agriculture news in marathi, Raghunath Patil criticize government on loanwaiver | Agrowon

अटी, शर्ती काढल्या तरच कर्जमाफीचा फायदा
सूर्यकांत नेटके
शनिवार, 15 डिसेंबर 2018

नगर : सरकारच्या चुकीच्या धोरणामुळे कर्ज झाले आहे. पराभवानंतर चार लाख कोटी कर्जमाफ करण्याचे पुन्हा एकदा अामिष दाखवत आहे. शेतकरी वाचवण्यासाठी संपूर्ण कर्जमुक्तीशिवाय पर्याय नाही, मात्र त्यात सरकारने त्यात अटीशर्ती घालू नये, अन्यथा पुन्हा घोषणा होऊन फसवणूक होऊ शकते, असे शेतकरी संघटनेचे अध्यक्ष रघुनाथदादा पाटील यांनी सांगितले.

नगर : सरकारच्या चुकीच्या धोरणामुळे कर्ज झाले आहे. पराभवानंतर चार लाख कोटी कर्जमाफ करण्याचे पुन्हा एकदा अामिष दाखवत आहे. शेतकरी वाचवण्यासाठी संपूर्ण कर्जमुक्तीशिवाय पर्याय नाही, मात्र त्यात सरकारने त्यात अटीशर्ती घालू नये, अन्यथा पुन्हा घोषणा होऊन फसवणूक होऊ शकते, असे शेतकरी संघटनेचे अध्यक्ष रघुनाथदादा पाटील यांनी सांगितले.

चार लाख कोटी शेतकऱ्यांचे कर्ज माफ करणार असल्याच्या विषयाच्या पार्श्‍वभूमीवर श्रीरामपूर (जि. नगर) येथे जाताना नगरमध्ये रघुनाथदाना पाटील म्हणाले, ‘‘त्यामुळे कर्ज वाढत असल्याचे शरद जोशी, सी. रंगराजनसारख्या अर्थशास्त्रांनी अनेक वेळा सांगितले होते. हे सगळे होऊनही सरकामध्ये काम करणारे लोक शेतकरी आत्महत्या कशाने होतात, शेतकरी कर्जबाजारी होण्याचे कारण काय, हे पाहत नाहीत. कर्ज हे शेतीमाल दर आणि आयात निर्यात धोरणाशी निगडित आहे.’’

शेतकऱ्यांच्या मूळ प्रश्‍नाकडे दुर्लक्ष केले म्हणून आधीच्या सरकारला फटका बसला, मात्र हवेत असलेल्या भाजप सरकारनेही तसेच केले. जेव्हा चार राज्यांतील निवडणुकीत फटका बसला, तेव्हा मात्र ‘शेतकरी असंतुष्ट असला तर कोणालाही राज्य करता येणार नाही’ ही बाब जेव्हा लक्षात आली. तेव्हा पुन्हा एकदा देशात चार लाख कोटी रुपयाचे कर्ज माफ करण्याची घोषणा करून शेतकऱ्यांची मते घेण्याचा भाजप सरकारचा प्रयत्न सुरू आहे.

कर्ज शेतीमालाच्या दरांशी निगडित आहे आणि शेतीमालाचे दर हे आयात-निर्यातीवर अवलंबून असतात. सरकार बाहेरून कांदा, तूर, तेल आयात करतेय, येथील शेतीमालाचे दर पाडण्याचाच प्रयत्न झाला. त्यामुळे शेतकरी कर्जबाजारी झाला. त्यामुळे हे कर्ज संपूर्णपणे माफ करण्याशिवाय सरकारपुढे पर्यायच नाही. मात्र आता नव्याने कर्जमाफी करताना त्यात अटीशर्ती घालू नयेत. कारण महाराष्ट्रात सरकारने कर्जमाफी केली, पण त्याचा सरकारला फायदा होण्याएवजी तोटाच झाला आणि शेतकऱ्यांनाही मनस्ताप झाला. त्यातून फक्त बॅंकांचे अडकलेले पैसे मोकळे झाले.

खात्यावरील बाकी कमी होते, पण हातात काहीच मिळत नाही. नवीन कर्ज काढून फेडायचे असेल तर त्यासाठी व्यवसाय नफ्यात पाहिजे. शेतमालाला दरच मिळत नाही तर शेती व्यवसाय नफ्यात कसा येणार, असा प्रश्‍न उपस्थित करत सरकारने आता शेतकऱ्यांना पुन्हा एकदा फसवण्याच्या भानगडीत पडू नये, नाही तर चार राज्यांत जे झाले ते देशभरात होईल.'''' या वेळी संघटनेचे कार्याध्यक्ष कालिदास आपेट, क्रांतिसिह नाना पाटील ब्रिगेडचे प्रदेशाध्यक्ष शिवाजी नांदखिले उपस्थित होते.

शेतकऱ्यांत फूट पाडण्याचा कुटिल डाव
रघुनाथदादा पाटील म्हणाले, "राज्यात कर्जमाफी दिली; पण त्यात पाच एकराच्या खालील शेतकऱ्यांना सवलत दिली. मुळात पाच एकराच्या खालील शेतकऱ्यांना आणि पाच एकरावरील शेतकऱ्यांना खते, बियाणे औधषे व अन्य बाबीला वेगळा दर नव्हता. पण दोन गट पाडून सरकार शेतकऱ्यांत फूट पाडण्याचा कुटिल डाव आधीच्या सरकारने प्रयत्न केला. तेच हे सरकार करण्याचा प्रयत्न करत आहे. असे अनेक वेळा झाले आहे. आता पुन्हा कर्जमाफीच्या नावाखाली फसवणूक होऊ शकते.''''

इतर ताज्या घडामोडी
नगर जिल्ह्याचे विभाजन होणारच ः...नगर  ः नगर जिल्ह्याचे विभाजन व्हावे, ही...
पंधरा दिवसांपूर्वीच संपला नगरमधील पाच...नगर ः नगर जिल्ह्यामध्ये चाराटंचाई अंधिक तीव्र होत...
वीज दरवाढ रद्दबाबतचे परिपत्रक...शिरोली पुलाची, जि. कोल्हापूर : वीज दरवाढ...
दुष्काळग्रस्तांच्या मागण्यांसाठी परभणीत...परभणी : जिल्ह्यातील दुष्काळग्रस्त शेतकरी,...
हरकती असलेल्या जमिनी अधिग्रहित करणार...मुंबई   : हरकती असलेल्या जमिनी...
मराठवाडा, खानदेशात ४९ लाख टन ऊसगाळपऔरंगाबाद : यंदाच्या हंगामात मराठवाडा व खानदेशातील...
कांदा अनुदानाची मुदत ३१ डिसेंबरपर्यंत...सोलापूर   ः कांद्याचे दर घसरल्याने...
नगर बाजारात तूर प्रतिक्विंटल ४४०० ते...नगर ः नगर कृषी उत्पन्न बाजार समितीत तुरीची आवक...
सोयाबीन दरात काही अंशी तेजीचा अंदाजनागपूर ः सोयाबीन दरात आलेली तेजी शेतकऱ्यांना...
जळगावात चवळी, कारल्याचे दर टिकूनजळगाव ः कृषी उत्पन्न बाजार समितीमध्ये मागील...
हळद पॉलिश, प्रतवारी महत्त्वाचीलोखंडी ड्रममधून शिजवलेली हळद २० ते ३० मिनिटांसाठी...
सागरी तापमानाची जुनी माहिती मिळवणे...माहितीच्या नोंदीच्या अभावामुळे बहुतांश जागतिक...
मधमाश्यांचे सर्वेक्षण सातत्याने...गेल्या काही वर्षांमध्ये स्थानिक मधमाश्यांच्या...
बुलडाणा जिल्ह्यातील अनेक प्रकल्प कोरडेबुलडाणा : उष्णतेच्या झळा सुरू होण्यापूर्वीच...
खानदेशात तूर खरेदी केंद्रे सुरू कराजळगाव : खानदेशात तुरीची मळणी पूर्ण होत आली आहे....
ऊस गाळपात नंदुरबार जिल्हा आघाडीवरजळगाव : खानदेशात ऊस गाळपात नंदुरबार जिल्ह्यातील...
नाचणी बीजोत्पादक शेतकऱ्यांना पन्हाळ्यात...कोल्हापूर : पन्हाळा तालुक्यात आत्माच्या...
गोदावरी दूध संघ शेतकऱ्यांसाठी ठरला ‘...नगर : ‘‘गोदावरी खोरे नामदेवराव परजणे पाटील तालुका...
परभणी, हिंगोलीतील सिंचनासाठीच्या...परभणी : परभणी आणि हिंगोली जिल्ह्यात २०१७-१८...
खरीप नुकसानीच्या मदतीसाठी शेतकऱ्यांच्या...सोलापूर : गतवर्षीच्या २०१८ च्या खरीप हंगामात...