राज्यात उद्यापासून पावसाचे संकेत

राज्यात उद्यापासून पावसाचे संकेत
राज्यात उद्यापासून पावसाचे संकेत

पुणे: बंगालच्या उपसागरात तयार होत असलेल्या कमी दाबाचे क्षेत्र, अरबी समुद्रात असलेली चक्राकार वाऱ्यांची स्थिती यामुळे राज्यात पावसाला पोषक हवामान तयार होत आहे. दोन दिवसांपासून काही ठिकाणी पावसाने हजेरी लावली आहे. राज्यात आज (ता. १९) तुरळक ठिकाणी पावसाची शक्यता आहे. तर गुरुवारपासून (ता. २०) कोकण, मराठवाडा, विदर्भात पाऊस सुरू होण्याचे संकेत असून, शुक्रवारी (२१) विदर्भ आणि दक्षिण कोकणात तुरळक ठिकाणी मुसळधार पावसाचा अंदाज वर्तविण्यात आला आहे. बंगालच्या उपसागरात समुद्र सपाटीपासून ७.६ किलोमीटर उंचीवर चक्राकार वारे वाहत असून, उद्या (१९) या भागात कमी दाबाचे क्षेत्र तयार होणार असून, त्यानंतरच्या २४ तासांमध्ये त्याची तीव्रता वाढणार आहे. कोकण, गोवा, दक्षिण गुजरात जवळच्या अरबी समुद्रामध्ये समुद्र सपाटीपासून ३.१ त ४.५ किलोमीटर उंचीवर चक्राकार वाऱ्यांची स्थिती आहे. यामुळे राज्यात ढगाळ हवामान तयार होत असून, हलक्या ते मध्यम स्वरुपाचा पाऊसही पडत आहे.   राज्यातील हवामानात वेगाने बदल होत असून, तापमानातही चढ-उतार होत आहे. मंगळवारी (ता. १८) सकाळपर्यंतच्या २४ तासांमध्ये वर्धा येथे उच्चांकी ३५.९ अंश सेल्सिअस तापमानाची नोंद झाली. राज्यातील विविध ठिकाणचे कमाल, कसांत किमान तापमान (अंश सेल्सिअसमध्ये) : पुणे ३१.३, नगर ३२.८, कोल्हापूर ३२.६, महाबळेश्‍वर २४.०, मालेगाव ३१.६, नाशिक ३०.४, सांगली ३१.२, सातारा ३१.४, सोलापूर ३०.९, मुंबई ३२.०, रत्नागिरी ३१.९, डहाणू ३२.०, आैरंगाबाद ३०.४, परभणी २७.४, नांदेड ३३.०, अकोला ३५.१, अमरावती ३१.६, बुलडाणा ३०.६, चंद्रपूर ३५.०, गोंदिया ३३.६, नागपूर ३४.२, वर्धा ३५.९, यवतमाळ ३५.५. मॉन्सूनचा परतीचा प्रवास लांबला मॉन्सूनचे अस्तित्व दर्शविणारा कमी दाबाचा पट्टा (मॉन्सून ट्रफ) विरून गेल्याचे हवामान विभागाने सोमवारी (ता. १७) स्पष्ट केले. यातच राजस्थान, मध्य प्रदेशासह वायव्य भारतातील राज्यांमध्ये कोरडे हवामान आहे. ही स्थिती मॉन्सून माघारी फिरण्यास पोषक स्थिती असल्याचे दर्शवते. मात्र, बंगालच्या उपसागरातील कमी दाब क्षेत्रामुळे मध्य आणि वायव्य भारतात पुन्हा पाऊस सुरू होण्याची शक्यता अाहे. त्यामुळे मॉन्सूनच्या वाऱ्यांचा परतीचा प्रवास सुरू झाला नसल्याचे हवामान विभागाच्या सूत्रांनी सांगितले.   

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com