संग्रहित छायाचित्र
संग्रहित छायाचित्र

पुणे जिल्ह्याच्या पश्‍चिम भागात पावसाची हजेरी

पुणे  : पुणे जिल्ह्याच्या पश्‍चिमेकडील तालुक्यांमध्ये हलक्या ते जोरदार पावसाने हजेरी लावली आहे. मात्र पूर्व भागातील दुष्काळीपट्ट्यात मात्र पावसाची प्रतीक्षा आहे. जिल्ह्यात खरीप पेरण्याही सुरू झाल्या आहेत. मात्र पेरण्यांना वेग येण्यासाठी अाणखी जोरदार पाऊस अपेक्षित आहे.

सोमवारी (ता. २५) सकाळपर्यंतच्या २४ तासांमध्ये मावळ, मुळशी तालुक्यात पावसाचा जोर वाढला आहे. मावळ तालुक्यातील कार्ला येथे सर्वाधिक ८३, तर लोणावळा येथे ७५ मि.मी. पावसाची नोंद झाली. भाेर, वेल्हे, आंबेगाव, खेड, जुन्नर तालुक्यातही हलका ते मध्यम स्वरूपाचा पाऊस झाला. मंगळवारी सकाळपासून जिल्ह्याच्या विविध भागांत अधूनमधून हलक्या सरी येत होत्या.

जिल्ह्यातील धरणांच्या परिसरातही पावसाला सुरवात झाली अाहे. मुळा-मुठा नदीच्या खोऱ्यात पावसाचा जोर अधिक आहे. नीरा आणि भीमा नदीच्या उपखोऱ्यातही पाऊस पडत असून, घोड नदीच्या खोऱ्यातील धरण परिसरात पावसाने अपेक्षित जोर धरलेला नाही. भीमेच्या उपखोऱ्यातील वडिवळे येथे २८, मुळा-मुठा खोऱ्यातील पवना येथे २०, मुळशी येथे ५०, टेमघर येथे ३१, वरसगाव येथे १७, पानशेत येथे १७ मिलिमीटर पावसाची नोंद झाल्याचे पाटबंधारे विभागातर्फे सांगण्यात आले.

जिल्ह्यात सोमवारी सकाळपर्यंतच्या २४ तासांमध्ये पडलेला पाऊस (मि.मी.- स्रोत कृषी विभाग) : पौड ४२, घोटावडे १७, माले ५०, मुठे २९, पिरंगुट १८, भोलावडे ३२, निगुडघर १८, काले १७, कार्ला ८३, खडकाळा १८, लोणावळा ७५, शिवणे १७, वेल्हा २३, पाणशेत १७, विंझर १२, अंभवणे १५, राजूर १९, कुडे २०.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com