agriculture news in marathi, Rabbi crop loan distribute in Pune district | Agrowon

पुणे जिल्ह्यात रब्बी पीक कर्जवाटप सुरू
टीम अॅग्रोवन
बुधवार, 10 ऑक्टोबर 2018

पुणे ः रब्बी हंगामात शेतकऱ्यांना पेरणीसाठी लागणाऱ्या निविष्ठा खरेदीसाठी आर्थिक अडचणी येऊ नये, म्हणून पुणे जिल्हा मध्यवर्ती सहकारी बँकेने रब्बी हंगामासाठी एकूण ७२७ कोटी ८९ लाख ७५ हजार रुपयांइतके पीक कर्जवाटपाचे उद्दिष्ट ठेवले आहे. त्यानुसार ऑक्टोबरच्या पहिल्या आठवडाअखेरीस ३९० शेतकऱ्यांना सुमारे चार कोटी ७२ लाख रुपयांइतके पीक कर्जवाटप पूर्ण झालेले आहे.

पुणे ः रब्बी हंगामात शेतकऱ्यांना पेरणीसाठी लागणाऱ्या निविष्ठा खरेदीसाठी आर्थिक अडचणी येऊ नये, म्हणून पुणे जिल्हा मध्यवर्ती सहकारी बँकेने रब्बी हंगामासाठी एकूण ७२७ कोटी ८९ लाख ७५ हजार रुपयांइतके पीक कर्जवाटपाचे उद्दिष्ट ठेवले आहे. त्यानुसार ऑक्टोबरच्या पहिल्या आठवडाअखेरीस ३९० शेतकऱ्यांना सुमारे चार कोटी ७२ लाख रुपयांइतके पीक कर्जवाटप पूर्ण झालेले आहे.

रब्बी हंगामास सुरवात झालेली असून, सुरवातीच्या टप्प्यात कर्ज उचलीचे प्रमाण कमी असल्याचे दिसून येत आहे. पुणे जिल्ह्यात रब्बी हंगामात हरभरा, गहू, ज्वारी, करडई अशी विविध पिकांची पेरणी शेतकरी करतात. यंदाही पुणे जिल्हा सहकारी बँक तालुका व महत्त्वाच्या गाव पातळीवर असलेल्या २६६ शाखांमार्फत गाव पातळीवरील सुमारे १२८२ विविध कार्यकारी सहकारी सोसायटींना कर्जपुरवठा करून तो कर्जरूपाने सभासदांना देतात. सध्या बँकेकडून तीन लाखांपर्यंत कर्ज घेणाऱ्या शेतकऱ्यांना शून्य टक्के व्याजदराने पीककर्जाचे वाटप केले जात आहे. तर तीन लाखांहून अधिक पीककर्ज घेणाऱ्या शेतकऱ्यांना अकरा टक्के दराने वाटप करत आहेत.

रब्बी पिकांव्यतिरिक्त बँकेकडून ऊस, टोमॅटो, कांदा, बटाटा, केळी, द्राक्ष, डाळिब, आंबा, गुलाब, जरबेरा, ढोबळी मिरची, भात, भुईमूग अशा अनेक पिकांना पीककर्जाचे वाटप करणार आहे. त्यामुळे दरवर्षी पीककर्ज घेणाऱ्या शेतकऱ्यांच्या संख्येत वाढ होत आहे. जिल्ह्यात आंबेगाव, बारामती, भौर, दौंड, हवेली, इंदापूर, जुन्नर, शिरूर, पुरंदर या तालुक्यांत पीककर्ज घेणाऱ्या शेतकऱ्यांची संख्या अधिक आहे.

आत्तापर्यंत दौंड तालुक्यातील १८६ शेतकऱ्यांना दोन कोटी ८८ लाख २३ हजार रुपयांचे, तर इंदापुरातील ११६ शेतकऱ्यांना एक कोटी २१ लाख ९४ हजार रुपये, बारामतीतील ५१ शेतकऱ्यांना ३६ लाख ९९ हजार रुपये, पुरंदर तालुक्यातील ३७ शेतकऱ्यांना २४ लाख ८६ हजार रुपयांचे पीककर्जाचे वाटप केले आहे.

तालुकानिहाय पीक कर्जवाटपाचे उद्दिष्ट
तालुका उद्दिष्ट
आंबेगाव ५९ कोटी १९ लाख ३० हजार रुपये,
बारामती ७८ कोटी २१ लाख ३४ हजार
भोर ३२  कोटी ४७ लाख ८६ हजार
दौंड ११० कोटी ९७ लाख ७१ हजार
हवेली २३ कोटी ७९ लाख ५७ हजार
इंदापूर १०३ कोटी ३४ लाख ७० हजार
जुन्नर ७३ कोटी १९ लाख ९० हजार
खेड ७१ कोटी ५४ लाख ६३ हजार 
मावळ १७ कोटी १२ लाख २५ हजार 
मुळशी १७ कोटी ७५ हजार
पुरंदर ५३ कोटी ७७ लाख ७३ हजार 
शिरूर ७५ कोटी ८० लाख ८६ हजार 
वेल्हा ११ कोटी ४३ लाख १५ हजार

 

इतर ताज्या घडामोडी
फळबाग लागवड योजनेवर ग्रामसेवकांचा...चिपळूण, जि. रत्नागिरी ः महाराष्ट्र ग्रामसेवक...
‘रिसॅट-२ बी'चे उपग्रहाचे यशस्वी...श्रीहरीकोट : भारतीय अंतराळ संशोधन संस्थेने (इस्रो...
‘कृष्णामाई’चा कर्नाटकातील काठ तहानला;...कोल्हापूर : कृष्णा नदीवर अवलंबून असणाऱ्या कर्नाटक...
जळगावात लिंबू २२०० ते ५००० रुपये...जळगाव  : कृषी उत्पन्न बाजार समितीमध्ये...
देशभरात ७२४ महिला उमेदवारांचे भवितव्य...नवी दिल्ली : देशात नुकत्याच झालेल्या लोकसभा...
गारपिटीनंतर द्राक्ष बागेची अधिक काळजी...द्राक्ष बागेमध्ये वाढीच्या विविध अवस्थेमध्ये...
अमरावती : नाफेडने अचानक केली तूरखरेदी...अमरावती : ऑनलाइन नोंदणी केलेल्या दहा टक्‍के...
बुलडाणा जिल्ह्यात भीषण पाणीटंचाईबुलडाणा ः गेल्या काही वर्षांत पहिल्यांदाच...
दुष्काळात संत्रा बागेला टँकरच्या...अकोला ः दुष्काळी परिस्थितीने शेतकऱ्याला चौफेर...
खानदेशात सौर कृषिपंप योजनेतून लवकरच पंप...जळगाव ः सौर कृषिपंपासाठी खानदेशातून ८ हजार ९५०...
मिरज, तासगावसह सिंधुदुर्गात पाऊससिंधुदुर्ग, सांगली : विजांच्या कडकडाटांसह...
मराठवाड्यात नवीन खासदारांबाबत उत्कंठानांदेड : मराठवाड्यातील आठ लोकसभा मतदारसंघांतील...
कोल्हापूर, सांगलीत निकालाची उत्सुकता...सांगली : लोकसभा निवडणुकीची मतमोजणी गुरुवारी (ता....
सोलापूर, माढ्याच्या निकालाकडे देशाचे...सोलापूर : अत्यंत प्रतिष्ठेच्या ठरलेल्या...
परभणी जिल्ह्यातील ग्रामीण भागात ७५...परभणी : जिल्ह्याच्या ग्रामीण भागात पाणीटंचाईचे...
यसनी तोडून पुढे या : रमेश घोलपसोलापूर  : "परिस्थितीने बांधलेल्या यसनी तोडत...
पुणे विभागासाठी साडेपाच कोटींवर वृक्ष...पुणे  ः पर्यावरणाचे संतुलन अबाधित...
सोयाबीन उत्पादकांना पीकविम्याची रक्कम...मुंबई  : शासनाच्या विशेषतः कृषी विभागाच्या...
आमदार निधीतून दुष्काळग्रस्त भागासाठी...मुंबई  ः दुष्काळग्रस्त भागातील जनतेला आमदार...
साडेचौदा टन केशर, बदामी आंबा...मुंबई : वातावरण नियंत्रित करून फळाचे...