agriculture news in marathi, rain, pune | Agrowon

राज्यात पावसाचा धुमाकूळ
संदीप नवले
सोमवार, 9 ऑक्टोबर 2017

रविवारी (ता. ८) सकाळपर्यंत राज्यातील अनेक भागांत परतीच्या पावसाने धुमाकूळ घातला. राज्यभरात भात, सोयाबीन, मूग, उडदासह भाजीपाल्याचे नुकसान झाले, तर वीज कोसळून जवळपास वीस जणांचा मृत्यू झाला आहे. 

पुणे ः गेल्या दहा ते बारा दिवसांपासून परतीच्या पावसाचे मार्गक्रमण सुरू झाले. राज्यात परतीचा पाऊस दाखल झाला नाही; मात्र हवामानात बदल झाला आहे. रविवारी (ता. ८) सकाळपर्यंत राज्यातील अनेक भागांत परतीच्या पावसाने धुमाकूळ घातला. राज्यभरात भात, सोयाबीन, मूग, उडदासह भाजीपाल्याचे नुकसान झाले, तर वीज कोसळून जवळपास वीस जणांचा मृत्यू झाला. 

रविवारी सकाळपर्यंत झालेला जोरदार पाऊस व कडाडणाऱ्या विजांमुळे अनेक ठिकाणी नुकसान झाले. किन्हेरी (जि. रायगड) परिसरात वीज अंगावर कोसळून दोघांचा मृत्यू झाला. नगरमधील कोपरगाव तालुक्यातील संवत्सर येथे शेतात काम करणाऱ्या महिलेच्या अंगावर वीज पडून मृत्यू झाला तर १२ महिला जखमी झाल्या. इतर ठिकाणी दोघांचा मृत्यू झाला. सातारा जिल्ह्यातील कणूर (ता. वाई) येथे एका व्यक्तीचा वीज पडून बळी गेला.

औरंगाबाद जिल्ह्यात ढाकेफळ (ता. पैठण) परिसरातील येळगंगा नदीच्या पुलावरून जात असताना एका कामगाराचा तर देवगाव रंगारी येथेही २२ वर्षांच्या तरुणाचा विजेने बळी घेतला. पैठण तालुक्यातील रहाटगाव शिवारात झाडाखाली थांबलेल्या एका महिलेवर वीज अंगावर पडून जागीच मृत्यू झाला. त्यांच्यासोबत असलेली एक महिला अत्यवस्थ असून त्यांच्यावर उपचार सुरू आहेत.

बीडमध्ये धारूर तालुक्यात चारदरी येथे झाडाखाली थांबलेल्या दहा जणांच्या अंगावर वीज कोसळली. त्यातील पाच जण जागीच ठार झाले असून पाच जण गंभीर जखमी झाले. त्यांच्यावर ग्रामीण रुग्णालयात उपचार सुरू आहेत. माजलगाव तालुक्यातील लोणगाव येथे एका महिलेच्या अंगावर वीज कोसळली. जालना जिल्ह्यातील धोपटेश्वर गावात शेतात काम करत असलेल्या एका महिलेचा वीज कोसळून मृत्यू झाला. विदर्भातील डोणगाव येथे एक व्यक्तीचा मृत्यू झाला असून तिघे जखमी झाले. भंडारा जिल्ह्यातही एका व्यक्तीचा वीज पडून मृत्यू झाला. 

कोकणातील ठाणे, रायगड, पालघर, सिंधुदुर्ग जिल्ह्यांत पाऊस झाला. त्यामुळे कोकणात काढणीस आलेल्या भाताचे नुकसान झाले. अनेक ठिकाणी भात खाचरांमध्ये पाणी साचले व पीक आडवे झाले. याचा मोठा फटका भात उत्पादकांना बसला आहे. मध्य महाराष्ट्रातील नाशिक, नगर, पुणे, सोलापूर, सातारा, सांगली, कोल्हापूर जिल्ह्यांतील अनेक मंडळांमध्ये पाऊस झाला. या पावसाने भाजीपाला तेसच फळबागांचे नुकसान झाले.

खान्देशातील धुळे आणि नंदुरबार जिल्ह्यांमधेही अनेक ठिकाणी पाऊस झाला. मराठवाड्यातील औरंगाबाद, बीड, उस्मानाबाद, नांदेड, हिंगोली जिल्ह्यांत अनेक ठिकाणी पाऊस झाला. विदर्भातील बुलडाणा, वाशिम, अमरावती, यवतमाळ, वर्धा, नागपूर, भंडारा, गोंदिया, चंद्रपूर, गडचिरोली जिल्ह्यांत अनेक ठाकाणी पावसाने हजेरी लावली. या पावसामुळे काढणी केलेल्या व आलेल्या मूग, उडीद सोयाबीन, उसाचे नुकसान झाले.

इतर अॅग्रो विशेष
शेतकऱ्यांच्या वाढल्या ‘खरीप वेदना’पुणे : सोयाबीनचे कोसळेले भाव, तूर-मुगाची वेळेत न...
लोकभावनेच्या दबावामुळे कर्जमाफीत काही...नागपूर : कर्जबाजारी शेतकऱ्यांना दिवाळीआधी...
अखेर ‘डीबीटी’ धोरण जिल्हा परिषद सेस...पुणे  : राज्यात जिल्हा परिषदांमधील सेस...
साखर उद्योगाबाबत केंद्राशी वाटाघाटी करानागपूर : शेतकरी संघटना उसाला ३,५०० रुपयांची मागणी...
गोंदिया 11.5 अंशांवरपुणे : उत्तरेकडून थंड वारे वाहू लागले आहेत. याचा...
सरकारने शेतकऱ्यांचा विश्‍वासघात केला ः...औरंगाबाद: आलटून पालटून सत्ता भोगण्याचे सत्ताधारी...
भाजीपाला उत्पादकांचा धुक्‍यात घुसमटतोय...कोल्हापूर : गेल्या पंधरा दिवसांत भाजीपाल्याचे दर...
बदलत्या वातावरणामुळे द्राक्ष बागा...सांगली : जिल्ह्यातील द्राक्ष पट्ट्यात गेल्या तीन...
कोल्हापूरचे शिवसेना आमदार प्रकाश...नागपूर : छत्रपती शिवाजी महाराज शेतकरी सन्मान...
बोंडअळीग्रस्तांना मदतीसाठी रॅपरची अट...नागपूर ः बोंडअळी प्रादुर्भावग्रस्त शेतकऱ्यांना...
कीडरोग सर्व्हेक्षकांना टाकणार काळ्या...नागपूर : कीडरोग सर्व्हेक्षकांनी आपल्या विविध...
विदर्भासाठी कृषी विभागाचा ॲक्‍शन प्लॅननागपूर ः कापूस आणि सोयाबीन उत्पादक पट्टयात रेशीम...
मदतीअभावी राज्यातील सूतगिरण्यांना घरघर...सोलापूर ः कापसाचे वाढलेले दर, सरकारचे कुचकामी...
उसामध्ये योग्य प्रकारे करा मोठी बांधणीउसाची भरणी केल्यानंतर १ ते १.५ महिन्याने लहान...
उपक्रमशीलता असावी तर चांगदेवच्या...जळगाव जिल्ह्यातील चांगदेव गाव परिसरातील...
सेंद्रिय भाजीपाल्यासाठी थेट मिळवले...नागपूरचे रहिवासी असलेल्या सुनील कोंडे या...
अर्थकारण सुधारणारी तरुणाची एकात्मिक...एकात्मिक शेती पद्धतीचा अंगीकार केल्यानेच सराफवाडी...
कृषी आयुक्तालयातील दक्षता पथक प्रमुखाची...पुणे : राज्याच्या कृषी आयुक्तालयातील दक्षता...
थेट विक्री, प्रक्रियेतून फायदेशीर...दुग्ध व्यवसाय अत्यंत खर्चिक झाला आहे. केवळ...
धान, बोंड अळीग्रस्तांना मदत : पांडूरंग...नागपूर ः गुलाबी बोंड अळीमुळे २० जिल्ह्यांतील...