agriculture news in marathi, rabbi sowing stop due to return mansoon | Agrowon

परतीच्या पावसाने रब्बी पेरणीचा खोळंबा
माणिक रासवे
सोमवार, 16 ऑक्टोबर 2017

परभणी : नांदेड, परभणी, हिंगोली जिल्ह्यांमध्ये परतीचा पावासामुळे रब्बीच्या पेरणीचा खोळंबा झाला आहे. मुसळधार पावसामुळे पेरणी केलेल्या ज्वारी, करडई पिकांची उगवण व्यवस्थित झालेली नाही. त्यामुळे दुबार पेरणी करावी लागणार आहे. काही भागात अजूनही जमिनीत पुरेसा ओलावा उपलब्ध नसल्यामुळे पेरणी सुरू करता आलेली नाही. तर अतिवृष्टी झालेल्या भागात वाफसा नसल्यामुळे पेरणी लांबणीवर पडली आहे.

परभणी : नांदेड, परभणी, हिंगोली जिल्ह्यांमध्ये परतीचा पावासामुळे रब्बीच्या पेरणीचा खोळंबा झाला आहे. मुसळधार पावसामुळे पेरणी केलेल्या ज्वारी, करडई पिकांची उगवण व्यवस्थित झालेली नाही. त्यामुळे दुबार पेरणी करावी लागणार आहे. काही भागात अजूनही जमिनीत पुरेसा ओलावा उपलब्ध नसल्यामुळे पेरणी सुरू करता आलेली नाही. तर अतिवृष्टी झालेल्या भागात वाफसा नसल्यामुळे पेरणी लांबणीवर पडली आहे.

यंदाच्या रब्बी हंगामात नांदेड जिल्ह्यात २ लाख २५ हजार हेक्टर, परभणी जिल्ह्यात २ लाख ८८ हजार १३२ हेक्टर आणि हिंगोली जिल्ह्यात १ लाख २७ हजार हेक्टर अशी एकूण ६ लाख ४० हजार १३२ हेक्टरवर पेरणी प्रस्तावित आहे. ज्वारी, करडई, हरभरा, गहू ही प्रमुख पिके घेतली जातात.

साधारणतः सप्टेंबरचा शेवटचा आठवडा ते आॅक्टोबरच्या पहिल्या पंधरवाड्यात ज्वारी, करडई, हरभरा आदी पिकांची पेरणी केली जाते. यंदाच्या हंगामात परभणी, हिंगोली तसेच नांदेड जिल्ह्यातील अनेक तालुक्यांत खरिपात नापेर राहिलेल्या जमिनीवर, मूग, उडदाच्या काढणीनंतर मोकळ्या झालेल्या जमिनीवर तसेच अनेक शेतकऱ्यांनी सोयाबीनच्या काढणीनंतर जमिनीतील ओलावा उडून जाऊ नये यासाठी पेरणीपूर्व मशागत न करता ज्वारी, करडई, हरभरा आदी पिकांची पेरणी केली.

परंतु गेल्या आठवड्यामध्ये परतीचा पाऊस सुरू झाल्यामुळे पेरणी थांबवावी लागली. काही भागांत हलक्या ते मध्यम स्वरूपाचा पाऊस ज्वारी आदी पिकांच्या उगवणीसाठी पोषक ठरला आहे. परंतु मुसळधार पाऊस झालेल्या भागात पेरणी केलेल्या जमिनीवरून पाणी वाहिले. त्यामुळे मातीसोबत बियाणे वाहून गेले. गाळाचा थर जमा झाल्यामुळे ज्वारीची उगवण झालेली नाही. पाणी साचून राहिल्यामुळे मर लागून ज्वारीचे पीक विरळ झाले आहे.

पाणी साचून राहिल्यामुळे नुकत्याच उगवू लागलेलया करडईच्या पिकास मर लागली आहे. त्यामुळे या शेतकऱ्यांना ज्वारी, करडईची दुबार पेरणी करावी लागणार आहे. दुसरीकडे यंदा पावसाळ्यात अत्यंत कमी पाऊस पडलेल्या हदगाव (ता. पाथरी) मंडळातील अनेक गावाशिवारात परतीच्या पावसाचे प्रमाणदेखील कमीच आहे.

पेरणीसाठी अद्यापही पुरेसा ओलावा उपलब्ध झालेला नाही. जायकवाडीच्या डाव्या कालव्याचे पाणीदेखील शेवटच्या टोकापर्यंतच्या शेतकऱ्यांपर्यंत पोचत नाही. त्यामुळे पेरणीसाठी जमीन ओलविता येत नाही. त्यामुळे पेरणी खोळंबली आहे.

नांदेड, परभणी, हिंगोली जिल्ह्यांत अनेक गावशिवारांत रब्बीची पेरणी झाली आहे. परंतु कृषी विभागाचे अधिकारी, कर्मचारी वर्ग निवडणुकांच्या कामात व्यस्त असल्यामुळे रब्बीचे पेरणी अहवाल उपलब्ध होत नाहीत. शनिवार (ता.१४) पर्यंत हिंगोली जिल्ह्यात ज्वारी ३३६ हेक्टर, हरभरा ५२७ हेक्टर, करडई ८ हेक्टर एवढी पेरणी झाली असल्याचे कृषी विभागाच्या सूत्रांनी सांगितले.

 

सहा एकर ज्वारी पेरणी केली होती. परंतु मुसळधार पावसामुळे त्यापैकी ७५ टक्के क्षेत्रावरील ज्वारी उगवण झाली नाही. दुबार पेरणी करावी लागणार आहे.
नामदेव कोक्कर,
शेतकरी, मानवत, जि. परभणी

यंदा आमच्या भागात अत्यंत कमी पाऊस झाला. खरीप हंगाम वाया गेला. परतीचा पाऊसही कमीच आहे. जायकवाडीच्या कालव्याचे पाणीदेखील जमीन ओलिण्यासाठी मिळत नाही. त्यामुळे अजून पेरणी सुरू केली नाही.
रामचंद्र चवरे, शेतकरी, केदार वस्ती (वरखेड), ता. पाथरी, जि. परभणी

 

 

इतर ताज्या घडामोडी
जळगाव जिल्ह्यात नवती केळीचे दर स्थिरजळगाव ः जिल्ह्यात नवती केळीचे दर मागील आठवड्यात...
कोल्हापुरात फळांची आवक मंदावली,...कोल्हापूर : येथील कृषी उत्पन्न बाजार समितीत या...
कळमणा बाजारात सोयाबीनच्या दरात वाढनागपूर ः सोयाबीनच्या दरात अल्पशी वाढ वगळता कळमणा...
नाशिकला टोमॅटोची आवक वाढली; कांदा,...नाशिक : नाशिक बाजार समितीत गतसप्ताहात टोमॅटोची...
कपाशीतील किडींचे एकात्मिक नियंत्रणसध्या कपाशीचे पीक पाते, फुले व बोंड लागण्याच्या...
सांगली जिल्ह्यात सेंद्रिय शेतमालाला हवी...सांगली जिल्ह्यामध्ये सेंद्रिय शेतीमाल विक्री...
नाशिक जिल्ह्यात सेंद्रिय शेतीची वाटचाल...नाशिक जिल्ह्यात सेंद्रिय शेतीचे तीन वर्षांपूर्वी...
नाशिक, निफाड कारखाना भाड्याने देण्याचा...नाशिक : कर्जबाजारी व आर्थिक डबघाईमुळे गेल्या काही...
अकोला, बुलडाण्यात पीक कर्जवाटप ३०...अकोला  ः शेतकऱ्यांना खरीप हंगामासाठी पीक...
गोंदियातील कृषी सेवा केंद्रे लावणार...गोंदिया   ः जमिनीची गरज ओळखूनच खताची मात्रा...
साताऱ्यात पावसाअभावी पिके करपू लागलीसातारा  : जिल्ह्यात सुमारे एक महिन्यापासून...
नगर जिल्ह्यात पावसाअभावी कांदा लागवड...नगर  ः जिल्हाभरात पावसाअभावी कांदालागवड...
वाशीममध्ये रब्बीत हरभऱ्याचे क्षेत्र...वाशीम  ः या हंगामात जिल्ह्यात चांगला पाऊस...
खरेदी केंद्र सुरू करण्याच्या मागणीसाठी...सातारा  : शेतीमाल खरेदी केंद्रे त्वरित सुरू...
संघर्ष गोकुळ ‘मल्टिस्टेट’चाकोल्हापूर जिल्हा दूध संघ (गोकुळ) मल्टिस्टेट...
'दारुमुळे दरवर्षी अडीच लाखापेक्षा जास्त...नवी दिल्ली- दारूमुळे दरवर्षी जवळपास अडीच...
जालन्यात पाण्यात बुडून तिघांचा मृत्यूजालना : गणपती बाप्पांचे विसर्जन करताना जालना...
शिखर, रोहितने पाकला धुतले; भारत अंतिम...दुबई : पाकिस्तानने उभारलेल्या 237 धावांचा सहजी...
खानदेशात मध्यम पाऊस; नंदुरबारला हुलकावणीजळगाव : खानदेशात शुक्रवारी (ता.२१) मध्यरात्री व...
पुणे जिल्ह्यात ढगाळ हवामानपुणे  : जिल्ह्यात आठवड्याच्या सुरवातीला...