रब्बी पीक पेरणी ५१ टक्क्यांवर

नवी दिल्ली ः देशात रब्बी पीक पेरणी ५१ टक्क्यांवर म्हणजेच ३१५.८६ लाख हेक्टरवर झाली अाहे. हे क्षेत्र गेल्या वर्षीच्या तुलनेत ४.६९ लाख हेक्टरने कमी अाहे. मुख्यतः गहू पेरणी गेल्या वर्षीच्या तुलनेत कमी झाली अाहे, असे कृषी मंत्रालयाने नुकत्याच जाहीर केलेल्या पीक पेरणी अाकडेवारीवरून दिसून येत अाहे.

देशात रब्बी पेरणीचे सर्वसाधारण क्षेत्र ६२३.५३ लाख हेक्टर एवढे अाहे. गहू हे रब्बी हंगामातील प्रमुख पीक अाहे; मात्र उत्तर प्रदेश अाणि मध्य प्रदेशच्या पूर्व भागात कमी पाऊस झाल्याने त्याचा परिणाम रब्बी पेरणीवर झाला अाहे.

या भागात गहू पेरणी कमी क्षेत्रावर झाली अाहे; मात्र भात, कडधान्ये, भरडधान्ये पिकांची पेरणी अधिक क्षेत्रावर झाली अाहे. मध्य प्रदेश, महाराष्ट्र, कर्नाटक, गुजरातमध्ये कडधान्य पेरणी अधिक क्षेत्रावर झाली अाहे. कृषी मंत्रालयाच्या अाकडेवारीनुसार, शुक्रवार (ता. २४) पर्यंत रब्बी पेरणी ३१५.८६ लाख हेक्टरवर झाली अाहे.

गेल्या वर्षी याच कालावधीत ३२०.५५ लाख हेक्टरवर रब्बी पेरणी झाली होती. गहू पेरणी ११०.६६ लाख हेक्टरवर झाली अाहे. गेल्या वर्षी याच कालावधीत १२६.३५ लाख हेक्टरवर झाली होती. गेल्या वर्षीच्या तुलनेत यंदा भात लागवड अधिक क्षेत्रावर झाली अाहे.

भात लागवड क्षेत्र ९.४९ लाख हेक्टरवर पोचले अाहे. कडधान्यांची पेरणी १०१.४३ लाख हेक्टरवर झाली अाहे. गेल्या वर्षी याच कालावधीत ८९ लाख हेक्टरवर कडधान्यांची पेरणी झाली होती. भरडधान्ये पीक क्षेत्र ३६.३५ लाख हेक्टरवर पोचले अाहे, तर तेलबियांची पेरणी कमी क्षेत्रावर म्हणजेच ५७.९३ लाख हेक्टरवर झाली अाहे. दक्षिण भारतात भात लागवडीला वेग तमिळनाडू, अांध्र प्रदेश, केरळ अाणि तेलंगणामध्ये अधिक क्षेत्रावर भात लागवड झाली अाहे. गेल्या अाठवड्यापर्यंत ८.४२ लाख हेक्टरवर भात लागवड झाली होती; मात्र या अाठवड्यात भात लागवड क्षेत्र ९.४९ लाख हेक्टरवर पोचले अाहे.