चंडीगड, पंजाब ः कृषी क्षेत्रातील महत्त्वाची अवजारे आणि शेतमालावर वस्तू व सेवाकरांतर्गत (जीएसटी) विविध कर लावण्यात आले आहेत. शेतकरी हितासाठी या करांचा फेरआढावा घ्यावा, असे पत्र पंजाबचे मुख्यमंत्री कॅप्टन अमरिंदरसिंग यांनी पंतप्रधानांना लिहिले आहे.
मुख्यमंत्री सिंग यांनी पत्रात असे नमूद केले आहे, की खतांवर याआधी 2 टक्के व्हॅट आकारला जात होता. आता 5 ते 18 टक्‍क्‍यांपर्यंत जीएसटी लागू झाला आहे. कीटकनाशकांवर 12.5 टक्के असलेला व्हॅट जाऊन आता 18 टक्के जीएसटी आणला गेला आहे.
तसेच शेती निविष्ठांसह ठिबक सिंचनाची अवजारे, ट्रॅक्‍टर, सूक्ष्मपोषके (मायक्रोन्यूट्रियंट), प्रक्रियायुक्त पॅकेज्ड अन्नपदार्थ आणि इतर अनेक बाबींवरही मोठ्या प्रमाणावर करमर्यादा वाढविण्यात आली आहे. याचा प्रतिकूल परिणाम शेतकऱ्यांच्या आर्थिक नियोजनावर होत आहे. यामुळे पंतप्रधानांनी यात लक्ष घालून या करांचा फेरआढावा घ्यावा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.