agriculture news in marathi, pune jilha parishad will distribute solar set to farmers, maharashtra | Agrowon

कृषिपंपाच्या वीजपुरवठ्यासाठी पुणे जिल्हा परिषद देणार सौर संच
टीम अॅग्रोवन
रविवार, 1 एप्रिल 2018
जिल्हा परिषदेतर्फे पहिल्या वर्षी जिल्ह्यातील १०० शेतकऱ्यांना सौरऊर्जा संच देण्याचे उद्दिष्ट आहे. यात महिला शेतकऱ्यांना प्राधान्याने लाभ दिला जाईल. यासाठी जिल्हा परिषदेेमार्फत २ कोटी रुपयांची तरतूद करण्यात येणार आहे.  
- सुजाता पवार, सभापती, कृषी समिती, जिल्हा परिषद, पुणे.
पुणे ः सौरऊर्जेचा वापर करून कृषिपंपांना वीजपुरवठा करण्यासाठी जिल्ह्यातील शेतकऱ्यांना सौरऊर्जा (सोलर) संच दिले जाणार आहेत. जिल्हा परिषदेच्या या नावीन्यपूर्ण योजनेतून महिला शेतकऱ्यांना प्राधान्याने लाभ मिळणार अाहे. यासाठी सुमारे २ कोटी रुपयांची तरतूद करण्यात येणार असल्याची माहिती जिल्हा परिषदेच्या कृषी समितीच्या सभापती सुजाता पवार यांनी दिली.
 
उन्हाळ्यामुळे विजेची मागणी वाढली असून, अनेक ठिकाणी विजेचा पुरवठा खंडित होत आहे. भारनियमनामुळे दिवसा पिकांना पाणी देऊ शकत नसल्याने रात्री जागून शेतकऱ्यांना पिकास पाणी द्यावे लागत आहे. जिल्ह्याच्या काही भागात बिबट्याचा वावर असून, इतरही वन्य प्राणी आढळून येत आहेत. तसेच साप, विंचू या सरपटणाऱ्या प्राण्यांच्या दंशाच्या घटनाही घडत आहेत. यातच विजेचा वापर वाढल्यास रोहित्र (डीपी) जळण्याचे प्रकारही वाढले आहेत.
 
रोहित्र जळाल्यास दोन ते तीन महिन्यांपर्यंत वीजपुरवठा खंडित होत असल्याने विजेअभावी पाणी न मिळाल्याने पिकांचे पर्यायाने शेतकऱ्यांचे नुकसान होत आहे. त्यामुळे कृषिपंपांना वीजपुरवठा करण्यासाठी सोलर संच देण्याची योजना उपयुक्त ठरणार आहे.
 
पवार म्हणाल्या, की या योजनेतून शेतकऱ्यांना पाच एचपी क्षमतेचा पंप चालू शकेल, असा सोलर संच देण्यात येणार आहे. त्यासाठी प्रतिसंच सुमारे ४ लाख खर्च अपेक्षित असून, जिल्हा परिषदेमार्फत ५० टक्के रकमेचे अनुदान देणार आहे, तर शेतकऱ्याला स्व-हिस्सा म्हणून २० टक्के रक्कम भरावी लागेल.
 
उर्वरित ३० टक्के रक्कम पुणे जिल्हा सहकारी मध्यवर्ती बॅंकेकडून कर्जरूपाने उपलब्ध करून देण्यात येईल. योजनेचे लाभार्थी निवडताना सातबारा उतारा आणि वीजजोडणी नावावर असणाऱ्या महिला शेतकऱ्यांना प्राधान्याने लाभ देण्यात येणार असल्याचे पवार यांनी सांगितले.
 
वैयक्तिक लाभाच्या विविध योजनांचे पैसे थेट लाभार्थ्याच्या बॅंक खात्यामध्ये जमा करण्यात येत आहेत. जिल्हा परिषदेच्या कृषी विभागातर्फे राबविण्यात आलेल्या योजनांचा थेट लाभ देण्याचे ८५ टक्के काम पूर्ण झाले आहे. शनिवार, रविवार आणि बॅंकाच्या आर्थिक वर्षांची अखेर असल्याने पैसे जमा करण्यास उशीर होत आहे. मात्र एप्रिल महिन्याच्या पहिल्या आठवड्यात शेतकऱ्यांच्या खात्यावर पैसे जमा होतील, अशी माहिती कृषी सभापती सुजाता पवार यांनी दिली.

इतर ताज्या घडामोडी
सांगलीतील ९० टक्के द्राक्ष हंगाम उरकलासांगली : जिल्ह्यातील यंदाचा द्राक्ष हंगाम ९०...
फरारी द्राक्ष व्यापाऱ्यास शेतकऱ्यांनी...नाशिक  ः चालू वर्षाच्या हंगामात जिल्ह्यातील...
औरंगाबाद लोकसभा मतदारसंघातील प्रचार...औरंगाबाद : औरंगाबाद लोकसभा मतदारसंघातील...
सध्याचे सरकार म्हणजे लबाडाचे आवतन : पवारनगर : सध्याचे केंद्र सरकार म्हणजे लबाडाचे आवतन...
सिंचनाच्या पाण्याचे मोजमाप करण्याच्या...शेतीमध्ये पाणी हा अत्यंत महत्त्वाचा घटक असून,...
परभणीत वांगी प्रतिक्विंटल १००० ते २५००...परभणी : येथील पाथरी रस्त्यावरील फळे भाजीपाला...
मतदान केंद्रावरील रांगेपेक्षा...सोलापूर  : सोलापूर लोकसभा मतदारसंघात सर्वत्र...
अवकाळीचा सोलापूर जिल्ह्याला मोठा फटकासोलापूर : जिल्ह्याला गेल्या चार महिन्यांत अधून-...
मंठा तालुक्यात वादळी वाऱ्याने नुकसानमंठा, जि. जालना  : तालुक्यात मंगळवारी ( ता....
पुणे विभागातील दोन लाख हेक्टरवरील ऊस...पुणे  ः गेल्या चार ते पाच महिन्यांपासून पुणे...
मराठवाड्यातील मतदान टक्केवारीत किंचित घटबीड, परभणी : मराठवाड्यातील बीड, उस्मानाबाद,...
सातारा जिल्‍ह्यातील ऊस उत्पादकांना...सातारा  ः जिल्ह्यातील सह्याद्री कारखान्याचा...
म्हैसाळ योजनेत २२ पंपांद्वारे उपसासांगली : म्हैसाळ योजनेच्या पंपांची संख्या विक्रमी...
दिग्गजांच्या सभांनी तापणार साताऱ्यातील...सातारा : सातारा लोकसभा मतदारसंघातील राजकीय...
प्रभावी अपक्ष उमेदवारांमुळे लढती रंगतदारमुंबई : राज्यात तिसऱ्या आणि चौथ्या टप्प्यातील २१...
राज्यात काकडी प्रतिक्विंटल ४००ते २०००...नाशिकला काकडी प्रतिक्विंटल १२५० ते १७५० रुपये...
धनगर समाज भाजपच्याच पाठीशी ः महादेव...सांगली  : मुख्यमंत्री देवेंद्र फडणवीस हेच...
ऊस गाळपात इंदापूर कारखान्याची आघाडी पुणे  : जिल्ह्यात सर्व १७ साखर कारखान्यांनी...
निवडणुकीमुळे चाराटंचाईकडे दुर्लक्ष;...पुणे  : निवडणुकीची रणधुमाळी सुरू असताना...
नाशिक जिल्ह्यात चारा छावण्यांसाठी...नाशिक  : जिल्ह्यातील टंचाईच्या झळा तीव्र होत...