agriculture-news-marathi-pune-agriculture-college-agri-tech-fest-2017 | Agrowon

पुण्यात कृषी तंत्रज्ञान महोत्सवास प्रारंभ
टीम अॅग्रोवन
रविवार, 10 सप्टेंबर 2017

महाविद्यालयाच्या ११० एकर क्षेत्रावरील महोत्सवातील भात, मका, ज्वारी, बाजरी, नाचणी, भगर, मूग, उडीद, चवळी, तूर, भुईमूग, सोयाबीन, सूर्यफूल, कारळा, तीळ तसेच चारा पिंकामध्ये फुले गुणवंत, फुले जयवंत, मारवेल, मद्रास अंजन, हायब्रीड नेपिअर, मका, ज्वारी, बाजरी याची लागवडीची प्रात्यक्षिके पाहता येणार आहे.

पुणे : राहुरी येथील महात्मा फुले कृषी विद्यापीठांतर्गत पुणे कृषी महाविद्यालयात आयोजित केलेल्या कृषी तंत्रज्ञान महोत्सवास रविवार (ता. १०) पासून प्रारंभ झाला. या महोत्सवाचे उद्घाटन मुख्यमंत्री देवेंद्र फडणवीस यांच्या हस्ते झाले. महोत्सवास माजी केंद्रीय कृषिमंत्री शरद पवार, माजी उपमुख्यमंत्री अजित पवार यांनी भेट देऊन पाहणी केली. 

या वेळी पुणे जिल्ह्याचे पालकमंत्री गिरीष बापट, सामाजिक न्याय राज्यमंत्री दिलीप कांबळे, महात्मा फुले कृषी विद्यापीठाचे कुलगुरू डाॅ. के. पी. विश्वनाथा, कृषी व विस्तार शिक्षण संचालक किरण कोकाटे, संशोधन संचालक डाॅ. शरद गडाख, महाविद्यालयाचे प्राचार्य डाॅ. पी. एन. रसाळ आदी उपस्थित होते. महाविद्यालयाच्या आवारात जिल्हा मध्यवर्ती सहकारी बँकेच्या शताब्दी सोहळा कार्यक्रम असल्याने शेतकऱ्यांनी सकाळपासून हजेरी लावली. 

 

महाविद्यालयाच्या ११० एकर क्षेत्रावरील महोत्सवातील भात, मका, ज्वारी, बाजरी, नाचणी, भगर, मूग, उडीद, चवळी, तूर, भुईमूग, सोयाबीन, सूर्यफूल, कारळा, तीळ तसेच चारा पिंकामध्ये फुले गुणवंत, फुले जयवंत, मारवेल, मद्रास अंजन, हायब्रीड नेपिअर, मका, ज्वारी, बाजरी याची लागवडीची प्रात्यक्षिके पाहता येणार आहे. ऊस, कापसाच्या विविध जातींसह २८ पिकांचे ७४ वाण आणि वीस भाजीपाला पिकांच्या ३९ वाणांची पिके व त्यांची माहिती प्रत्यक्षात पाहता येणार आहे. 

उद्यानविद्या विभागामध्ये बारा फुलपिकांचे ४६ वाणांची माहिती दिली असून, रोपे खरेदीसाठी उपलब्ध करून दिली आहे. महोत्सवात भारतीय गोवंशाच्या काॅक्रेज, साहिवाल, डांगी, रेड शिंदी, फुले त्रिवेणी, मुऱ्हा आणि पंढरपुरी जातीच्या म्हशी उपलब्ध आहेत. शेळीच्या संगमनेरी, उस्मानाबादी या भारतीय तर बीटल, बोअर, सानेन विदेशी अशा विविध जाती उपलब्ध आहेत. याशिवाय मेढींच्या तीन भारतीय जाती, कोंबड्या, बदके व बटेर या महोत्सवात पाहता येणार आहे. कृषी विद्यापीठाने आतापर्यंत संशोधन केलेली सर्व शेतीपयोगी अवजारे व यंत्रे पाहण्यासाठी उपलब्ध आहे. 

याचबरोबर ठिंबक सिंचन, तुषार सिंचन, शेततळे, अळिंबीचे उत्पादन व व्यवस्थापन, जिवाणू खतांमध्ये अॅझोटोबॅक्टर, रायझोबियम, पीएसबी, अझोस्पिरिलयम, अॅसोटोबॅक्टर, जैविक कीड नियंत्रणामध्ये न्युमोरिया, सिडोमुनोस, ट्रायकोडर्मा, एसएनपीव्ही, तसेच गांडूळ खत, कंपोस्ट खत, नाडेप पद्धत असे विविध तंत्रज्ञान पाहण्यास उपलब्ध आहे. हे प्रदर्शन येत्या १३ सप्टेंबरपर्यंत सकाळी दहा ते सायंकाळी पाच या वेळेत खुले असेल. 

 

इतर अॅग्रो विशेष
परभणी, राहुरी कृषी विद्यापीठांना पाच...परभणी ः भारतीय कृषी संशोधन परिषदअंतर्गत कृषी...
कोकण, मध्य महाराष्ट्रात हलक्या ते मध्यम...पुणे : पावसाला पोषक हवामान झाल्याने आठवड्याच्या...
‘आरएसएफ’च्या मूळ सूत्रात घोडचूकपुणे: शेतकऱ्यांना हक्काचा ऊसदर मिळवून देणाऱ्या...
साखर कारखान्यांची धुराडी आजपासून पेटणारपुणे: राज्यातील साखर कारखान्यांच्या गाळप हंगामाला...
सहकारी बॅंकांना एकाच छताखाली आणणार :...पुणे ः सहकार क्षेत्राला ‘अच्छे दिन’ आणण्यासाठी...
चला मिरचीच्या आगारात राजूरा बाजारात...मिरचीचे आगार अशी ओळख अमरावती जिल्ह्यातील राजूरा...
‘एसआरटी’ तंत्राने मिळाली उत्पादनासह...पेंडशेत (ता. अकोले, जि. नगर) या कळसूबाई शिखराच्या...
तुटवड्यामुळे कांद्याच्या दरात सुधारणानवी दिल्ली ः देशातील महत्त्वाच्या कांदा उत्पादक...
कृषी विद्यापीठांचे संशोधन आता एका...मुंबई ः राज्यातील चारही कृषी विद्यापीठांनी केलेले...
महाराष्ट्रातील दुष्काळग्रस्तांना...शिर्डी: महाराष्ट्रात यंदा पाऊस कमी झाला....
कोल्हापुरी गुळाचा गोडवा यंदा वाढणारकोल्हापूर : यंदाच्या पावसाळ्यात गुजरात,...
कमी दरांवरून जिनर्सचा ‘सीसीआय’च्या...जळगाव ः भारतीय कापूस महामंडळाच्या (सीसीआय) कापूस...
होय, आम्ही बदलू शेतीचे चित्र... ‘शाळेत सुरू असलेल्या कृषी शिक्षण अभ्यासक्रमातून...
‘पंदेकृवि’च्या सुवर्णमहोत्सवी वर्षाचा...अकोला :  डॉ. पंजाबराव देशमुख कृषी विद्यापीठ...
शेतीपासून जितके दूर जाल तितके दुःख...पुणे : शेतीशी जोडलेली माणसं ही निसर्ग आणि मानवी...
नाबार्डच्या व्याजदरातच जिल्हा बँकांना...मुंबई : राज्य बँकेला नाबार्डकडून मिळणाऱ्या...
कोकण, पश्‍चिम महाराष्ट्रात काही ठिकाणी...पुणे : कोकण अाणि पश्‍चिम महाराष्ट्रात काही ठिकाणी...
अकोला, बुलडाणा जिल्ह्यांत कोरडवाहू...अकोला : अकोला आणि बुलडाणा जिल्ह्यात कोरडवाहू...
अठरा गावांनी केली कचऱ्यापासून गांडूळखत...गावे आणि वाडीवस्त्याही स्वच्छतेत अग्रभागी...
‘सीसीआय’च्या खरेदीला दिवाळीत मुहूर्तमुंबई : देशातील महत्त्वाच्या कापूस उत्पादक...