agriculture news in marathi, Rabi sowing slow in Aurangabad, Jalna and Beed districts | Agrowon

औरंगाबाद, जालना , बीड जिल्ह्यांत रब्बी पेरणी संथ
संतोष मुंढे
शनिवार, 14 ऑक्टोबर 2017

औरंगाबाद  : मराठवाड्यातील औरंगाबाद, जालना व बीड जिल्ह्यात यंदाच्या रब्बी पेरणीची सुरवात संथ गतीने झाली आहे. तीनही जिल्ह्यांतील सरासरी ६ लाख ५२ हजार ५५ हेक्‍टर क्षेत्राच्या तुलनेत केवळ ३७ हजार ७५१ हेक्‍टरवरच रब्बीची पेरणी झाली आहे. काही भागांत जमिनीत ओलच नसणे तर काही भागांत अतिपावसामुळे रब्बीच्या पेरणीला ब्रेक लागल्याचे चित्र आहे.

औरंगाबाद  : मराठवाड्यातील औरंगाबाद, जालना व बीड जिल्ह्यात यंदाच्या रब्बी पेरणीची सुरवात संथ गतीने झाली आहे. तीनही जिल्ह्यांतील सरासरी ६ लाख ५२ हजार ५५ हेक्‍टर क्षेत्राच्या तुलनेत केवळ ३७ हजार ७५१ हेक्‍टरवरच रब्बीची पेरणी झाली आहे. काही भागांत जमिनीत ओलच नसणे तर काही भागांत अतिपावसामुळे रब्बीच्या पेरणीला ब्रेक लागल्याचे चित्र आहे.

यंदा औरंगाबाद जिल्ह्यात रब्बीचे सर्वसाधारण क्षेत्र १ लाख ८९ हजार २२८ हेक्‍टर आहे. त्यापैकी ६ हजार ६५९ हेक्‍टरवर रब्बीची पेरणी झाली आहे. त्यापैकी खरीप हातचा गेलेल्या पैठण तालुक्‍यात झालेल्या सर्वाधिक ५६८८ हेक्‍टरवरील रब्बी पेरणीचा समावेश आहे.

खुल्ताबाद, कन्नड, वैजापूर, औरंगाबाद तालुक्‍यात सरासरी क्षेत्राच्या तुलनेत अत्यल्प पेरणी झाली असून सिल्लोड, सोयगाव, फुलंब्री व गंगापूर तालुक्‍यात मात्र रब्बी पेरणीला सुरवातच झाली नाही.
जालना जिल्ह्यात यंदा रब्बीचे सरासरी क्षेत्र १ लाख ५२ हजार ६०० गृहित धरण्यात आले आहे.

प्रत्यक्षात जालना जिल्ह्यातील एकाही तालुक्‍यात रब्बी पेरणीचा अजूनही शुभारंभ झाला नाही. बीड जिल्ह्यात रब्बीचे ३ लाख १० हजार २२७ हेक्‍टर सर्वसाधारण क्षेत्र आहे. प्रत्यक्षात त्यापैकी ३१ हजार ९२ हेक्‍टरवर अर्थात सर्वसाधारण क्षेत्राच्या तुलनेत दहा टक्‍के क्षेत्रावरच रब्बीची पेरणी झाली आहे.

त्यामध्ये सर्वाधिक २७ हजार ७४५ हेक्‍टरवर पेरणी झालेल्या आष्टी तालुक्‍यातील रब्बी क्षेत्राचा समावेश आहे. बीड तालुक्‍यात सर्वसाधारण ५५६६० हेक्‍टर क्षेत्राच्या तुलनेत १ हजार ९१ हेक्‍टरवर रब्बीची पेरणी झाली आहे. माजलगाव तालुक्‍यात ३१६७३ हेक्‍टरवरील रब्बी क्षेत्राच्या तुलनेत २२५६ हेक्‍टरवर रब्बीची पेरणी झाली आहे.

ज्वारीचा पेरा सर्वाधिक
औरंगाबाद, जालना व बीड जिल्ह्यात रब्बी ज्वारीचे क्षेत्र ३ लाख ९२ हजार ९६९ हेक्‍टर आहे. त्या तुलनेत आजवर ३४ हजार ९१० हेक्‍टरवर रब्बी ज्वारीची पेरणी झाली आहे. त्यामध्ये बीड जिल्ह्यातील २९ हजार ४७२ हेक्‍टरवरील तर औरंगाबाद जिल्ह्यातील ५ हजार ४३८ हेक्‍टर क्षेत्राचा समावेश आहे. दुसरीकडे मक्याचे सर्वसाधारण क्षेत्र १२ हजार ४६३ हेक्‍टर असताना केवळ १२ हेक्‍टरवर मक्याची पेरणी झाल्याची माहिती कृषी विभागाच्या सूत्रांनी दिली.

२७५० हेक्‍टरवर हरभरा
औरंगाबाद, जालना व बीड जिल्ह्यात हरभऱ्याचे सर्वसाधारण क्षेत्र १ लाख १७ हजार ४२८ हेक्‍टर आहे. त्यापैकी केवळ २७५० हेक्‍टरवरच हरभऱ्याची पेरणी झाली आहे. औरंगाबाद जिल्ह्यात हरभऱ्याच्या सर्वसाधारण ४३ हजार २१७ हेक्‍टर क्षेत्राच्या तुलनेत ११८४ हेक्‍टरवर हरभऱ्याची पेरणी झाली आहे. बीड जिल्ह्यात ५० हजार ४१० हेक्‍टर हरभऱ्याचे क्षेत्र असून त्यापैकी केवळ १५६६ हेक्‍टरवर हरभऱ्याची पेरणी झाली आहे. जालना जिल्ह्यात हरभरा पेरणीची अजून सुरवातच झाली नसल्याचे आकडे सांगतात.

इतर ताज्या घडामोडी
पशुपालकांना संस्थांनी मदत करावी ः शरद...निमगाव केतकी, जि. पुणे   ः सध्याच्या...
परभणी : धरणांच्या जलाशयातील उणे...परभणी ः वाढते तापमान, बेसुमार उपसा, वेगाच्या...
नाशिक : पाणीटंचाई आणि चाऱ्याच्या...अंबासन, जि. नाशिक : बागलाण परिसरातील गावागावांत...
देगावात दुष्काळाचा फळबागांना मोठा फटकावाळूज, जि. सोलापूर : यंदाच्या भीषण दुष्काळाचा...
वऱ्हाडाला केंद्रीय मंत्रिपदाची अपेक्षाअकोला : या लोकसभा निवडणुकीत पुन्हा एकदा मतदारांनी...
केंद्रीय मंत्रिपदासाठी शिवसेनेच्या...मुंबई : अनंत गिते, आनंदराव अडसूळ, चंद्रकांत...
कॉँग्रेस नेते मुख्यमंत्रिपदाची स्वप्ने...नगर  ः कॉँग्रेसचे महाराष्ट्रातील नेते...
सरसकट कर्जमाफीसाठी सरकारला विनंती करू ः...शेटफळगढे, जि. पुणे : यूपीए सरकारच्या काळात आपण...
रत्नागिरी, कर्नाटक हापूसचा हंगाम अंतिम...पुणे  : ग्राहकांची विशेष पसंती असलेल्या...
नगर जिल्ह्यात दुष्काळी स्थितीमुळे...नगर ः उसासोबत ज्वारीचे आगार म्हणून ओळख असलेल्या...
विमा कंपन्यांच्या अधिकाऱ्यांसमवेत १...अमरावती : विमा कंपन्यांच्या हेकेखोरपणापुढे...
यवतमाळ बाजार समितीत हळद खरेदीस प्रारंभयवतमाळ  ः जिल्ह्यात हळदीखालील क्षेत्रात वाढ...
शेतकऱ्यांना व्यापारी करण्यावर भर: कृषी...बारामती, जि. पुणे ः आपल्याकडे पिकणाऱ्या प्रत्येक...
पुणे बाजारात आले, टोमॅटोच्या भावात...पुणे : गुलटेकडी येथील कृषी उत्पन्न बाजार...
दुष्काळ पाहूनही मदतीचं आश्वासन नाय दिलंकोल्हापूर/सांगली ः गेल्या महिन्यात आमच्याकडं...
अनेर काठावरच्या शिवारातही जाणवू लागली...जळगाव ः जिल्ह्यातील प्रमुख नद्यांमध्ये असलेल्या...
जळगावात १८०; धुळे, नंदुरबारात टॅंकरची...जळगाव ः खानदेशात सुमारे एक हजार गावे टंचाईच्या...
लाकडी अवजारे हद्दपार; सुतारांवर...रिसोड, जि. वाशीम ः आधुनिकतेचे वारे शेतीतही वाहू...
कसणाऱ्यांना प्रोत्साहन दिल्यास...विकसनशील देशांमध्ये कृषी उत्पादकता आणि उत्पन्नाची...
जळगाव बाजार समितीती कांदा दरात सुधारणाजळगाव ः लाल कांद्याची आवक अस्थिर असून, दरात मागील...