कोकण, मध्य महाराष्ट्रात हलक्या ते मध्यम पावसाचा अंदाज

कोकण, मध्य महाराष्ट्रात हलक्या ते मध्यम पावसाचा अंदाज
कोकण, मध्य महाराष्ट्रात हलक्या ते मध्यम पावसाचा अंदाज

पुणे : पावसाला पोषक हवामान झाल्याने आठवड्याच्या सुरवातीपासून कोकण, पश्‍चिम महाराष्ट्रात हलका ते मध्यम स्वरूपाचा पाऊस पडत अाहे. शुक्रवारी (ता. १९) सकाळपर्यंतच्या २४ तासांमध्ये या भागात पावसाने हजेरी लावली आहे. पावसाळी हवामान आणि ढगाळ हवामानामुळे तापमानातही चढ - उतार होत आहेत. रविवारपर्यंत (ता.२१) कोकण, मध्य महाराष्ट्रात तुरळक ठिकाणी हलक्या ते मध्यम पावसाचा अंदाज आहे. तर मराठवाडा, विदर्भात मुख्यत: कोरड्या हवामानाची शक्यता हवामान विभागाने वर्तविली अाहे.    शुक्रवारी सकाळपर्यंत रायगड, रत्नागिरी, सिंधुदुर्ग, पुणे, सातारा, कोल्हापूर या जिल्ह्यांत अनेक ठिकाणी हलका ते मध्यम स्वरूपाचा पाऊस पडला. राज्यात दिवसाच्या तापमानाचा पारा ३४ अंशांच्या वर असून, दुपारी उन्हाचा चटका जाणवत आहे. रात्रीच्या तापमानात थोडीशी वाढ झाल्याचे दिसून आले अाहे. जळगाव येथे ३६.४ राज्यातील उच्चांकी अंश सेल्सिअस, तर परभणी येथे राज्यातील नीचांकी १६.४ अंश सेल्सिअस तापमानाची नोंद झाली.  थायलंड, आखात अाणि परिसरावर समुद्रसपाटीपासून ५.८ किलोमीटर उंचीवर चक्राकार वारे वाहत अाहेत. या वाऱ्यांच्या प्रभावामुळे सोमवारपर्यंत (ता. २२) उत्तर अंदमान समुद्रात कमी दाबाचे क्षेत्र तयार होण्याचे संकेत आहेत. तर नैऋत्य मोसमी वाऱ्यांच्या (माॅन्सून) परतीसाठी पोषक स्थिती असून, उद्यापर्यंत (ता.२१) मॉन्सून देशाचा निरोप घेण्याची शक्यता असल्याचे हवामान विभागाने स्पष्ट केले आहे.   शुक्रवारी (ता.१९) सकाळपर्यंतच्या २४ तासांमध्ये विविध ठिकाणचे कमाल तापमान, कंसात किमान तापमान (अंश सेल्सिअसमध्ये) : पुणे ३१.९(२०.७), नगर - (२०.०), जळगाव ३६.४(२०.२), कोल्हापूर ३१.१(२१.०), महाबळेश्‍वर २५.७(१६.६), मालेगाव ३५.४(२१.४), नाशिक ३३.९(१८.६), सांगली ३३.२(२०.७), सातारा ३१.३(२०.४), सोलापूर ३४.८(२२.०), सांताक्रुझ ३३.० (२२.६), अलिबाग ३१.७(२३.३), रत्नागिरी ३२.५(२२.३), डहाणू ३३.० (२४.५), औरंगाबाद ३४.८(१९.०), परभणी ३४.७(१६.४), नांदेड ३५.०(२०.५), अकोला ३५.९(२१.०), अमरावती ३६.४(२०.०), बुलडाणा ३४.०(२०.२), चंद्रपूर ३५.०(२२.६), गोंदिया ३३.८(२०.६), नागपूर ३४.६(१९.२), वर्धा ३५.४(१९.८), यवतमाळ ३६.०(२०.०). शुक्रवारी (ता. १९) सकाळपर्यंतच्या २४ तासांत राज्यात विविध ठिकाणी पडलेला पाऊस, मिलिमीटरमध्ये (स्राेत - कृषी  विभाग) :  रायगड : पनवेल ३७, ओवले २५, कर्नाळा २६, वावशी २३, उरण २५, खोपोली ३४, पेण ३५, हमारपूर ३५, कामर्ली ४६, रोहा ३६, नागोठणे २५, कोंडवी २५.  रत्नागिरी : मार्गताम्हाणे २०, वाहल ३६, असुर्डे ३४, कळकवणे ६७, आंबवली २३, दाभील २०, तळवली २०, पाटपन्हाळे २४, रत्नागिरी २७, खेडशी २०, जयगड २३, मुलगुंड २२, तरवल २६, पाली २१, कडवी २१, म्हाबळे ३८, तेऱ्हे ४९, जैतापूर २३, लांजा २१, भांबेड ७१, पुनास ३५, सातवली २८, विलवडे ४२.  सिंधुदुर्ग : म्हापण ३१, कणकवली ५५, सांगवे ५६, नांदगाव ४८, वागदे ५३, माणगाव २१.  पुणे : किकवी २६, आंबवडे ४४, सणसर ३२, वाल्हा २१. सातारा : केळघर २०, फलटण २३, राजळे २०, तापोळा २५, लामज ४७. कोल्हापूर : निगवे २०, बालिंगे ३७, काडगाव २८, गवसे २२, चंदगड २२, नारंगवाडी ३०.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com