ग्राम बीजोत्पादनासाठी रब्बीत २३ कोटी ५७ लाखांचे अनुदान

ग्राम बीजोत्पादनासाठी रब्बीत २३ कोटी ५७ लाखांचे अनुदान

अकोला : गेल्या रब्बी हंगामात महाबीजच्या पुढाकाराने राज्यात राबवलेल्या ग्रामबीजोत्पादन योजनेअंतर्गत शेतकऱ्यांना सुमारे २३ कोटी ५७ लाखांचे अनुदान वितरित करण्यात अाल्याची माहिती सूत्रांनी दिली. राज्यातील सुमारे तीन लाखांवर शेतकऱ्यांना या योजनेचा फायदा देण्यात अाला.  महाबीजच्यावतीने खरीप तसेच रब्बी हंगामात ग्रामबीजोत्पादन कार्यक्रम राबवला जातो. यासाठी केंद्राचे ६० टक्के अाणि राज्याचा ४० टक्के वाटा असतो. नुकत्याच झालेल्या रब्बीत गहू, हरभरा, भुईमूग या तीन प्रमुख पिकांसाठी ग्रामबीजोत्पादन योजना राबवण्यात अाली होती. हे बीजोत्पादन घेण्यासाठी महाबीजचे या तीनही पिकांचे एक लाख सहाशे क्विंटल बियाणे उपलब्ध करून दिले होते. राज्यात १६ हजार ६९७ गावांत योजनेची अंमलबजावणी करण्यात अाली. या गावांमधील गहू, हरभरा अाणि भुईमूग उत्पादन काढणाऱ्या तीन लाख एक हजार ५३० शेतकऱ्यांना २३ कोटी ५७ लाख रुपये अनुदान दिले गेले. या माध्यमातून रब्बीसाठी लाखो क्विंटल बियाणे महाबीजकडे उपलब्ध होणार अाहे. अागामी खरिपात ग्राम बीजोत्पादन योजना सोबायीन अाणि धान या पिकांसाठी राबवली जाणार अाहे. या दृष्टीने महाबीजने केंद्राकडे प्रस्तावसुद्धा सादर केला. हा प्रस्ताव मंजूर होण्याची शक्यता असल्याने शेतकऱ्यांना अनुदानित दरात बियाणे उपलब्ध होऊ शकते. शेतकरी स्वतः बियाणे उत्पादन करू शकतात. त्यासाठी ही योजना महत्त्वाची अाहे.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com