कोकण, मध्य महाराष्ट्रात आजही पावसाची शक्यता

नकाशा अप्रमाणित
नकाशा अप्रमाणित

पुणे : पावसाला पोषक हवामान असल्याने राज्यात वादळी पाऊस पडत आहे. दक्षिण कोकण, पश्‍चिम महाराष्ट्रात दाट ढग असून, मराठवाडा आणि विदर्भातही ढगाळ हवामान होते. आज (ता. २०) दक्षिण कोकणातील सिंधुदुर्ग, मध्य महाराष्ट्रातील नगर, पुणे, कोल्हापूर, सातारा, सांगली, सोलापूर जिल्‍ह्यांमध्ये पावसाचा अंदाज आहे. अरबी समुद्रात असलेल्या तीव्र कमी दाब क्षेत्राच्या प्रभावामुळे राज्यात पावसासाठी पोषक हवामान तयार झाले आहे. ढगाळ हवामानामुळे किमान तापमान मोठी वाढ झाल्याने थंडी गायब झाली आहे. गोंदिया येथे नीचांकी १४.८ अंश सेल्सिअस तापमानाची नोंद झाली आहे. अरबी समुद्रातील कमी दाब क्षेत्र निवळत आहे. मात्र बंगालच्या उपसागरात नव्याने तयार झालेल्या कमी दाब क्षेत्राची तीव्रता वाढत आहे. यामुळे दक्षिण भारतातील राज्यात पावसाचा जोर वाढण्याची शक्यता आहे. तर राज्यातही बुधवारपर्यंत (ता. २१) पाऊस पडण्याचा अंदाज वर्तविण्यात आला आहे. सोमवारी (ता. १९) सकाळपर्यंतच्या २४ तासांमध्ये राज्यातील विविध ठिकाणचे किमान तापमान, कंसात सरासरीच्या तुलनेत तफावत (अंश सेल्सिअसमध्ये) : पुणे १८.२ (४), नगर १८.० (३) जळगाव १४.२ (-१), कोल्हापूर २२.१ (५), महाबळेश्‍वर १७.२ (३), मालेगाव १९.० (५), नाशिक १६.० (३), सांगली २१.५ (५), सातारा २०.३ (४), सोलापूर २३.८ (६), सांताक्रूझ २१.९ (१), अलिबाग २२.४ (२), रत्नागिरी २४.८ (३), डहाणू २१.२ (१), आैरंगाबाद १९.२ (५), परभणी २३.० (६), नांदेड २३.० (८), अकोला २०.६ (४), अमरावती १९.२ (२), बुलडाणा २१.४ (५), चंद्रपूर २१.४ (५), गोंदिया १४.८ (-१), नागपूर १६.१ (१), वर्धा १८.४ (२), यवतमाळ १९.२ (२).

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com