कोकण, पश्‍चिम महाराष्ट्रात काही ठिकाणी पावसाची हजेरी

कोकण, पश्‍चिम महाराष्ट्रात काही ठिकाणी पावसाची हजेरी
कोकण, पश्‍चिम महाराष्ट्रात काही ठिकाणी पावसाची हजेरी

पुणे : कोकण अाणि पश्‍चिम महाराष्ट्रात काही ठिकाणी पावसाने  सुरवात झाली अाहे. बुधवारी (ता. १७) सकाळपर्यंतच्या २४ तासांमध्ये रत्नागिरी, सिंधुदुर्ग, सोलापूर, सातारा, सांगली, कोल्हापूर जिल्ह्यांत अनेक ठिकाणी हलक्या ते मध्यम पावसाने हजेरी लावली आहे. रविवारपर्यंत (ता.२१) कोकण आणि मध्य महाराष्ट्रात हलका पाऊस पडण्याचा अंदाज आहे. तर कमाल तापमानात झालेली वाढ कायम राहण्याची शक्यता हवामान विभागाने वर्तविली आहे.     राज्यात उन्हाचा वाढलेला चटका कायम असून, रात्रीच्या तापमानात चढ-उतार होत आहे. बुधवारी सकाळपर्यंतच्या २४ तासांमध्ये मुंबईतील सांताक्रुझ येथे राज्यातील उच्चांकी ३७.२ अंश सेल्सिअस तर महाबळेश्‍वर येथे राज्यातील नीचांकी १७ अंश सेल्सिअस तापमानाची नोंद झाली. राज्याच्या दक्षिणेकडील भागात पाऊस पडला असून, कोल्हापूर व सिंधुदुर्ग जिल्ह्यात पावसाचे जोर अधिक हाेता. दक्षिण मध्य महाराष्ट्रात असलेली चक्राकार वाऱ्यांची स्थिती बुधवारी निवळून गेली आहे. अरबी समुद्रात ढगांची दाटी झाली असून, कोकण, मध्य महाराष्ट्र, मराठवाडा आणि पश्‍चिम विदर्भातही ढगाळ हवामान होते.  बुधवारी (ता.१७) सकाळपर्यंतच्या २४ तासांमध्ये विविध ठिकाणचे कमाल तापमान, कंसात किमान तापमान (अंश सेल्सिअसमध्ये) : पुणे ३३.८.(२०.२), नगर - (१७.६), जळगाव ३६.२(१९.४), कोल्हापूर ३२.६(२२.०), महाबळेश्‍वर २७.८(१७.०), मालेगाव ३६.२(२२.२), नाशिक ३३.८(१८.०), सांगली ३१.६(२०.४), सातारा ३३.१(२१.९), सोलापूर ३५.३(२०.६), सांताक्रुझ ३७.२ (२५.६), अलिबाग ३५.६(२५.४), रत्नागिरी ३५.२(२३.४), डहाणू ३७.३ (२४.१), औरंगाबाद ३४.३(१७.६), परभणी ३५.१(१७.५), नांदेड ३६.०(२०.०), अकोला ३६.०(२०.०), अमरावती ३६.२(१९.८), बुलडाणा ३४.३(२०.८), चंद्रपूर ३५.५(२१.८), गोंदिया ३३.४(२०.५), नागपूर ३४.९(१८.२), वर्धा ३४.५(१८.४), यवतमाळ ३५.५(१८.४).  बुधवारी (ता. १७) सकाळपर्यंतच्या २४ तासांमध्ये विविध ठिकाणी पडलेला पाऊस, मिलिमीटरमध्ये (स्त्रोत - कृषी विभाग) :   रत्नागिरी : अंगवली २९, कोंडगाव १२, देवरूख १२, लांजा १२, भांबेड ४२, पुनास ११, विलवडे ६०.  सिंधुदुर्ग : मितबांब १५, शिरगाव २६, बापर्डे २०, मालवण ५६, बांदा २०, आजगाव ४०, अंबोली ७६, मौदा २७, वेंगुर्ला ६३, तलेरे ३९, पिंगुळी २१, वैभववाडी ३१, भुईबावडा १९.  सोलापूर : सोलापूर ५६, अक्कलकोट १८, दुधनी ४४.  सातारा : हेळवाक १२.  सांगली : मडग्याळ २०, मुचुंडी १६, पेठ ११, येवळी २२, देशिंग ३०, कवठेमहांकाळ ३०.  कोल्हापूर : शिराेळ २२, शिरढोण १२, कुकुडवाड १५. भांबवडे १६, सुरूड १०, साळवण १४, करवीर ११, कसबा ११, सिद्धनेर्ली २१, केनवडे १८, कापशी १५, खडकेवाडा ३५, मुरगुड ४३, गडहिंग्लज १८, दौंडगे २६, हलकर्णी ११, नेसरी १८, गारगोटी १४, पिंपळगाव ११, कूर १०, काडगाव ३०, कराडवाडी १२, अाजरा १८, मालिंग्रे ११, उत्तुर २४, हेरे ३९. मॉन्सून शनिवारपर्यंत देशाचा निरोप घेणार? नैऋत्य मोसमी वारे (मॉन्सून) देशातून परतण्यास पोषक स्थिती निर्माण होत असून, शनिवारपर्यंत (ता.२०) माॅन्सून देशाचा निरोप घेईल, असे हवामान विभागाने स्पष्ट केले आहे. मॉन्सून परतल्यानंतर दक्षिण भारतामध्ये ईशान्य मोसमी वारे (ईशान्य माॅन्सून) सक्रिय होईल. अंदमान बेटांच्या परिसरामध्ये चक्राकार वाऱ्यांची स्थिती निर्माण झाली असून, मंगळवारपर्यत (ता. २३) या भागात कमी दाबाचे क्षेत्र तयार होण्याचे संकेत आहेत.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com