साताऱ्यात रब्बीसाठी एक लाख टन खतांची मागणी

संग्रहित छायाचित्र
संग्रहित छायाचित्र

सातारा  ः जिल्ह्यात रब्बी हंगामासाठी ३५ हजार ७२८ क्विंटल बियाण्यांची मागणी करण्यात आली होती. तसेच एक लाख आठ हजार ९४० मेट्रिक टन खतांची मागणी करण्यात आली असल्याची माहिती जिल्हा परिषद कृषी विभागाच्या सूत्रांनी दिली आहे. जिल्ह्यात रब्बी ज्वारी पेरणीस प्रारंभ झाला आहे.  

जिल्ह्यात रब्बी हंगामास पोषक वातावरण होण्यासाठी पावसाची गरज निर्माण झाली आहे. रब्बीत दोन लाख ६२ हजार ४८५ हेक्‍टर क्षेत्रावर पेरणी होईल, असा कृषी विभागाचा अंदाज आहे. त्या दृष्टीने बियाणे व खतांचे नियोजन करण्यात आले आहे. माण, खटाव, कोरेगाव, फलटण व खंडाळा या दुष्काळी तालुक्‍यांचा रब्बी हा प्रमुख हंगाम असल्याने या तालुक्‍यांत सर्वाधिक पेरणी होणार आहे.

पिकांमध्ये रब्बी ज्वारीची सर्वाधिक एक लाख ६७ हजार हेक्‍टर क्षेत्रावर पेरणी होण्याचा अंदाज असल्याने ४१७५ क्विंटल बियाण्यांची मागणी करण्यात आली होती.गहू पिकाची ४३ हजार ६०० हेक्टरवर पेरणी होण्याचा अंदाज असून त्यासाठी २१ हजार ८०० क्विंटल बियाण्याची मागणी करण्यात आली आहे. हरभऱ्याची ३४ हजार ३०० हेक्टरवर पेरणी होण्याचा अंदाज असून ६४३१ क्विंटल मागणी करण्यात आली आहे.

कृषी विभागाकडून रब्बी हंगामासाठी एक लाख ८ हजार ९४० मेट्रिक टन रासायनिक खताची मागणी करण्यात आली आहे. यामध्ये युरिया, डीएपी, एमओपी, एसएसपी यांचा समावेश आहे. परतीचा पावसाचा फायदा होण्याच्या दुष्टीने रब्बी ज्वारीच्या पेरण्यास प्रारंभ झाला आहे. पूर्वहंगामी ऊस लागवडदेखील शेतकरी करीत आहेत.  

प्रमुख खते व मागणी (मेट्रीक टन)
खते मागणी
युरिया  ४१,९२०
डीएपी ९०१०
एमओपी ८१००
एनपीके ३६,७४०
एसएसपी १३,१७०

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com