agriculture news in marathi, Purchase centers for sale of disadvantages | Agrowon

जळगाव : तूर विक्रीसाठी खरेदी केंद्रांना नापसंती
टीम अॅग्रोवन
शनिवार, 16 मार्च 2019

जळगाव : शासकीय केंद्रात तूर खरेदीला अपेक्षित प्रतिसाद मिळत नसल्याची स्थिती आहे. दुसरीकडे बाजार समिती, खासगी बाजारात तुरीचे दर दबावात आहेत. हमीभावापेक्षा सुमारे ९०० ते १००० रुपये कमी दर मिळत आहेत. 

जळगाव : शासकीय केंद्रात तूर खरेदीला अपेक्षित प्रतिसाद मिळत नसल्याची स्थिती आहे. दुसरीकडे बाजार समिती, खासगी बाजारात तुरीचे दर दबावात आहेत. हमीभावापेक्षा सुमारे ९०० ते १००० रुपये कमी दर मिळत आहेत. 

जिल्ह्यात पाचोरा, अमळनेर व जळगाव येथे तूर खरेदी केंद्र सुरवातीलाच म्हणजेच फेब्रुवारीतच सुरू झाली. यातील जळगाव केंद्रात शून्य खरेदी झाली. अमळनेर, पाचोरा, चाळीसगाव, रावेर, जामनेर व मुक्ताईनगर येथेही आवक कमीच आहे. हेक्‍टरी चार क्विंटल ५० किलो तूर खरेदीचा निकष असल्याने इतर केंद्रातही कमीच खरेदी होत असल्याचा दावा शेतकरी करीत आहेत. कारण बागायती तुरीचे उत्पादन हेक्‍टरी २० क्विंटल आहे. यातील फक्त साडेचार क्विंटल तूर शासन घेत असल्याने शासकीय केंद्रातील आवक नगण्य आहे. 

रावेर, मुक्ताईनगर, जामनेर, चाळीसगाव भागातील केंद्रांमध्ये प्रतिदिन ३० ते ४० क्विंटलही आवक होत नाही. नेमकी किती खरेदी शासकीय केंद्रात आजपर्यंत झाली, याची नेमकी माहिती मार्केटिंग फेडरेशनच्या सूत्रांकडून मिळू शकली नाही. 

बाजारात जळगाव, चोपडा येथे तुरीची कोणतीही आवक या हंगामात झाली नाही. रावेर, मुक्ताईनगर, जामनेर, अमळनेर, पाचोरा व चाळीसगाव येथे मागील महिन्यात कमी अधिक स्वरूपात आवक झाली होती. नंतर ती रोडावली. सध्या दरांवर दबाव असल्याने शेतकरी तूर आणत नसतील, असा अंदाजही बाजारातील जाणकार व्यक्त करीत आहेत. कारण जेव्हा शासकीय खरेदीची नोंदणी सुरू होती, तेव्हा बाजारातील दर हमीभावाऐवढे होते. शेतकऱ्यांनी नोंदणी टाळली. जळगाव येथे तर फक्त आठ शेतकऱ्यांनी नोंदणी केली होती. खरेदी केंद्रातून तूर आणण्याचे संदेश पाठवूनही त्यांनी ती विक्रीसाठी आणली नाही, असा दावा करण्यात आला.

जळगाव, अमळनेर, पाचोरा भागांतील बाजारात 
तुरीला प्रतिक्विंटल कमाल ४८०० रुपयांपर्यंतचे दर आहेत, अशी माहिती मिळाली.

इतर ताज्या घडामोडी
परभणी : धरणांच्या जलाशयातील उणे...परभणी ः वाढते तापमान, बेसुमार उपसा, वेगाच्या...
नाशिक : पाणीटंचाई आणि चाऱ्याच्या...अंबासन, जि. नाशिक : बागलाण परिसरातील गावागावांत...
देगावात दुष्काळाचा फळबागांना मोठा फटकावाळूज, जि. सोलापूर : यंदाच्या भीषण दुष्काळाचा...
वऱ्हाडाला केंद्रीय मंत्रिपदाची अपेक्षाअकोला : या लोकसभा निवडणुकीत पुन्हा एकदा मतदारांनी...
केंद्रीय मंत्रिपदासाठी शिवसेनेच्या...मुंबई : अनंत गिते, आनंदराव अडसूळ, चंद्रकांत...
कॉँग्रेस नेते मुख्यमंत्रिपदाची स्वप्ने...नगर  ः कॉँग्रेसचे महाराष्ट्रातील नेते...
सरसकट कर्जमाफीसाठी सरकारला विनंती करू ः...शेटफळगढे, जि. पुणे : यूपीए सरकारच्या काळात आपण...
रत्नागिरी, कर्नाटक हापूसचा हंगाम अंतिम...पुणे  : ग्राहकांची विशेष पसंती असलेल्या...
नगर जिल्ह्यात दुष्काळी स्थितीमुळे...नगर ः उसासोबत ज्वारीचे आगार म्हणून ओळख असलेल्या...
विमा कंपन्यांच्या अधिकाऱ्यांसमवेत १...अमरावती : विमा कंपन्यांच्या हेकेखोरपणापुढे...
यवतमाळ बाजार समितीत हळद खरेदीस प्रारंभयवतमाळ  ः जिल्ह्यात हळदीखालील क्षेत्रात वाढ...
शेतकऱ्यांना व्यापारी करण्यावर भर: कृषी...बारामती, जि. पुणे ः आपल्याकडे पिकणाऱ्या प्रत्येक...
पुणे बाजारात आले, टोमॅटोच्या भावात...पुणे : गुलटेकडी येथील कृषी उत्पन्न बाजार...
दुष्काळ पाहूनही मदतीचं आश्वासन नाय दिलंकोल्हापूर/सांगली ः गेल्या महिन्यात आमच्याकडं...
अनेर काठावरच्या शिवारातही जाणवू लागली...जळगाव ः जिल्ह्यातील प्रमुख नद्यांमध्ये असलेल्या...
जळगावात १८०; धुळे, नंदुरबारात टॅंकरची...जळगाव ः खानदेशात सुमारे एक हजार गावे टंचाईच्या...
लाकडी अवजारे हद्दपार; सुतारांवर...रिसोड, जि. वाशीम ः आधुनिकतेचे वारे शेतीतही वाहू...
कसणाऱ्यांना प्रोत्साहन दिल्यास...विकसनशील देशांमध्ये कृषी उत्पादकता आणि उत्पन्नाची...
जळगाव बाजार समितीती कांदा दरात सुधारणाजळगाव ः लाल कांद्याची आवक अस्थिर असून, दरात मागील...
नाशिक जिल्ह्यात प्रशासनाकडून नवीन चार...नाशिक : दुष्काळी परिस्थितीत जनावरांची चारा...