agriculture news in marathi, Rain fall in Osmanabad, Latur districts | Agrowon

उस्मानाबाद, लातूर जिल्ह्यांत पावसाने पीक नुकसान
टीम अॅग्रोवन
गुरुवार, 4 ऑक्टोबर 2018

उस्मानाबाद/लातूर : दोन्ही जिल्ह्यांतील जवळपास ३७ मंडळांत बुधवारी (ता. ३) सकाळपर्यंतच्या चोवीस तासांत काही ठिकाणी हलका, मध्यम तर काही ठिकाणी जोरदार पावसाने हजेरी लागली. चार मंडळांत ६५ मिलिमीटरपेक्षा जास्त पावसाची नोंद झाली. हा पाऊस पडलेल्या भागातील शेतकऱ्यांच्या रब्बीच्या आशा पल्लवित झाल्या आहेत.

उस्मानाबाद/लातूर : दोन्ही जिल्ह्यांतील जवळपास ३७ मंडळांत बुधवारी (ता. ३) सकाळपर्यंतच्या चोवीस तासांत काही ठिकाणी हलका, मध्यम तर काही ठिकाणी जोरदार पावसाने हजेरी लागली. चार मंडळांत ६५ मिलिमीटरपेक्षा जास्त पावसाची नोंद झाली. हा पाऊस पडलेल्या भागातील शेतकऱ्यांच्या रब्बीच्या आशा पल्लवित झाल्या आहेत.

आकाशाकडे डोळे लावून बसलेल्या मराठवाड्यातील शेतकऱ्यांवर परतीच्या पावसाची सार्वत्रिक कृपा अजूनही व्हायला तयार नाही. कुठे अपेक्षेच्या पुढे जावून तर कुठे थेंबही नाही. अशा लहरी स्वरूपातच परतीचा पाऊसही पडत असल्याची प्रचिती लातूर व उस्मानाबाद जिल्ह्यातील शेतकऱ्यांनी बुधवारी सकाळपर्यंतच्या चोवीस तासांत अनुभवली.

लातूर जिल्ह्यातील लातूर तालुका, हरंगुळ बु. मंडळात प्रत्येकी ३ मिलिमीटर पावसाची नोंद झाली. औसा तालुक्‍यातील भादा मंडळांत सर्वाधिक ६८ मिलिमीटर पावसाची नोंद झाली. त्यापाठोपाठ औसा ५५, लामजना ३२, किल्लारी ३, मातोळा ४८, किनथोट २०, बेलकुंड ८, उदगीर तालुक्‍यातील मोधा ७, हेर ५, देवर्जन ३, वाढवणा बु. ४, चाकूर तालुक्‍यातील चाकूर ४, वडवळ ना. २, नळेगाव ३६, निलंगा तालुक्‍यातील निलंगा मंडळात ५८, अंबुलगा बु. ४, कासरशिरसी ५, पानचिंचोली २१, देवणी बु. ५, शिरूर अनंतपाळ तालुक्‍यातील शिरूर अनंतपाळ ५, साकोळ मंडळात २ मिलिमीटर पाऊस झाला. उस्मानाबाद जिल्ह्यातील उस्मानाबाद शहर मंडळात ५१ मिलिमीटर, उस्मानाबाद ग्रामीण १४, तेर २३, ढोकी २५, बेम्बाळी ४१, पाडोळी ७२, जागजी ८, केशेगाव ३३, तुळजापूर ८५, सावरगाव ३१, नळदुर्ग ५, मंगरूळ १३०, सालगरा १७, नारगवाडी ७, मुळज ७.

उस्मानाबाद जिल्ह्यात पावसाने नुकसान
उस्मानाबाद ः उस्मानाबाद शहर व परिसरात आणि तुळजापूर तालुक्यात बुधवारी (ता. तीन) पहाटे जोरदार पाऊस झाला. तर ढोकी (ता. उस्मानाबाद) परिसरात मंगळवारी (ता. २) रात्री वादळी वाऱ्यासह पाऊस झाला. मंगरुळ (ता. तुळजापूर) परिसरात सोयाबीन पिकाचे नुकसान झाले. ढोकी परिसरात उसाचे पीक आडवे झाले. केळीच्या बागांचेही नुकसान झाले. बुधवारी पहाटे तुळजापूर तालुक्यातील मंगरुळ महसूल मंडळात जोरदार पाऊस झाला. या मंडळात अतिवृष्टी झाली. १३० मिलिमीटर पावसाची नोंद झाली. तुळजापूर महसूल मंडळातही अतिवृष्टी झाली. ८५ मिलिमीटर पाऊस या मंडळात नोंदला गेला. उस्मानाबाद व तुळजापूर तालुका वगळता अन्य तालुक्यांत पाऊस झाला नाही.

सर्वाधिक पावसाची मंडळे (मिलिमीटरमध्ये)
 औसा तालुका ः भादा ६८
 उस्मानाबाद तालुका ः पाडोळी ७२
 तुळजापूर तालुका ः मंगरूळ १३०, तुळजापूर  ८५

इतर ताज्या घडामोडी
ढगाळ वातावरण, भुरीच्या धोक्याकडे लक्ष...बंगालच्या उपसागरातून येणाऱ्या वादळाचा परिणाम...
पीकविम्याच्या हप्त्याची वेळ अत्यंत...हवामानातील विविध घटकांमुळे पिकांचे अनेक वेळा...
खानदेशात रब्बीचे ७९ टक्के क्षेत्र नापेरजळगाव :खानदेशात रब्बी पिकांमध्ये मका, गव्हाची...
फरदड कपाशीचे उत्पादन टाळावे ः कुलगुरू...नांदेड ः आगामी खरीप हंगामामध्ये कपाशीवर गुलाबी...
पायाभूत सुविधांअभावी रेशीम उत्पादक...बीड : रेशीम कोष उत्पादन वाढीसाठी महारेशीम अभियान...
‘एफआरपी’ थकविलेल्या कारखान्यांना दणकाकोल्हापूर : हंगाम सुरू होऊन दीड महिन्याचा कालावधी...
अकोल्यात ‘अात्मा’ शेतकरी सल्लागार...अकोला ः शेतकऱ्यांपर्यंत आधुनिक तंत्रज्ञान पोचवण्‍...
भंडारा जिल्ह्यातील भूजल पातळी खोलभंडारा : जिल्ह्यात सामान्य पर्जन्यमानाच्या...
साताऱ्यात गवार प्रतिदहा किलो ३०० ते ४५०...सातारा ः येथील कृषी उत्पन्न बाजार समितीत बुधवारी...
पाच मिनिटांत १२० कोटींच्या नियोजनास...जळगाव : समान निधी वाटपाच्या मुद्यावरून गेल्या...
नवेगावबांधमध्ये पावसाने शेकडो क्विंटल...नवेगावबांध, जि. गोंदिया : येथील शासकीय...
अधिस्वीकृती समितीच्या बैठकीकडे माफसूचे...नागपूर   ः राज्यातील काही कृषी...
सामूहिक शेततळ्यांसाठी पुणे जिल्ह्यातील...पुणे  : वाढत्या पाणीटंचाईमुळे शेतकरी...
...ही परिवर्तनाची सुरवात आहे : शरद पवारमुंबई   : देशाच्या संविधानावर, स्वायत्त...
नगर जिल्ह्यात नरेगा कामांवर ६७७६ मजूर...नगर  ः दुष्काळी स्थिती लक्षात घेऊन...
सातारा जिल्ह्यात १३३५ शेततळी पूर्ण सातारा   ः जिल्ह्याच्या पूर्व भागात...
भाजपत दोघांचीच मनमानी : यशवंत सिन्हापुणे : सध्या लोकशाही धोक्यात आणणा-या भाजपची घमेंड...
सरकार स्थापनेनंतर लगेचच शेतकऱ्यांना...नवी दिल्ली : छत्तीसगड, राजस्थानमध्ये कॉंग्रेसचे...
शाश्वत भविष्यासाठी अन्न पद्धतीमध्ये...सन २०५० पर्यंत जगाची लोकसंख्या सुमारे १० अब्ज...
परभणीत प्रतिटन २२०० रुपये ऊसदरासाठी ‘...परभणी ः गंगाखेड शुगर्स साखर कारखान्याने गेल्या...