agriculture news in marathi, Rabi crops growth in Jalgaon district | Agrowon

जळगाव जिल्ह्यात रब्बी पिके जोमात
टीम अॅग्रोवन
बुधवार, 3 जानेवारी 2018

जळगाव : जिल्ह्यात रब्बी हंगामाची स्थिती बरी आहे. मात्र धुळे व नंदुरबार जिल्ह्यात मात्र रब्बी पेरणी शंभर टक्के क्षेत्रावर होऊ शकली नसल्याची माहिती आहे. यातच कमी पाणी व कमी खर्चाचे पीक म्हणून शेतकरी हरभऱ्याकडे अधिक वळल्याचे चित्र यंदा आहे.

जळगाव : जिल्ह्यात रब्बी हंगामाची स्थिती बरी आहे. मात्र धुळे व नंदुरबार जिल्ह्यात मात्र रब्बी पेरणी शंभर टक्के क्षेत्रावर होऊ शकली नसल्याची माहिती आहे. यातच कमी पाणी व कमी खर्चाचे पीक म्हणून शेतकरी हरभऱ्याकडे अधिक वळल्याचे चित्र यंदा आहे.

सध्या विजेसह पाण्याची समस्या आहे. पाऊस यावल, शहादा, चोपडा, शिरपूर आदी सातपुड्यालगतच्या भागातही हवा तसा नव्हता. त्यामुळे या भागातील मक्‍याचे क्षेत्र कमी झाले. कारण मक्‍याला अधिक पाणी आवश्‍यक असते. या भागातील मका पिकाची जागा हरभऱ्याने घेतली असून, संकरित प्रकारचे दोनतीनदा सिंचन केल्यानंतर जोमात येणारे हरभऱ्याचे वाण या भागात पेरण्यात आले आहे.

ऑक्‍टोबरमध्ये जळगाव जिल्ह्यात चोपडा, यावल, जळगाव, मुक्ताईनगर व अमळनेरचा तापीकाठ आदी भागात काळ्या कसदार जमिनीत बऱ्यापैकी ओलावा होता. त्यामुळे दिवाळीनंतरच दादर(ज्वारी)ची पेरणी झाली. दादर निसवली असून, थंडीमुळे अनुकूल स्थिती आहे. दादरसह हरभराही जोमात आहे. तर गव्हाची पेरणी अपेक्षेपेक्षा कमी झालेली असली तरी पीक बऱ्यापैकी आहे.

जळगाव जिल्ह्यात गव्हाची सुमारे २९ हजार हेक्‍टरवर पेरणी झाली आहे. तर दादरची २३ हजार हेक्‍टरवर पेरणी झाली. मक्‍याची सुमारे ४० हजार हेक्‍टरवर पेरणी झाली असून, हरभऱ्याची सर्वाधिक ९० हजार हेक्‍टरवर पेरणी झाली. सूर्यफूल, करडई यांचे क्षेत्र नगण्य आहे. बाजरीची पेरणीही काही भागात सुरू झाली आहे. रब्बीची ९५ टक्के पेरणी जळगाव जिल्ह्यात झाली.

धुळे व नंदुरबारात हरभऱ्याची अनुक्रमे २८ व २७ हजार हेक्‍टरवर पेरणी झाली. धुळ्यात गव्हाची सुमारे साडेसात हजार हेक्‍टरवर पेरणी झाली असून, नंदुरबारातही सात हजार हेक्‍टरवर पेरणी आहे. नंदुरबारमधील शहादा, धुळयातील शिरपूर, धुळे व शिंदखेडा भागात दादरची बऱ्यापैकी पेरणी झाली आहे. धुळ्यात दादरची पेरणी सुमारे १३ हजार हेक्‍टरवर तर नंदुरबारातही चार हजार हेक्‍टरवर पेरणी झाली आहे. नंदुरबारात मक्‍याची पेरणी सुमारे १२ हजार हेक्‍टरवर तर धुळ्यात मक्‍याची पेरणी सुमारे ११ हजार हेक्‍टरवर झाली आहे. परंतु धुळ्यासह नंदुरबारात रब्बी पेरणीचा लक्ष्यांक १०० टक्के गाठण्यात यश आलेले नाही. धुळ्यात ७२ टक्के तर नंदुरबारात सुमारे ६० टक्के क्षेत्रावरच पेरणी झाल्याची माहिती सूत्रांनी दिली.

यंदा आमच्या भागात हरभरा अधिक आहे. पाऊस कमी असल्याने विहिरींना पाणी नाही. त्यामुळे कमी पाण्याचे पीक म्हणून हरभऱ्याची पेरणी झाली आहे.
- पुरुषोत्तम पटेल,
शेतकरी, शहादा (जि. नंदुरबार)

दादरसह हरभऱ्याचे पीक आमच्या भागात जोमात आहे. सध्या थंडी असल्याने पिकांना अनुकूल वातावरण आहे. बाजरीची पेरणी सुरू झालेली नाही.
- संदीप नारखेडे,
शेतकरी, आसोदे (ता. जळगाव)

इतर बातम्या
शेतीमाल विक्रीसाठी १२ शेतकऱ्यांची नोंदणीसांगली ः सांगली जिल्ह्यातील शेतकऱ्यांना उडीद, मूग...
नांदेड, परभणी, हिंगोलीत मूग, उडदाला कमी...नांदेड ः नांदेड, परभणी, हिंगोलीतील कृषी उत्पन्न...
गिरणारे बाजारातील बेहिशेबी वसुलीला चापनाशिक : गिरणारे (ता. जि. नाशिक) येथील टोमॅटो...
सोलापुरात दूधदराच्या अनुदानाची...सोलापूर : सोलापूर जिल्ह्यातील दूध उत्पादकांना...
कडधान्य कवडीमोल दरात व्यापाऱ्यांच्या...जळगाव : कडधान्याचा हंगाम येऊन एक महिना झाला;...
आटपाडी, खानापुरातही मंत्र्यांचा धावता...सांगली : ते आले... त्यांनी पाहिलं... आणि पुढं...
सकाळी गारठा, तर दुपारी चटकापुणे : राज्यात कमाल तापमान पस्तीशीपार गेले...
नांदेड, परभणी, हिंगोली जिल्ह्यांत...नांदेड ः जमिनीत पुरेशा प्रमाणात ओलावा नसल्यामुळे...
कामगारांच्या प्रश्नी चाळीस साखर...सोलापूर  : सोलापूरसह उस्मानाबाद व लातूर...
मुग, उडीद विक्रीत शेतकऱ्यांना ३३०...पुणे ः शासनाची हमीभावाने खरेदीसाठी नोंदणीच सुरू...
भारतात ३६५ लाख गाठी कापूस होणारमुंबई ः भारतात मागील वर्षीच्या तुलनेत यंदा कापूस...
सरकारला दुष्काळचे गांभीर्य ः चंद्रकांत...नगर: राज्यात साधारण दोनशे तालुक्यांत दुष्काळसदृश...
खरिपात उत्पादनात घट; हमी दरही मिळेनाऔरंगाबाद : खरिपातील प्रमुख पिकांपैकी मूग, उडीद...
तासगाव बाजार समितीत बेदाण्याची आवक,...सांगली  ः दिवाळी सणाच्या पार्श्‍वभूमीवर...
नांदेड, हिंगोली, परभणीतील बारा...नांदेड   ः दुष्काळ व्यवस्थापन संहितेनुसार...
विसावी सिंचन परिषद अकोला येथे होणारसोयगाव, जि. औरंगाबाद   : येथे रविवारी (ता....
वऱ्हाडात मूग, उडदाला मिळतोय...अकोला  ः या हंगामात लागवड झालेल्या मूग,...
नगर जिल्ह्यात उडदाचे उत्पादन घटलेनगर  ः जिल्ह्यात यंदा सुरवातीपासून पाऊस...
‘स्वाभिमानी’च्या कार्यकर्त्यांनी दाखवले...नगर  : शेतकऱ्यांना दुधाला पाच रुपये अनुदान...
पीक कापणी प्रयोग अहवालानंतर...बुलडाणा   ः कमी पाऊस तसेच पावसातील खंडामुळे...