agriculture news in marathi, Rabi season is likely to increase the area of ​​rearing | Agrowon

रब्बी हंगामात हरभऱ्याचे क्षेत्र वाढण्याची शक्यता
टीम अॅग्रोवन
रविवार, 7 ऑक्टोबर 2018

जळगाव : खानदेशात यंदा रब्बी हंगामात हरभऱ्याकडे शेतकऱ्यांचा कल आहे. कमी पाणी व कमी खर्चात येणारे पीक म्हणून हरभऱ्याची ओळख आहे. यंदा पाणी कमी आहे. यामुळे शेतकऱ्यांनी अधिक पाणी लागणाऱ्या पिकांऐवजी हरभरा पेरणीवर भर देण्याचे ठरविल्याचे चित्र आहे. दसरा सणानंतर ही पेरणी वेगात सुरू होईल, असे चित्र आहे.

जळगाव : खानदेशात यंदा रब्बी हंगामात हरभऱ्याकडे शेतकऱ्यांचा कल आहे. कमी पाणी व कमी खर्चात येणारे पीक म्हणून हरभऱ्याची ओळख आहे. यंदा पाणी कमी आहे. यामुळे शेतकऱ्यांनी अधिक पाणी लागणाऱ्या पिकांऐवजी हरभरा पेरणीवर भर देण्याचे ठरविल्याचे चित्र आहे. दसरा सणानंतर ही पेरणी वेगात सुरू होईल, असे चित्र आहे.

उडीद, मुगाचे क्षेत्र रिकामे झाल्यानंतर तापी काठावरील काही गावांमध्ये मका व कांद्याची पेरणी, लागवड झाली. काही शेतकऱ्यांनी हरभरा पेरणीसाठी शेत रिकामे ठेवले आहे. सोयाबीन, ज्वारी व बाजरीच्या रिकाम्या शेतात हरभऱ्याची पेरणी होईल. सोयाबीनची मळणी अनेक ठिकाणी सुरू आहे. ती आणखी आठ ते १० दिवस सुरू राहील. त्यानंतर मशागत करून पेरणीचे नियोजन केले जाईल. खानदेशात तापी काठावरील काळ्या कसदार जमिनीत कोरडवाहू हरभरा अधिक असतो. खानदेशात यंदा सुमारे एक लाख ३५ हजार हेक्‍टरपर्यंत हरभऱ्याचे क्षेत्र राहील, असा अंदाज आहे.

मुक्ताईनगर, रावेर भागात बागायती हरभरा ठिबकच्या साह्याने घेतला जातो. यावल, जळगाव, चोपडा, शहादा भागात कोरडवाहू हरभरा घेतला जातो. अपेक्षित पाऊस झाला नसल्याने एक पाणी देण्याची वेळ येईल, असे सांगितले जात आहे.

शासकीय यंत्रणांनी रब्बीचे नियोजन केले आहे. त्यात पाऊस नसल्याने क्षेत्र वाढेल की नाही, याबाबत शंका आहे. सध्या काही भागात ज्वारी (दादर) पेरणी पेरणी सुरू आहे. जळगाव, चोपडा, अमळनेर, शिंदखेडा भागात दादरचे क्षेत्र बऱ्यापैकी असते. नवरात्रोत्सवात पाऊस हजेरी लावेल, अशी भाबडी आशा शेतकऱ्यांना आहे. पाऊस आल्यास रब्बी पिकांना मोठा लाभ होईल. पेरणीही वाढेल, असे शेतकऱ्यांचे म्हणणे आहे.

बियाणे उपलब्ध

बाजारात हरभऱ्यासह इतर पिकांचे बियाणे उपलब्ध झाले आहे. महाबीजकडूनही बियाणे उपलब्ध करून देण्याची कार्यवाही गतीने सुरू आहे. यंदा सर्व प्रकारचे बियाणे मुबलक असेल. कापसाखालील क्षेत्र रिकामे करून मका लागवड यंदा अधिक होईल. कारण अनेक ठिकाणी कापसाचे पीक हवे तसे नाही. त्यामुळे मक्‍याची लागवड फेब्रुवारीच्या पहिल्या आठवड्यापर्यंत होण्याची शक्‍यता आहे, असे शेतकऱ्यांकडून सांगण्यात आले.

इतर बातम्या
दुष्काळी परिस्थितीतून जनतेला बाहेर...पंढरपूर : राज्यातील दुष्काळी परिस्थितीतून जनतेला...
नांदेड, परभणी, हिंगोली जिल्ह्यांत...नांदेड : आधारभूत किंमत खरेदी योजनेअंतर्गत नांदेड...
कृषी क्षेत्रातील उत्पन्नाची तफावत दूर...औरंगाबाद : गेल्या कित्येक वर्षांतील परिवर्तनात...
मोहोळमध्ये ‘हुमणी‘ने १७ हजार एकरांचे...मोहोळ, जि. सोलापूर : तालुक्‍यातील सात महसुली...
पालखेडमधून आज आवर्तन सोडण्याची तयारीनाशिक : पालखेड डाव्या कालव्यातून येत्या दोन...
‘गिरणा‘च्या पाण्यासाठी वाळूचा बंधाराजळगाव : गिरणा नदीतून पिण्यासह शेतीच्या पाण्याचे...
पॉलिथिन पिशव्यांचा वापर थांबविण्याचे...पुणे   : राज्यातील कृषी तसेच वन विभागातील...
‘समृद्धी’च्या उभारणीसाठी रॉयल्टीत देणार...नाशिक   : मुंबई-नागपूर समृद्धी महामार्गाच्या...
व्याजासह एफआरपी दिल्याशिवाय...पुणे  : राज्यातील साखर कारखान्यांनी थकीत...
कोल्हापुरात पहिल्या टप्प्यात गूळदरात वाढकोल्हापूर  ः यंदाच्या गूळ हंगामाला सुरवात...
सरुड येथील गुऱ्हाळघरमालक उसाला देणार...कोल्हापूर : गुऱ्हाळघर व्यवसायात व्यावसायिकपणा...
नगर जिल्ह्यात १७८ टॅंकरद्वारे पाणीपुरवठानगर   : जिल्ह्यात यंदा गंभीर पाणीटंचाई जाणवत...
पुणे बाजार समितीत हापूस आंब्यांची आवकपुणे  ः कोकणातील हापूस आंब्यांची या...
सातारा जिल्ह्यात पाणीटंचाई वाढलीसातारा   ः जिल्ह्याच्या पूर्व भागात...
नागपूर जिल्ह्यात रब्बीची २१ टक्के पेरणीनागपूर   ः पाणी उपलब्धतेची अडचण, जमिनीत...
राज्यकर्ते दूध भेसळ का थांबवत नाहीत :...पुणे : राज्यात राजरोस दुधात भेसळ सुरू असून, अन्न...
आता कोठे धावे मन । तुझे चरण देखलिया...पंढरपूर, सोलापूर (प्रतिनिधी) :  आता कोठे...
दूध अनुदान योजनेस ३१ जानेवारीपर्यंत...पुणे : राज्यात उत्पादित होणाऱ्या (पिशवी बंद...
दुष्काळग्रस्तांना सरसकट हेक्टरी ५० हजार...मुंबई : राज्यात यंदा १९७२ पेक्षाही भयंकर...
तमिळनाडूच्या धर्तीवर मराठा समाजाला...मुंबई : मूळ आरक्षणाला धक्का न लावता तमिळनाडूच्या...