agriculture news in Marathi, rabbi sowing decline by 20 percent, Maharashtra | Agrowon

रब्बी पेरणी २० टक्क्यांनी घटली
कोजेन्सिस वृत्तसेवा
सोमवार, 12 नोव्हेंबर 2018

नवी दिल्ली ः देशातील बहुतांशी भागात यंदाच्या मॉन्सून हंगामात पावसाने पाठ फिरविली. काही ठिकाणी सुरवातीपासूनच पाऊस झाला नाही, तर अनेक ठिकाणी शेतातून पाणीसुद्धा वाहिले नाही. परतीच्या पावसानेही निराशा केली. त्यामुळे रब्बी पेरणीसाठी जमिनीत ओलावा नसल्याने पेरण्या रखडल्या आहेत. देशात रब्बीच्या आतापर्यंत १११ लाख हेक्टरवर पेरण्या झाल्या असून, सरासरी क्षेत्रापेक्षा २० टक्के कमी पेरणी झाली आहे, अशी माहिती केंद्रीय कृषी मंत्रालयाच्या सूत्रांनी दिली.

नवी दिल्ली ः देशातील बहुतांशी भागात यंदाच्या मॉन्सून हंगामात पावसाने पाठ फिरविली. काही ठिकाणी सुरवातीपासूनच पाऊस झाला नाही, तर अनेक ठिकाणी शेतातून पाणीसुद्धा वाहिले नाही. परतीच्या पावसानेही निराशा केली. त्यामुळे रब्बी पेरणीसाठी जमिनीत ओलावा नसल्याने पेरण्या रखडल्या आहेत. देशात रब्बीच्या आतापर्यंत १११ लाख हेक्टरवर पेरण्या झाल्या असून, सरासरी क्षेत्रापेक्षा २० टक्के कमी पेरणी झाली आहे, अशी माहिती केंद्रीय कृषी मंत्रालयाच्या सूत्रांनी दिली.

केंद्रीय कृषी मंत्रालयाने यंदाच्या रब्बी हंगामात १ हजार ४२५ लाख टन अन्नधान्य उत्पादनाचा अंदाज जाहीर केला आहे. देशातील अनेक राज्यांमध्ये यंदाच्या पावळ्यात बहुतेक ठिकाणी दुष्काळी स्थिती आहे. तर, अनेक ठिकाणी अत्यल्प पाऊस झाला. यंदाच्या मॉन्सूनच्या काळात भारतीय हवामान विभागाने वर्तविलेल्या अंदाजापेक्षा ९ टक्के कमी झाला आहे.

वर्तविलेला पाऊस आणि अंदाज यामध्ये मोठी तफावत असल्याने स्थिती बिकट बनली आहे. यंदा मॉन्सूनच्या काळात देशात होणाऱ्या पावसाची सरासरी ८८७.५ मिलिमीटर असताना ८०४ मिलिमीटर पाऊस झाला, अशी माहिती भारतीय हवामान विभागाने दिली आहे. यंदा हवामान विभागाने देशात सरासरीच्या ९७ टक्के पाऊस होईल, असा अंदाज वर्तविला होता. 

कडधान्य, भरडधान्याची पेरणी कमीच
रब्बीतील तेलबियांची पेरणी मागील वर्षीच्या तुलनेत ९ टक्क्यांनी घटून ३७.१ लाख हेक्टरवर पेरणी झाली आहे. तसेच, खरिपातील महत्त्वाचे उत्पादन असणाऱ्या अन्नधान्याची पेरणी २० टक्क्यांनी घटली असून, आतापर्यंत १५.२ लाख हेक्टवर पेरणी झाली आहे. कडधान्य पेरणीतही २८ टक्के घट झाली आहे. कडधान्याची आतापर्यंत ३९.२ लाख हेक्टरवर पेरणी झाली आहे. तसेच, रब्बीतील हरभरा, तूर, वाटाणा, मूग आणि उडीद या कडधान्यांची पेरणी घटली आहे.

६७ टक्के जलसाठा 
मॉन्सूच्या काळात चांगला पाऊस झाला नसल्याने त्याचा परिणाम जलाशयांतील पाणीसाठ्यावर झाला आहे. देशातील महत्त्वाच्या ९१ जलाशयांमध्ये १०७.८८ अब्ज घनमीटर पाणीसाठा आहे. जलाशयांच्या एकूण क्षमतेच्या हा पाणीसाठा ६७ टक्के आहे, अशी माहिती केंद्रीय जल आयोगाने प्रसिद्ध केलेल्या आकडेवारीतून मिळाली. हा पाणीसाठा मागील वर्षीच्या तुलनेत १.९ टक्क्यांनी अधिक आहे.  मध्य भारतातील उत्तर प्रदेश, उत्तराखंड, मध्य प्रदेश आणि छत्तीसगड या राज्यांमध्ये ३१.४७ अब्ज घनमीटर पाणीसाठा आहे. एकूण क्षमेतेच्या ७४ टक्के पाणीसाठा आहे. उत्तर भारतातील हिमाचल प्रदेश, पंजाब आणि राज्यस्थान या राज्यांमध्ये एकूण क्षमतेच्या ८५ टक्के पाणीसाठा असून, मागील वर्षीच्या तुलनेत तो अधिक आहे. दक्षिण भारतातील आंध्र प्रदेश, तेलंगणा, कर्नाटक, केरळ आणि तामिळनाडू या राज्यांध्ये ६१ टक्के साठा आहे. मागील वर्षी ६४ टक्के पाणीसाठा होता. पूर्व भारतातील झारखंड, ओडिशा, पश्‍चिम बंगाल आणि त्रिपुरा राज्यांत ७० टक्के पाणीसाठा आहे. तर, पश्‍चिम भारतातील गुजरात आणि महाराष्ट्र या राज्यांमध्ये केवळ ५३ टक्के पाणीसाठा आहे.

देशातील पीकनिहाय झालेली पेरणी (लाख हेक्टरमध्ये)

पीक  २०१८-१९ २०१७-१८
गहू  १५.१९ १२.६५
भात  ५.२४  ७.६६
कडधान्य  ३९.०५ ५४.३४
भरडधान्य १४.१४  २२.६५
तेलबिया ३७.०९ ४०.८६
एकूण  ११०.७१ १३८.१६

 

इतर अॅग्रो विशेष
वृक्ष होऊन जगू यामागील आठवड्यात असाच एक मुलाखतीचा सुंदर, कार्यक्रम...
एकत्र या, निर्यात वाढेलकेंद्रात मोदी सरकार सत्तेत आल्यापासून शेतमाल...
राज्यात कांदा उत्पादकांचा आक्रोश... पुणे ः राज्यातील विविध बाजार समित्यांमध्ये...
रोजगाराच्या शोधात गेलेल्या १२ जणांचा...महागाव, जि. यवतमाळ : कापूस वेचणीसाठी गेलेल्या...
देशभरात ४१४ लाख हेक्टरवर रब्बी पेरणी नवी दिल्ली ः देशात अनेक ठिकाणी दुष्काळी...
संत्रा बाग छाटणी सयंत्र ठरतेय केवळ...नागपूर ः शेतकऱ्यांना पूरक तंत्रज्ञान देण्यात...
होय... सरकीपासून चॉकलेट, कुकीज नागपूर : सरकीपासून ढेप आणि तेल मिळते ही झाली...
पीकपद्धतीनूसार बहुविध यंत्रांचा...हंगामी व वार्षिक नगदी पिके व फळपिके अशा बहुविध...
विदर्भात गारपिटीचा अंदाजपुणे : पूर्वेकडून वाहत असलेल्या उष्ण वाऱ्यांमुळे...
गाळपेर क्षेत्रातून उपलब्ध होणार ३४ लाख...पुणे ः राज्यातील दुष्काळी परिस्थितीच्या...
कपाळावर कंकू नसेल; पण मनगटात ताकद आहे...शेतकरी मोर्चाच्या बॅनरपासून ते पहिल्या रांगेत...
जिवापाड जपलेल्या बागा आता जगवाव्यात कशा?नगर ः पाणी उपलब्ध नसल्याने फळबागा अडचणीत आल्या...
भातपीक करते शेतातून वाहणाऱ्या पाण्याचे...सध्या पाण्याच्या प्रवाहातून येणाऱ्या घटकांमुळे...
'फरदड'मुक्तीसाठी राज्यात २१ हजार...पुणे : राज्यात कपाशीचे उत्पादन घेणाऱ्या २१ हजार...
बोगस मिश्रखत विक्री प्रकरणी कंपनीमालक,...पुणे : शेतकऱ्यांना बोगस मिश्रखताचा पुरवठा...
शेडनेट, पॉलिहाउससाठी एक एकरापर्यंत...पुणे : हरितगृह, पॉलिहाउसला मागणी वाढत असल्याने...
दुष्काळ सहनशील १८ ऊस वाणांची चाचणीनवी दिल्ली ः महाराष्ट्रासाठी कमी पाण्यावर...
कर्जमाफीचे सतरा हजार कोटी शेतकऱ्यांच्या...मुंबई : छत्रपती शिवाजी महाराज शेतकरी सन्मान...
विदर्भात पावसाचा अंदाजपुणे: मध्य महाराष्ट्रात असलेल्या द्रोणीय...
सोलापूरच्या शेतकऱ्याची सांगलीत...सांगली : डाळिंब घ्या... डाळिंब, शंभर रुपयाला चार...