agriculture news in marathi, ragistration of grapes garden for export, nashik, maharashtra | Agrowon

नाशिक जिल्ह्यात ३५०० द्राक्षप्लॉटची निर्यातीसाठी नोंदणी
टीम अॅग्रोवन
मंगळवार, 20 नोव्हेंबर 2018

नाशिक  : युरोपियन राष्ट्रांसह रशिया आणि अन्य राष्ट्रांमध्ये द्राक्षांची निर्यात करण्यासाठी आवश्‍यक असलेल्या द्राक्षप्लॉट नोंदणी प्रक्रियेत आतापर्यंत नाशिक जिल्ह्यातील सुमारे साडेतीन हजार शेतकऱ्यांनी नोंदणी केली असून, या प्रक्रियेंतर्गत या वर्षात आतापर्यंत जिल्ह्यातील सुमारे २२९५ हेक्‍टर क्षेत्रावरील द्राक्षबागांची नोंदणी पूर्ण झाल्याची माहिती कृषी विभागाने दिली.

नाशिक  : युरोपियन राष्ट्रांसह रशिया आणि अन्य राष्ट्रांमध्ये द्राक्षांची निर्यात करण्यासाठी आवश्‍यक असलेल्या द्राक्षप्लॉट नोंदणी प्रक्रियेत आतापर्यंत नाशिक जिल्ह्यातील सुमारे साडेतीन हजार शेतकऱ्यांनी नोंदणी केली असून, या प्रक्रियेंतर्गत या वर्षात आतापर्यंत जिल्ह्यातील सुमारे २२९५ हेक्‍टर क्षेत्रावरील द्राक्षबागांची नोंदणी पूर्ण झाल्याची माहिती कृषी विभागाने दिली.

गेल्या वर्षाच्या तुलनेत या वर्षी अद्याप द्राक्षबागांच्या नोंदणीचे प्रमाण कमी असले, तरी डिसेंबरअखेरपर्यंत मागील वर्षाच्या तुलनेत या वर्षीही द्राक्षबागांची नोंदणी होण्याची अपेक्षा कृषी विभागाला आहे. निर्यातक्षम रेसिड्यू फ्री द्राक्षांसाठी कृषी विभागाकडे द्राक्ष बागांची नोंदणी आवश्‍यक असून, या वर्षी १५ ऑक्‍टोबरपासून या प्रक्रियेला सुरवात झाली. प्रक्रियेच्या सुरवातीच्या टप्प्यात आतापर्यंत सुमारे ३४९९ प्लॉटची नोंदणी झाली आहे. गेल्या वर्षी डिसेंबरअखेरपर्यंत ३० हजार ४२७ प्लॉटची नोंदणी झाली होती. त्या तुलनेत या वर्षी नोंदणी करणाऱ्या उत्पादकांनी संख्या कमी असली तरी डिसेंबरपर्यंत हे प्रमाण वाढण्याची अपेक्षा कृषी विभागाला आहे.

गेल्या वर्षी नाशिक जिल्ह्यातून सुमारे एक लाख दोन हजार ८१६ मेट्रिक टन द्राक्षांची निर्यात झाली होती. याच प्रमाणात या वर्षीही निर्यातीचा टप्पा गाठण्यासाठी आणखी २६ ते २७ हजार प्लॉटची नोंदणी होणे आवश्‍यक असून, शेतकऱ्यांनी ३१ डिसेंबरपर्यंत द्राक्षप्लॉटची नोंदणी करण्याचे आवाहन जिल्हा अधीक्षक कृषी अधिकारी संजय पडवळ यांनी केले आहे.

अशी करता येईल प्लॉट नोंदणी
द्राक्ष उत्पादक शेतकऱ्यांना त्यांच्या बागेतील द्राक्षांची निर्यात करण्यासाठी तालुका कृषी अधिकारी कार्यालय किंवा गावातील कृषी सहायक यांच्याकडे प्लॉटची नोंदणी करता येणार आहे. त्यासाठी शेतकऱ्यांना द्राक्षबागेचा सातबारा व खाते उतारा व प्रत्येक प्लॉटसाठी ५० रुपये शुल्क भरावे लागणार आहे.

इतर ताज्या घडामोडी
एचटी सीड ‘एसआयटी’ची पोलिसांच्या...नागपूर  ः राज्य शासनाने स्थापन केलेल्या एच....
इतिहासकालीन जलसंधारण अन् त्यामागचे...दरवर्षी पिढ्यानपिढ्या पावसाचे पाणी वेगवेगळे उपाय...
अभ्यासक्रमात हवा भूसूक्ष्मजीवशास्त्राचा...महाराष्ट्रात चार कृषी विद्यापीठे असून, तिथे १२...
ठिबकचे अनुदान वाटपासाठी अधिकाऱ्यांची...पुणे ः शासनाकडून ठिंबक सिंचनासाठी तरतूद केलेली...
होळीमुळे द्राक्ष काढणी मंदावलीनाशिक : द्राक्षपट्ट्यात द्राक्ष काढणीसाठी आदिवासी...
एकरकमी एफआरपीबाबत साखर कारखान्यांचे मौनसातारा ः जिल्ह्यातील बहुतांशी कारखान्यांचा ऊस...
‘बळिराजा'चे सोळा उमेदवार जाहीरकोल्हापूर : देशात शिक्षण, आरोग्य, रोजगार तसेच...
साताऱ्यात हिरवी मिरची ४०० ते ५०० रुपये...सातारा ः येथील कृषी उत्पन्न बाजार समितीत मंगळवारी...
धुळ्यात भाजपमध्ये अंतर्गत धुसफुसजळगाव ः लोकसभा निवडणुकीत भाजपचे जळगाव व...
नाशिकमध्ये युतीचे उमेदवार ठरेनानाशिक: लोकसभेच्या निवडणुकीसाठी नाशिक व दिंडोरी...
पुणे जिल्ह्यातील सात साखर कारखान्यांचा...पुणे ः पुणे जिल्ह्यातील साखर कारखान्यांचा ऊस गाळप...
उष्णतेचे कारण देऊन पपईच्या दरात अडवणूकनंदुरबार : जिल्ह्यातील पपई उत्पादकांना अपेक्षित...
नांदेड जिल्ह्यात साडेअकराशे हेक्टरवर...नांदेड ः नांदेड जिल्ह्यात गुरुवार (ता. १४) पर्यंत...
नगर जिल्हाधिकाऱ्यांच्या तपासणी मोहिमेची...नगर : जनावरांच्या छावण्या सुरू केल्या. मात्र,...
वऱ्हाडात हळद काढणीला सुरवातअकोला : वऱ्हाडात दुष्काळी परिस्थिती, तसेच पाणी...
परभणीतील पशुवैद्यक विद्यार्थ्यांचे भीक...परभणी ः पशुसंवर्धन विभागांतर्गंत पशुधन सहायकांना...
नाशिक जिल्ह्यात बिबट्यांचा धुमाकूळनाशिक : नाशिक शहर व जिल्ह्यात बिबट्याच्या...
सोलापूर कृषी विज्ञान केंद्राला...सोलापूर : भारतीय कृषी व संशोधन परिषदेअंतर्गत...
नगर जिल्ह्यात सव्वा कोटी टन उसाचे गाळपनगर ः जिल्ह्यातील २३ सहकारी व खासगी साखर...
सोलापूर जिल्हा दूध संघाचे पैसे...सोलापूर : दूध अनामत रक्कम, पशुखाद्य व गायी...