कोकणात पावसाचा जोर वाढणार

कोकणात पावसाचा जोर वाढणार
कोकणात पावसाचा जोर वाढणार

पुणे : गेल्या काही दिवसांपासून उघडीप दिलेल्या पावसासाठी आता पुन्हा पोषक वातावरण तयार होत आहे. येत्या रविवारपर्यंत (ता.५) कोकणात पावसाचा जोर वाढण्याची शक्यता आहे. मध्य महाराष्ट्र, मराठवाडा आणि विदर्भात वातावरण अंशत: ढगाळ राहील तर तुरळक ठिकाणी हलक्या पावसाचा अंदाज हवामान विभागाने वर्तविला आहे.  मागील दहा ते बारा दिवसांपासून राज्यातील बहुतांशी भागात पावसाचा जोर ओसरला आहे. त्यामुळे शेतकऱ्यांना पुन्हा पावसाची प्रतीक्षा आहे. अनेक ठिकाणी पावसाअभावी पिकेही सुकत असल्याची चित्र होते. मराठवाड्यात पावसाअभावी दुबार पेरणीची वेळ शेतकऱ्यांवर आली आहे.  मात्र, आता पावसासाठी पोषक वातावरणाची चिन्हे जाणवू लागली आहेत. त्यामुळे काही काळ गायब झालेला पाऊस पुन्हा परतण्याची शक्यता आहे. गुरुवारी (ता.२) सकाळी आठ वाजेपर्यंतच्या चोवीस तासांत कोकणातील माथेरान, म्हसळा, पोलादपूर, मध्य महाराष्ट्रातील लोणावळा, महाबळेश्वर, पाटण, गगनबावडा, राधानगरी, मराठवाड्यातील अहमदपूर, कंधार, मुखेड, उदगीर, औढा नागनाथ, बिलोली, चाकूर, विदर्भातील सिंरोंचा, आमगाव, अर्जुनीमोरगाव, भामरागड, कोर्ची अशा तुरळक ठिकाणी हलक्या स्वरूपाच्या सरी बरसल्या आहेत. तसेच अंबोणे, शिरगाव, दावडी, कोयना, ताम्हिणी, लोणावळा, वळवण, खोपोली या घाटमाध्यावर हलका ते मध्यम स्वरूपाचा पाऊस पडला.  गुजरात ते राजस्थानचा दक्षिण भागात चक्राकार वाऱ्याची स्थिती तयार झाली आहे. ही स्थिती समुद्रसपाटीपासून ३.१ ते ५.८ किलोमीटर अंतर या दरम्यान आहे. त्यामुळे वारे कोकणाच्या दिशेने काही प्रमाणात वाहत असल्याने अनेक ठिकाणी पाऊस पडण्याची शक्यता आहे. बांग्लादेश आणि पश्चिम बंगाल, बंगालचा उपसागर या भागात चक्राकार वाऱ्याची स्थिती आहे. उत्तर प्रदेशाच्या परिसरातही चक्राकार वाऱ्यांची स्थिती आहे. ही स्थिती समुद्रसपाटीपासून नऊशे मिलिमीटर उंचीवर आहे. त्यामुळे पावसासाठी पोषक वातावरण तयार होत आहे.  गुरुवारी (ता.२) सकाळी आठ वाजेपर्यंत पडलेला पाऊस ः (मिलिमीटरमध्ये) कोकण ः माथेरान, म्हसळा, पोलादपूर, संगमेश्वर देवरूख ४०, चिपळून, खेड, महाड, सुधागड, पाली ३०, भिरा, मंडणगड, पेण, श्रीवर्धन, उल्हासनगर २०, मध्य महाराष्ट्र ः लोणावळा, महाबळेश्वर ५०, पाटण ४०, गगनबावडा, राधानगरी, शाहूवाडी २०, चंदगड, इगतपुरी, पन्हाळा, त्र्यंबकेश्वर १० मध्य महाराष्ट्र : अहमदपूर ४०, कंधार, उदगीर ३०, औढा नागनाथ, बिलोली, चाकूर, जळकोट, लोहा, नायगाव खैरगाव २०, विदर्भ : सिंरोचा २०, आमगाव, अर्जुनी मोरगाव, भामरागड, कोर्ची, लांखांदूर, सालेकसा १०. 

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com