agriculture news in marathi, Purpose of Pure, Safe Water 'Swajal' scheme: Joint Secretary Smt. Radha | Agrowon

शुद्ध, सुरक्षित पाणी ‘स्वजल’ योजनेचा उद्देश ः सहसचिव व्ही. राधा
टीम अॅग्रोवन
गुरुवार, 30 ऑगस्ट 2018

पुणे : वाढत्या लोकसंख्येमुळे पाण्याची मागणी वाढत आहे. ग्रामीण भागातील प्रत्येकाला पिण्यासाठी, स्वयंपाकासाठी आणि इतर घरगुती वापरासाठी स्वच्छ व सुरक्षित पाणी मिळावे, हाच ‘स्वजल’ योजनेचा मुख्य उद्देश असल्याचे प्रतिपादन केंद्रीय पेयजल आणि स्वच्छता मंत्रालयाच्या सहसचिव श्रीमती व्ही. राधा यांनी व्यक्त केले.

पुणे : वाढत्या लोकसंख्येमुळे पाण्याची मागणी वाढत आहे. ग्रामीण भागातील प्रत्येकाला पिण्यासाठी, स्वयंपाकासाठी आणि इतर घरगुती वापरासाठी स्वच्छ व सुरक्षित पाणी मिळावे, हाच ‘स्वजल’ योजनेचा मुख्य उद्देश असल्याचे प्रतिपादन केंद्रीय पेयजल आणि स्वच्छता मंत्रालयाच्या सहसचिव श्रीमती व्ही. राधा यांनी व्यक्त केले.

युनिसेफ, भूजल सर्वेक्षण आणि विकास यंत्रणा, पाणी व स्वच्छता सहाय्य संस्था, पेयजल आणि स्वच्छता मंत्रालय, भारत सरकार आणि ‘स्वजल’ योजना यांच्या संयुक्त विद्यमाने येथील हॉटेल क्राऊन येथे दोन दिवसीय राष्ट्रीय ‘स्वजल’ कार्यशाळा आयोजित केली होती. त्या वेळी श्रीमती व्ही. राधा या बोलत होत्या.

या कार्यशाळेला युनिसेफचे निकोलस ऑसबेर्ट, भूजल सर्वेक्षण विकास यंत्रणेचे संचालक शेखर गायकवाड, केंद्रीय पेयजल आणि स्वच्छता मंत्रालयाचे उपसचिव श्रीमती रणजीथा यांच्यासह विविध राज्यांचे प्रतिनिधी उपस्थित होते.

भूजल सर्वेक्षण व विकास यंत्रणेचे संचालक शेखर गायकवाड म्हणाले, पिण्याचे पाणी हा प्रत्येक मानवाच्या आयुष्यातील अत्यंत महत्त्वाचा घटक आहे. स्वच्छ पाण्याबरोबरच पाणी गुणात्मक असणे आवश्यक आहे. मानवी शरीरासाठी आवश्यक असणारे अनेक खनिजद्रव्ये नैसर्गिक पाण्यात असतात, मात्र पाणी शुद्धिकरणाच्या नावाखाली आपण ही सर्व आवश्यक खनिजद्रव्ये पाण्यातून काढून टाकतो. त्यामुळे पाणी शुद्धिकरणाची अनावश्यक प्रक्रिया बंद करण्याची आवश्यकता आहे. शुद्ध पाण्याबरोबरच गुणात्मक पाण्यासाठी आपण आग्रही राहीले पाहिजे.

या कार्यशाळेत ‘स्वजल’ योजनेसाठी केंद्रिय पेयजल आणि स्वच्छता मंत्रालयाने नव्याने जारी केलेल्या मार्गदर्शक तत्त्वांवर चर्चा, ‘स्वजल’साठी पर्याय, स्त्रोत बळकटीकरण, ग्रामपंचायत आणि पाणीपुरवठा संस्था कार्य, समाजाकडून ग्रामीण पाणीपुरवठा संस्था चालविणे आणि देखभाल या विषयांवर तज्ज्ञ मार्गदर्शन करणार असून त्यावर सामूहिक चर्चा करण्यात येणार आहे. तसेच केंदूर (ता. शिरूर) आणि कन्हेरसर (ता. खेड) या गावांना भेटी देऊन तेथील पाणीपुरवठा योजनांची पाहणी करण्यात आली. मिलिंद देशपांडे यांनी आभार मानले.

स्वजल योजनेबाबत पेयजल आणि स्वच्छता मंत्रालयाच्या वतीने सुधारित मार्गदर्शक तत्त्वे तयार करण्यात आली आहेत. यामध्ये योजनेची कार्यान्वितता, मांडणी, आर्थिक तरतूद, योजनेच्या भागधारकांच्या भूमिका आणि जबाबदाऱ्या यांचा समावेश करण्यात आला आहे. स्थानिक गरजेनुसार त्यात लवचिकता ठेवण्याचा अधिकार राज्य सरकारला देण्यात आला आहे. ही योजना गुणात्मक आणि दर्जेदारपणे चालावी हाच या मागचा उद्देश आहे.
- श्रीमती व्ही. राधा, केंद्रिय सहसचिव

इतर बातम्या
हतबलतेतून फळबागांवर कुऱ्हाड अन्‌...जालना : जीवापाड जपलेली बाग वाचविण्यासाठी रानोमाळ...
विषाणूंद्वारे खोल मातीतही पोचविता येतील...मातीमध्ये खोलवर पिकाच्या मुळावर एखाद्या बुरशी...
मराठवाड्यात महायुतीचा करिष्मा कायमनांदेड : मराठवाड्यातील आठ लोकसभा मतदारसंघांतील...
पुण्यात गिरीश बापट, बारामतीत सुप्रिया...पुणे  : देशभर मोदी लाट असतानाही राष्ट्रवादी...
राजू शेट्टी यांचा धक्कादायक पराभवकोल्हापूर : गेल्या दहा वर्षांपासून...
नगरमध्ये डॉ. सुजय विखे, शिर्डीत...नगर  : विसाव्या फेरीअखेर नगर लोकसभा...
साताऱ्यात उदयनराजे यांची हॅटट्रिक सातारा : सातारा लोकसभा मतदारसंघात राष्ट्रवादीचे...
जळगाव : शिवारात पाणीबाणी, शेतकरीराजा...जळगाव ः गावात तीन वर्षांपासून पावसाच्या लहरीपणाने...
राज्यात महायुतीची त्सुनामी...मुंबई  ः सतराव्या लोकसभेच्या निवडणुकीत देशभर...
उन्हाचा चटका ‘ताप’दायकपुणे : सूर्य चांगलाच तळपल्याने उन्हाचा चटका...
राजू शेट्टींच्या पराभवाने शेतकरी...कोल्हापूर ः शेतीविषयक विविध प्रश्‍नांबाबत देश...
मोदीच आजच्या महाविजयाचे महानायक : अमित...नवी दिल्ली : देशभरात पंतप्रधान नरेंद्र मोदींच्या...
पुन्हा मोदी लाट, काँग्रेस भुईसपाट नवी दिल्ली ः पंतप्रधान नरेंद्र मोदी यांच्या...
ये नया हिंदुस्थान है' : पंतप्रधानआज देशातील नागरिकांनी आम्हाला कौल दिला. मी...
...आवाज कुणाचा? लोकसभा २०१९चा आज निकालनवी दिल्ली : संपूर्ण जगाचे लक्ष लागून असलेल्या...
कृषी विद्यापीठांना नकोय शिक्षण परिषदेचे...नागपूर : भारतीय कृषी संशोधन परिषदेने तयार...
कोकण, मध्य महाराष्ट्र, मराठवाड्यात...पुणे : उन्हाचा चटका वाढल्याने राज्यातील...
राज्यात कृत्रिम पावसाची तयारी सुरूमुंबई : राज्यातील यंदाच्या भीषण दुष्काळाची...
फळबाग लागवड योजनेवर ग्रामसेवकांचा...चिपळूण, जि. रत्नागिरी ः महाराष्ट्र ग्रामसेवक...
‘रिसॅट-२ बी'चे उपग्रहाचे यशस्वी...श्रीहरीकोट : भारतीय अंतराळ संशोधन संस्थेने (इस्रो...