या. जिनर्सचा २२ लाख गाठींच्या उत्पादनाचे नियोजनही कोलमडले आहे.

इतर ताज्या घडामोडी
पुण्यात पालेभाज्यांची आवक घटली; दर तेजीतपुणे  ः गुलटेकडी येथील कृषी उत्पन्न बाजार...
उन्हाळ्यातील उत्पादनघटीवर बाजाराची भिस्तयेत्या दिवसांत उन्हाळ्याची तीव्रता वाढून...
...कृत्रिम पावसाचीही तयारी !सोलापूर  : यंदाच्या वर्षी राज्यात समाधानकारक...
आरोग्यपूर्ण मातीतून वाढते जनावरांचे वजनचराईच्या योग्य पद्धतीतून मातीचे व्यवस्थापन...
राज्यस्तरीय खरीप आढाव्याची २ मे रोजी...मुंबई  : राज्य सरकारने खरीप हंगामाच्या...
शेतकरी, कारखानदार मिळून सरकारला धडा...कोल्हापूर  : साखरेचे दर कोसळत असताना केंद्र...
अंडी उत्पादनात दररोज एक लाखाने घटविटा, जि. सांगली  : वाढती उष्णतेची झळ...
व्यापाऱ्यांकडे थकलेले पैसे ३०...येवला, जि. नाशिक  : अंदरसूल येथील कांदा...
'शेतकरी आत्महत्येला सरकारचे धोरण...नगर  ः देशात आणि राज्यात शेतकरी आत्महत्या...
दुग्ध विकासाला हवी वैज्ञानिक क्रांतीची...नागपूर  : दुग्ध व्यवसायाचा विकास करायचा असेल...
चंदगडमध्ये काजू उत्पादन घटले चंदगड, जि. कोल्हापूर  ः काजूच्या...
पुणे विभागातील धरणांत २११.४० टीएमसी... पुणे  ः उन्हाचा ताप वाढू लागताच पुणे...
नांदेड जिल्ह्यात ८ लाख हेक्टरवर खरीप... नांदेड :  नांदेड जिल्ह्यात यंदाच्या खरीप...
नगर जिल्ह्यात ३८ हजार क्विंटल हरभरा... नगर : जिल्ह्यामध्ये आतापर्यंत आठ हरभरा खरेदी...
बोंड अळीमुळे झालेल्या नुकसानीची मदत... नागपूर  : बोंड अळीसंदर्भातील आदेश चुकीचा...
उभी पिके जळू लागल्याने बॅंक संचालकाची...वालचंदनगर, जि. पुणे : इंदापूर अर्बन बॅंकेचे...
‘कृषिसेवक’साठी किमान पदवीची पात्रता हवीअकोला : कृषी सहायक, कृषिसेवक या पदावर...
हिंगोलीत हळद ६६०० ते ७५०० रुपये क्विंटल हिंगोली  : हिंगोली कृषी उत्पन्न बाजार...
राष्ट्रीय धोरणात हवे मक्याला स्थानदेशातील एकूण मक्याच्या खपामध्ये पोल्ट्री...
भाजीपाला सल्ला : वाल, भेंडी, गवारवाल : या पिकावर मावा, करपा व पानावरील ठिपके या...