कोकण, मध्य महाराष्ट्र, मराठवाड्यात वादळी पावसाची शक्यता

 कोकण, मध्य महाराष्ट्र, मराठवाड्यात वादळी पावसाची शक्यता
कोकण, मध्य महाराष्ट्र, मराठवाड्यात वादळी पावसाची शक्यता

पुणे : राज्यात सकाळपासून उन्हाचा चटका, तर दुपारनंतर ढग जमा होऊन सायंकाळी पाऊस पडत आहे. सोमवारी सायंकाळनंतर मध्य महाराष्ट्रातील सोलापूर, सातारा, सांगली, काेल्हापूर तर मराठवाड्यातील लातूर, उस्मानाबाद, नांदेड जिल्ह्यांत पावसाने हजेरी लावली. कोल्हापूरसह काही ठिकाणी वादळी पाऊस झाला. आज (ता. २७) आणि उद्या (ता. २८) कोकण, मध्य महाराष्ट्र, मराठवाड्यात मेघगर्जना, विजांसह वादळी पाऊस पडण्याचा अंदाज हवामान विभागाने वर्तविला आहे.   राज्याचा उन्हाचा चटकाही वाढत असून, मध्य महाराष्ट्रात कमाल तापमानात सरासरीपेक्षा ३ ते ५ अंशांची, तर मराठवाड्यात २ ते ४ अंशांची वाढ झाली आहे. 

बुधवारी (ता.२६) सकाळपर्यंतच्या २४ तासांमध्ये सोलापूर येथे राज्यातील उच्चांकी ३६.३ अंश सेल्सिअस तापमानाची नोंद झाली. मध्य महाराष्ट्र, मराठवाड्यात अनेक ठिकाणी पावसानेही हजेरी लावली आहे. साेलापूर, सांगली, कोल्हापूरमध्ये पावसाचा जोर अधिक होता. हा पाऊस रब्बीच्या पेरणीसाठी लाभदायक ठरणार आहे.   बुधवारी (ता.२६) सकाळपर्यंतच्या २४ तासांमध्ये राज्यातील विविध ठिकाणचे कमाल तापमान (अंश सेल्सिअसमध्ये) : पुणे ३३.६, नगर ३४.८, जळगाव ३४.२, महाबळेश्‍वर २५.७, मालेगाव ३५.८, नाशिक ३१.३, सांगली ३४.४, सातारा ३३.९, सोलापूर ३६.३, मुंबई ३२.२, अलिबाग ३२.०, रत्नागिरी ३१.८, डहाणू ३२.०, आैरंगाबाद ३३.८, परभणी ३३.५, नांदेड ३४.०, बीड ३४.८, अकोला ३३.७, अमरावती ३३.०, बुलडाणा २९.२, ब्रह्मपुरी ३४.२, चंद्रपूर ३५.२, गोंदिया ३३.०, नागपूर ३४.०, वर्धा ३३.९, यवतमाळ ३३.०. मंगळवारी (ता.२६) सकाळपर्यंतच्या २४ तासांमध्ये विविध ठिकाणी पडलेला पाऊस, मिलिमीटरमध्ये (स्त्रोत - कृषी विभाग) :  मध्य महाराष्ट्र : सुर्डी ४२, मैंदर्गी १३, वागदरी १६, माढा १५, कुर्डूवाडी ६४, रोपळे १६, मोडनिंब १४, सालसे २५, भंडीशेगाव १४, भाळवणी १४, भोसे १४, आनेवाडी १२, शेणोली २२, होळ २२, तरडगाव ४६, भुईज १०, बुधगाव ३७, मिरज ५५, सांगली ६२, कसबे डिग्रज ६५, मालगाव २७, कवलापूर २५, संख २२, जत १८, डफळापूर १६, कुंभारी १०, विटा ११, सावळज २७, धालगाव २९, देशिंग १५, कवठेमहांकाळ १२, हिंगणगाव ४५, अंकलखोप २९, हातकणंगले २२, हेर्ले ३०, रुई १२, वडगाव १२, वाठार १७, शिरोळ ३५, नांदणी १८, जयसिंगपूर ३८, शिरढोण ११, खडकेवाडा १४, आजरा १०. मराठवाडा : बाळानगर २७, पानचिंचोली १८, कासार बालकुंड १३, नळदुर्ग २१, डाळिंब २४, मुरूम ११, येवती २२, चांडोळा २५, कंधार १८, कुरुळा २२, भोकर १३, मातूळ १०, माळेगाव २२. 

माॅन्सूनच्या परतीला पोषक स्थिती मॉन्सूनच्या प्रवाहातील बाष्पाचे प्रमाण कमी झाल्याने राजस्थान, हरियाना, चंदीगड, दिल्ली, पंजाब, उत्तर प्रदेश, गुजरात, मध्य प्रदेश या राज्यांमध्ये मुख्यत: कोरडे हवामान आहे. आजपासून (ता. २६) वायव्य भारतात खालच्या थरांतील वाऱ्यांची दिशा बदलणार आहे. मॉन्सून वारे माघारी फिरण्यास पोषक स्थिती तयार होणार असल्याने शनिवारपासून (ता.२९) परतीचा प्रवास सुरू होणार असल्याचे हवामान विभागाने स्पष्ट केले आहे.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com