कोकण, पश्‍चिम महाराष्ट्रात पावसाची शक्यता

कोकण, पश्‍चिम महाराष्ट्रात पावसाची शक्यता
कोकण, पश्‍चिम महाराष्ट्रात पावसाची शक्यता

पुणे: राज्याच्या कमाल तापमानात चढ-उतार सुरू असतानाच रात्रीचे तापमान कमी होऊ लागले आहे. पावसाला पोषक हवामानामुळे अरबी समुद्रात किनाऱ्यालगत ढगांची दाटी असून, कोकण, मध्य महाराष्ट्रात अंशत: ढगाळ हवामान आहे. शुक्रवारपर्यंत (ता.१९) दक्षिण कोकणातील रायगड, रत्नागिरी, सिंधुदुर्ग, तर पश्‍चिम महाराष्ट्रातील कोल्हापूर, सातारा, सांगली जिल्ह्यात पाऊस पडण्याची शक्यता हवामान विभागाने वर्तविली आहे.  राज्यात उन्हाचा चटका कायम असून, मंगळवारी (ता. १६) सकाळपर्यंतच्या २४ तासांमध्ये सांताक्रुझ येथे उच्चांकी ३७.५ अंश सेल्सिअस, तर नगर येथे राज्यातील नीचांकी १५.६ अंश सेल्सिअस तापमानाची नोंद झाली. दक्षिण मध्य महाराष्ट्रात समुद्रसपाटीपासून ९०० मीटर उंचीवर असलेल्या चक्राकार वाऱ्यामुळे दक्षिण कोकणासह पश्‍चिम महाराष्ट्रात पावसाला पोषक हवामान होत आहे. मंगळवारी दुपारी या भागात ढग जमा झाले होते.  नैऋत्य मोसमी वाऱ्यांनी (मॉन्सून) ६ ऑक्टोबर रोजी महाराष्ट्रासह बहुतांशी देशातून माघार घेतल्यांनतर परतीचा प्रवास मंदावला आहे. त्यामुळे दक्षिण भारतातील राज्यांमध्ये मॉन्सूनचे अस्तित्व असल्याचे हवामान विभागाने स्पष्ट केले आहे. साधारणत: १५ ऑक्टोबर रोजी देशभरातून परतणारा मॉन्सून यंदा अद्यापही परतलेला नाही. दक्षिणेकडील राज्यात अद्याप पावसाने जोर धरलेला नसून, पाऊस सुरू झाल्यानंतर नैऋत्य मोसमी वारे देशभरातून परतल्याचे जाहीर करण्यात येईल, असे हवामान विभागाच्या सूत्रांनी सांगितले.   मंगळवारी (ता.१६) सकाळपर्यंतच्या २४ तासांमध्ये राज्यातील विविध ठिकाणचे कमाल, किमान (कंसात) तापमान (अंश सेल्सिअसमध्ये) : पुणे ३४.१ (१८.१), नगर - (१५.६), जळगाव ३७.० (१८.२), कोल्हापूर ३३.१(२२.१), महाबळेश्‍वर २८.० (१७.०), मालेगाव ३६.४ (२०.६), नाशिक ३३.८ (१६.९), सांगली ३४.३ (१९.८), सातारा ३३.४ (१७.३), सोलापूर ३६.५ (२१.८), सांताक्रुझ ३७.५ (२३.४), अलिबाग ३६.५ (२४.०), रत्नागिरी ३४.८ (२३.९), डहाणू ३४.७ (२३.७), आैरंगाबाद ३४.४ (१७.४), परभणी ३५.६ (१६.४), नांदेड - (२०.०), उस्मानाबाद - (१४.५), अकोला ३६.२ (२०.०), अमरावती ३६.० (१८.८), बुलडाणा ३४.० (२०.४), चंद्रपूर ३५.६ (२१.४), गोंदिया ३३.४ (१९.३), नागपूर ३४.७ (१७.२), वर्धा ३४.५ (१७.६), यवतमाळ ३६.० (१९.०).

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com