पुणे जिल्ह्यात रब्बी पेरणी ५८ टक्क्यांवर

संग्रहित छायाचित्र
संग्रहित छायाचित्र

पुणेः रब्बी हंगामातील गहू, हरभरा पिकांच्या पेरण्या अंतिम टप्प्यात आल्या आहेत. आतापर्यंत पुणे जिल्ह्यात सरासरीच्या चार लाख ४ हजार ८३ हेक्टरपैकी दोन लाख ३३ हजार ८६३ म्हणजेच ५८ टक्के पेरणी झाली असल्याचे कृषी विभागाच्या सूत्रांनी सांगितले.

यंदा चांगला पाऊस झाल्यामुळे रब्बी हंगामात पेरणीचे क्षेत्र वाढण्याची शक्यता होती. परंतु आतापर्यंत जवळपास निम्म्याहून अधिक क्षेत्रावर पेरणी झाली असली, तरी अजूनही काही ठिकाणी पेरण्या सुरू असल्याचे चित्र आहे. जिल्ह्याच्या पूर्वेकडील बारामती, इंदापूर, दौंड, पुरंदर, उत्तरेकडील खेड, आंबेगाव, जुन्नर तालुक्यात रब्बीची मोठ्या प्रमाणात पेरणी होती. पश्चिमेकडील मावळ, मुळशी, भोर, वेल्हा तालुक्यात अत्यल्प प्रमाणात हरभरा आणि गव्हाची पेरणी होते.

जिल्ह्यात रब्बी ज्वारीची सरासरीच्या दोन लाख ७० हजार ८४१ हेक्टरपैकी एक लाख ५६ हजार २५५ हेक्टर म्हणजेच ५८ टक्के पेरणी झाली आहे. जिल्ह्यात सर्वाधिक पेरणी मका पिकाची झाली असून सुमारे ७८ टक्के, तर हरभऱ्याची ६४ टक्के पेरणी झाली आहे. तेलबियांची पेरणी अजूनही झालेली नसल्याचे चित्र आहे. त्यामुळे जिल्ह्यातून तेलबिया पिके हद्दपार होतील की काय अशी साशंकता निर्माण झाली आहे.

पीक                   पेरणी रब्बी ज्वारी           १,५६,२५५ गहू                     ३०,५७३ मका                   १३,०५६ इतर तृणधान्य      १३,०५६ हरभरा                ३०,८३४ इतर                   ३०१८ करडई                 १० सूर्यफूल               ४२० इतर गळीतधान्ये   ४

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com