agriculture news in marathi, rabbi season may in trobule due to lack of rain, pune, maharashtra | Agrowon

पुणे जिल्ह्यात पावसाच्या ओढीने रब्बीवर संकट
टीम अॅग्रोवन
गुरुवार, 27 सप्टेंबर 2018

सप्टेंबरमध्ये होणाऱ्या पावसावर २५ ते ३० टक्के रब्बी ज्वारीच्या पेरण्या उरकतात. यंदा पावसाअभावी अद्याप पेरण्या सुरू झालेल्या नाहीत. पाणी नसल्याने डाळिंब, पेरू, द्राक्ष यांसह फळबागा राखणेही अवघड हाेणार आहे. पावसाळ्यात उपलब्ध होणारा ओला चारा नसल्याने जनावरांसाठी तीस किलोमीटर अंतरावरून चारा विकत आणावा लागत आहे. त्यामुळे शेतकरी सर्व बाजूने कात्रीत सापडला आहे.  
- माणिक बरळ, कचरवाडी, निमगाव केतकी, ता. इंदापूर, जि. पुणे

पुणे  : यंदाच्या पावसाळ्यात जिल्ह्याच्या पश्‍चिम भागात धो-धो बरसणाऱ्या पावसाने पूर्व भागातील कोरडवाहू पट्ट्यात मोठी ओढ दिली आहे. बारामती, इंदापूर, दौंड, पुरंदर या तालुक्यांसह जिल्ह्याच्या दुष्काळी भागात रब्बी हंगामातील पिके घेतली जातात. मात्र सप्टेंबर महिन्यात पावसाने मोठी ओढ दिली असून, या भागात तर अवघे तीन दिवस पावसाने हजेरी लावली आहे. एेन पेरणीच्या काळात पावसाने दडी मारली असल्याने रब्बीवरही संकट ओढवण्याची भीती आहे.

जून, जुलै आणि ऑगस्ट महिन्यांत घाटमाथ्यावर झालेल्या पावसाने जिल्ह्यातील सर्वच धरणे ओव्हर फ्लो झाली. मात्र कोरडवाहू पट्ट्यात पावसाअभावी ढेकळेही फुटली नाहीत. सप्टेंबर महिन्यात जिल्ह्यातील सर्वच तालुक्यांमध्ये पावसाने दडी मारली. मुळशी तालुक्यात ७ दिवस, भोर, वेल्हा, जुन्नर या तालुक्यांत पाच दिवस, मुळशी, खेड, शिरूर या तालुक्यांमध्ये चार दिवस, तर बारामती, दाैंड, पुरंदर, इंदापूर या तालुक्यांत तीन दिवस तर हवेली तालुक्यात अवघा एक दिवस दखलपात्र पावसाची नोंद झाल्याचे कृषी विभागातर्फे सांगण्यात आले

पाऊस थांबल्याने भात, सोयबीन, भुईमुगासह खरीप पिकांना फटका बसणार आहे. दुसरीकडे कोरडवाहू भागात अपुऱ्या पावसामुळे पाणीटंचाई भासू लागली आहे. उन्हाची ताप वाढत असल्याने तेथील फळबागांवरही परिणाम होत आहे. सप्टेंबरअखेरपर्यंत जवळपास तीस टक्के रब्बीच्या पेरण्या उरकतात. यंदा मात्र पेरण्या खेळंबल्या अाहेत. माॅन्सूनचा परतीचा प्रवास सुरू होणार असून, या काळात पडणाऱ्या पावसाकडे शेतकऱ्यांचे डोळे लागले आहेत.  

 

पुणे जिल्ह्यात सप्टेंबर महिन्यात पडलेला पाऊस, मिलिमीटमध्ये (स्रोत - कृषी विभाग)
तालुका   झालेला पाऊस टक्केवारी पाऊस दिवस
हवेली ९.९ ७.६
मुळशी  ७०.९ ४३ 
भोर  ४८.२ ३७.२
मावळ ८५.४  ५६.४  ७
वेल्हे  ६२.१ २४
जुन्नर  ३५.४ ३१.२
खेड २४.२  १७.७  ४
शिरूर २२.८ १७.४
बारामती ४०.६ २७
इंदापूर २३.६ १६.२
दौंड  १६.१  १२.३
पुरंदर २२.४ २०

 

इतर ताज्या घडामोडी
शिवकुमार स्वामी यांचे १११व्या वर्षी...बंगळूर : तुमकुरू येथील सिद्धगंगा मठाचे प्रमुख,...
आयटीसीचे ‘ई चौपाल’ आता येणार मोबाईलवरग्रामीण भागाला डिजिटल करण्याच्या उद्देशाने दोन...
पुण्यात भाजीपाल्याची आवक कमी; दर स्थिरपुणेः गुलटेकडी येथील कृषी उत्पन्न बाजार...
...तर भविष्यात निवडणुका होणारच नाहीत :...कासेगाव, जि. सांगली : देशाचे पंतप्रधान नरेंद्र...
नाशिक जिल्ह्यात पाण्यासाठी गावे पाहतात...येवला, जि. नाशिक : यंदा दुष्काळाच्या माहेरघरांसह...
द्राक्ष उत्पादकांची फसवणूक टाळण्यासाठी...सांगली ः  दादा... द्राक्षांची विक्री करताना...
पंजाब गारठलेले; काश्‍मीरला दिलासाश्रीनगर/चंडीगड : पंजाब आणि हरियानातील...
शेवगाव, वैजू बाभूळगाव येथे लोकसहभागातून...नगर   ः दुष्काळाने होरपळ सुरू असताना...
पुरस्कारप्राप्त शेतकऱ्यांनी आपले ज्ञान...बारामती, जि. पुणे  ः ज्याप्रमाणे...
पुणे विभागात ४२६२ शेततळ्यांची कामे पूर्णपुणे  ः दुष्काळी स्थितीत फळबागा, पिकांसाठी...
फसव्या भाजप सरकारला हद्दपार करा ः धनंजय...वरवट बकाल, जि. बुलडाणा   ः भाजप सरकारने...
कृषिक प्रदर्शनाला दिली दोन लाखांवर...बारामती, जि. पुणे  ः गेल्या चार दिवसांत दोन...
सरकारचे अपयश लोकांसमोर प्रभावीपणे...नगर   ः सरकार कामे करण्यापेक्षा घोषणा...
रस्ते विकासासाठी ३० हजार कोटींचा निधी...कोल्हापूर  : राज्यात रस्ते विकासाचा भरीव...
प्रकाश संश्लेषणातून जीएम भात उत्पादनात...भात पिकामध्ये होणारी प्रकाश संश्लेषणाची क्रिया...
मराठवाड्यातील पाणीसाठे तळालाऔरंगाबाद : मराठवाड्यातील दुष्काळाचं संकट...
अकोल्यात आंतरविद्यापीठ कर्मचारी क्रीडा...अकोला ः सुवर्ण जयंती क्रीडा महोत्सवातंर्गत येथे...
‘कर्जाची वरात मुख्यमंत्र्यांच्या दारात...नागपूर  ः शेतकऱ्यांचा सात-बारा उतारा सरसकट...
`सेवाकर प्रश्न मिटेपर्यंत सांगलीत...सांगली   : मुंबईत भाजप कार्यालयातील...
पुणे जिल्ह्यात गव्हाचे क्षेत्र ४१ हजार...पुणे  ः जमिनीत ओल नसल्याने यंदा रब्बी...