agriculture news in marathi, rabbi season may become in trouble, pune, maharashtra | Agrowon

पुणे जिल्ह्यात पावसाअभावी रब्बी अडचणीत येण्याची शक्यता
टीम अॅग्रोवन
रविवार, 7 ऑक्टोबर 2018

गेल्या चार महिन्यांत पुरेसा पाऊस झाला नाही. त्यामुळे ऊस पीके वाळत चालली आहेत. परतीच्या पावसाची अपेक्षा असून अजून तरी तो बरसलेला नाही. त्यामुळे रब्बी हंगामात पेरण्या होतील की नाही, याची शाश्वती कमीच आहे.  - विराज निगडे, शेतकरी, गोळुचे, ता. पुरंदर, जि. पुणे.

पुणे   ः पावसाचे चार महिने संपले तरीही जिल्ह्यातील बहुतांशी ठिकाणी पाऊस झालेला नाही. त्यातच अनेक वेळा पडलेल्या पावसाचा खंडाचा परिणाम खरीप पिकांवर झाला आहे. पावसाची स्थिती बघता रब्बी हंगाम अडचणीत येण्याची शक्यता आहे. त्यामुळे पूर्व भागातील शिरूर, पुरंदर, इंदापूर, बारामती, खेड, दौंड या तालुक्यांतील अनेक भागात रब्बी पेरण्या होण्याची शक्यता नसल्याचे चित्र आहे.   

पुणे जिल्हात जून ते सप्टेंबर या चार महिन्यांच्या कालावधीत ८१९.७ मिलिमीटर म्हणजेच ९६ टक्के पाऊस पडला आहे. खरीप हंगामातील सरासरी दोन लाख ३० हजार ८३० हेक्टर क्षेत्रापैकी एक लाख ६२ हजार ३७० हेक्टरवर म्हणजेच ७० टक्के क्षेत्रावर पेरणी झाल्याची नोंद कृषी विभागाकडे झाली.

मात्र, जुलै, आॅगस्ट आणि सप्टेंबर या तीन महिन्यात पावसाच्या कालावधीत चांगलाच खंड पडला असून कमी कालावधीत अधिक पाऊस पडल्याचे चित्र होते. त्याचा परिणाम खरीप हंगामातील पिकांवर झाला आहे. चार महिन्यात झालेला बहुतांशी पाऊस हा पश्चिमेकडील भोर, वेल्हा, मावळ,मुळशी, जुन्नर, आंबेगाव, खेड या तालुक्यात झाला आहे. पूर्व पट्यातील खेड, हवेलीचा पूर्व भाग, शिरूर, दौंड, पुरंदर, बारामती, इंदापूर या तालुक्यात पावसाने अनेकवेळा हुलकावणी दिली.

अनेक ठिकाणी पावसाअभावी पिकांची वाढ खुंटली असून पीक उत्पादनात ४० टक्क्यांहून अधिक घट येण्याची शक्यता कृषी विभागाच्या सुत्रांनी वर्तविली आहे. जिल्ह्यात भात पीक निसवण्याच्या अवस्थेत असून अनेक ठिकाणी करपा रोगाचा प्रादुर्भाव झाला आहे. त्यातच पावसाचा खंडामुळे उत्पादनात २५ ते ३० टक्क्यांपर्यंत घट येण्याची शक्यता आहे.

खरिपात पुरेसा पाऊस झालेला नाही. त्यामुळे खरीप पिकांसह, उसावर हुमणीचा मोठा प्रादुर्भाव झाला आहे. त्यामुळे शेतकरी चांगलेच अडचणीत आले आहेत. रब्बी हंगामासाठी पुरेसे पाणी नसल्याने ज्वारी, हरभरा, गहू यासारख्या पिकांची पेरणी करणेही अवघड झाले आहे, असे मुखई (ता. शिरुर) येथील शेतकरी  नवनाथ गरूड यांनी सांगितले.

 

इतर ताज्या घडामोडी
केळी सल्लाकेळी पिकाची उत्तम वाढ व उत्पादनासाठी सरासरी किमान...
करडईवरील मावा किडीचे नियंत्रणकरडई हे रब्बी हंगामातील प्रमुख तेलबियापैकी...
रताळे उत्पादनवाढीसाठी ओडिशाचा...पेरू येथील आंतरराष्ट्रीय बटाटा केंद्राच्या...
सिंधुदुर्ग जिल्ह्यात गीर, साहिवाल...पुणे : सिंधुदुर्ग जिल्ह्यात दुग्ध आणि कुक्कुट...
औरंगाबाद जिल्ह्यात ४६९७ क्‍विंटल...औरंगाबाद : हमीभावाअंतर्गत औरंगाबाद जिल्ह्यात मका...
मराठवाड्यातील ५६९ गाव-वाड्यांना टॅंकरऔरंगाबाद : मराठवाड्यातील पाणीटंचाईचा सामना...
तुरीला ५००० पर्यंत दर, देशी वाणांना...जळगाव : खानदेशात तुरीची मळणी अनेक भागात सुरू झाली...
टँकरऐवजी पाइपलाइनने पाणीपुरवठा करा :...नागपूर : अपुऱ्या व अनियमित पावसामुळे जिल्ह्यातील...
दिल्लीतील व्यावसायिकांनी फळबागा...नगर : नगर जिल्ह्यामधील पाथर्डी तालुक्‍यातील तीव्र...
सातारा जिल्ह्यातील धरणांत अल्प साठासातारा : जिल्ह्यातील प्रमुख धरणांत गतवर्षीच्या...
नाशिक जिल्हा बँकेत खडखडाट तरी सचिवांना...नाशिक : एकीकडे सभासदांना पुरेशी रक्कम देण्यास...
कर्जमाफीची प्रक्रिया थंडावल्याने...सोलापूर : शेतमालाचे कोसळलेले दर, कर्जमाफी होऊनही...
योग्य पद्धतीने करा दालचिनी काढणीनोव्हेंबर ते मार्च या कालावधीत दालचिनी काढणीचा...
परभणीत फ्लॅावर प्रतिक्विंटल ४०० ते ७००...परभणी ः येथील जुना मोंढा भागातील फळे भाजीपाला...
भाजपची राष्ट्रीय परिषद ११ जानेवारीपासूननवी दिल्ली ः भारतीय जनता पक्षाच्या राष्ट्रीय...
यंत्रमाग १ तर प्रोसेस, सायझिंगला २...मुंबई  ः महाराष्ट्र राज्याचे वस्त्रोद्योग...
अटी, शर्ती काढल्या तरच कर्जमाफीचा फायदा नगर : सरकारच्या चुकीच्या धोरणामुळे कर्ज झाले आहे...
कर्जासाठी शेतकऱ्याचा बॅंकेसमोर मृत्यू...मुंबई : कर्जाच्या मागणीसाठी शेतकऱ्यांना स्टेट...
ग्रामपंचायतीच्या ८०० सदस्यांचे सदस्यत्व...सोलापूर : निवडणूक निकालानंतर सहा महिन्यांच्या आत...
प्रतापगडावर शिवप्रताप दिन उत्साहातसातारा : ढोल-ताशांचा रोमांचकारी गजर, छत्रपती...