नांदेड, परभणी, हिंगोलीतील २५ तालुक्यांत पाऊस

नांदेड, परभणी, हिंगोलीतील २५ तालुक्यांत पाऊस
नांदेड, परभणी, हिंगोलीतील २५ तालुक्यांत पाऊस

नांदेड ः नांदेड, परभणी, हिंगोली जिल्ह्यामधील २५ तालुक्यांतील १०६ मंडळांमध्ये बुधवारी (ता. २७) सकाळी आठ वाजेपर्यंतच्या २४ तासांमध्ये मध्यम ते जोरदार पाऊस झाला. पेरणी केलेल्या, नुकत्याच उगवू लागलेल्या पिकांना तसेच पेरणीसाठी हा पाऊस फायदेशीर ठरणार असल्याने शेतकऱ्यांमधून समाधान व्यक्त केले जात आहे. नांदेड जिल्ह्यातील बिलोली आणि मुखेडवगळता अन्य १४ तालुक्यांतील ५६ मंडळांमध्ये मध्यम ते जोरदार पाऊस झाला.

नांदेड, अर्धापूर, हदगाव, माहूर, मुदखेड, उमरी, भोकर, किनवट, हिमायतनगर तालुक्यांमध्ये पावसाचा जोर अधिक होता. परभणी जिल्ह्यातील पालम, गंगाखेड, सोनपेठ वगळता अन्य ६ तालुक्यांतील २१ मंडळांमध्ये हलका ते मध्यम पाऊस झाला. परभणी, जिंतूर, सेलू, पूर्णा तालुक्यात पावसाचा जोर होता. हिंगोली जिल्ह्यातील सर्व ५ तालुक्यांतील २९ मंडळांमध्ये मध्यम ते जोरदार पाऊस झाला.

मंडळनिहाय पाऊस (मिलिमीटरमध्ये) ः नांदेड जिल्हा ः शहर २७, ग्रामीण १९, वजिराबाद २३, वसरणी २८, तरोडा २१, तुप्पा २४, विष्णुपुरी २५, अर्धापूर १४, दाभड १८, मालेगाव २६, हिमायतनगर १२, सरसरम २०, जवळगाव २०,  हदगाव ३७, तामसा २२, मनाठा ६०, पिंपरखेड ३३, निवघा २३, तळणी २५, आष्टी १८, माहूर १५, वाई २९, वानोळा ३५, सिंदखेड ३०, किनवट १५, इस्लापूर ६, मांडवी १६, बोधनी २१, दहेली ९, जलधारा ८, मुदखेड ३३, मुगट ३८, बारड १५, भोकर १७, मोघाळी २०, किन्ही १८, उमरी २५, सिंधी २३, गोलेगांव २२, धर्माबाद ११, करखेली १७, जारिकोट ५, बरबडा १९, कुंटूर १४, लोहा ८, कापसी ६.

परभणी जिल्हा ः परभणी शहर १३, परभणी ग्रामीण १२, झरी २३, पेडगांव १०, पिंगळी १०, जांब १६, जिंतूर १४, बोरी ७, चारठाणा ९, चिकलठाणा २१, कोल्हा १६, पूर्णा १७, चुडावा १४, कात्नेश्वर १५.

हिंगोली जिल्हा ः हिंगोली २१, खंबाळा ७, माळहिवरा २५, सिरसम ३४, नरसी नामदेव ६, डिग्रस ८, कळमनुरी २४, नांदापूर ८, आखाडा बाळापूर २३, डोंगरकडा १८, वारंगा ४७, वाकोडी १२, गोरेगांव १८, आजेगांव २७, साखरा १६, पानकनेरगांव १४, वसमत २८, हट्टा २४, गिरगांव २१, कुरुंदा ४०, टेंभुर्णी २०, आंबा ४१, हयातनगर १६, औंढा नागनाथ २८,जवळा बाजार २९, येळेगाव २७, साळणा २२.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com