रब्बीचा ६१.८ दशलक्ष हेक्टरवर पेरा

पेरणी
पेरणी

नवी दिल्ली ः भारतातील रब्बी क्षेत्रात यंदा गेल्या वर्षीच्या तुलनेत किंचित घट झाली आहे. गेल्या वर्षी ६२.१ दशलक्ष हेक्टर क्षेत्रावर रब्बीची पेरणी झाली होती. यंदा ६१.८ दशलक्ष हेक्टर क्षेत्रावर रब्बी पेरणी झाल्याचे कृषी मंत्रालयाच्या आकडेवारीवरून स्पष्ट झाले आहे. कमी पर्जन्यामुळे आणि पेरणीला झालेला उशीर यामुळे देशातील लागवड क्षेत्रात घट झाली आहे. तसेच भारतीय हवामान खात्यानुसार यंदा मॉन्सून दरवर्षीपेक्षा पाच टक्क्यांनी कमी झाला आहे. तसे पाहिल्यास रब्बी हंगाम प्रत्यक्षपणे पावसावर अवलंबून नसतो. मात्र मॉन्सून चांगला झाल्याने जमिनीत ओल राहते. त्यामुळे रब्बी पिकांना मदत होते. कृषी मंत्रालयाच्या आकडेवारीनुसार देशात गव्हाची लागवड २९.९ दशलक्ष हेक्टरवर झाली असून गेल्या वर्षीच्या तुलनेत यामध्ये चार टक्क्यांनी घट झाली आहे. यावर्षी शेतकऱ्यांना हरभरा पिकाला प्राधान्य दिल्याने यंदा गव्हाच्या लागवडीत घट झाली आहे, तर हरभऱ्याची लागवड १०.६ दशलक्ष हेक्टरवर झाली आहे. यामध्ये गेल्या वर्षीच्या तुलनेत अाठ टक्क्यांनी वाढ झाली आहे.  दुसरीकडे कडधान्य पिकांच्या लागवड क्षेत्रात ४.७ टक्क्यांनी वाढ झाली आहे. सरकारने कडधान्य पिकांना हमीभाव देण्यास सुरू केल्यामुळे कडधान्य लागवडीत वाढ झाली आहे.  सरकारी धोरणाचा परिणाम कडधान्य निर्यातीला परवानगी देण्याव्यतिरिक्त सरकारने तुरीवर १० टक्के, पिवळ्या रंगाच्या वाटाण्यावर ५० टक्के तसेच चना आणि मसूरवर प्रत्येकी ३० टक्के आयात शुल्क लावले आहे. इतर प्रमुख पिकांमध्ये मोहरीची पेरणी आधीच पूर्ण झाली आहे. तर तेलबियांची लागवड ६.६ दशलक्ष हेक्टरवर होती, जी मागील वर्षी ७.० दशलक्ष हेक्टर होती. राजस्थानमध्ये सरासरीपेक्षा कमी माॅन्सून झाल्यामुळे मोहरीच्या लागवड क्षेत्रात घट झाल्याचे व्यापाऱ्यांनी सांगितले.  देशातील पेरणी (दशलक्ष हेक्टरमध्ये)

पीक  लागवड क्षेत्र सरासरी क्षेत्र 
तृणधान्य  ५.५    ५.६
मोहरी  ६.७      ७.९
तेलबिया    ७.९    ८.२
ज्वारी    ३.३   ३.१९
मका  १.५७   १.५४
भात  २.२३   १.६
गहू    २.९     १.६
हरभरा     १०.६  ९.८

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com