agriculture news in marathi, rainfall decrease in koyna dam catchment area, satara,maharashtra | Agrowon

कोयना धरणाच्या पाणलोट क्षेत्रात पावसाचा कमी जोर
टीम अॅग्रोवन
मंगळवार, 21 ऑगस्ट 2018

सातारा   ः कोयना धरणाच्या पाणलोट क्षेत्रात पावसाचा जोर कमी झाल्याने पाण्याचा विसर्ग सोमवारी (ता.२०) दुपारी दोन वाजता कमी करण्यात आला आहे. सध्या या धरणातून २७ हजार १७ क्युसेक पाण्याचा विसर्ग सूरू आहे. पश्‍चिमेकडील महाबळेश्र्वर, पाटण, जावली, सातारा, कराड तालुक्यात मात्र पाऊस सुरूच आहे.

सातारा   ः कोयना धरणाच्या पाणलोट क्षेत्रात पावसाचा जोर कमी झाल्याने पाण्याचा विसर्ग सोमवारी (ता.२०) दुपारी दोन वाजता कमी करण्यात आला आहे. सध्या या धरणातून २७ हजार १७ क्युसेक पाण्याचा विसर्ग सूरू आहे. पश्‍चिमेकडील महाबळेश्र्वर, पाटण, जावली, सातारा, कराड तालुक्यात मात्र पाऊस सुरूच आहे.

कोयना धरणाच्या पाणलोट जोर कमी होऊ लागल्याने विसर्ग कमी करण्यात आला आहे. सोमवारी दुपारी दोन वाजता धरणाचे सहा वक्र दरवाजे तीन फुटांवर करण्यात आले. या दरवाज्यातून २४ हजार ९१७ व पायथा वीजगृहातून २१०० असा एकुण २७ हजार १७ क्युसेक पाण्याचा विसर्ग सुरू ठेवण्यात आला. कोयना धरणात १०१.०२ टीएमसी पाणीसाठा झाला आहे. हे धरण भरण्यासाठी अवघ्या चार टीएमसी पाण्याची गरज आहे.

तसेच धोम, कण्हेर, बलकवडी व उरमोडी या धरणातून पाण्याचा विसर्ग सुरू आहे. यामध्ये धोम धरणातून ४२३०, कण्हेर धरणातून ३९५५, बलकवडी धरणातून १२२३, उरमोडी धरणातून ४५० क्युसेक विसर्ग सुरू आहे. जिल्ह्याच्या पश्चिमेकडील महाबळेश्र्वर तालुक्यात पावसाचा जोर अधिक आहे. तसेच पाटण, जावली, सातारा, कराड या तालुक्यांत अनके ठिकाणी अधूनमधून पावसाचा दमदार सरी कोसळत आहेत. कोरेगाव, वाई, खटाव, खंडाळा तालुक्यात तुरळक पाऊस सुरू आहे. माण व फलटण तालुक्यात पावसाने पूर्णपणे दडी मारली आहे.  

जिल्ह्यातील पश्चिम भागात दमदार पाऊस पडत असल्याने धरणातील पाणी सोडावे लागत आहे. मात्र, प्रामुख्याने माण व फलटण, तालुक्यातील अनेक गावे कोरडी आहेत. सर्वात कमी पाऊस माण तालुक्यात झाला असल्याने येथील पिके धोक्यात आली आहेत. या तालुक्यातील आठ गावे व ३८ वाड्यावस्त्यांवर सहा टँकरद्वारे पाणीपुरवठा केला जात आहे. या तालुक्यातील पाऊस पडावा, यासाठी म्हसवड येथे माणदेशी फाउंडेशनच्या वतीने कृत्रिम पावसाचा प्रयोग राबवण्यास सुरवात करण्यात आली आहे.

 

जिल्ह्यातील प्रमुख धरणांतील पाणीसाठा (टीएमसी)
धरण पाणीसाठा
कोयना  १०१.०२
धोम  १२.५६
कण्हेर ९.५७
उरमोडी ९.५२
तारळी ५.३८२
बलकवडी ३.८७

 

इतर ताज्या घडामोडी
पुणे जिल्ह्यातील सात साखर कारखान्यांचा...पुणे ः पुणे जिल्ह्यातील साखर कारखान्यांचा ऊस गाळप...
उष्णतेचे कारण देऊन पपईच्या दरात अडवणूकनंदुरबार : जिल्ह्यातील पपई उत्पादकांना अपेक्षित...
नांदेड जिल्ह्यात साडेअकराशे हेक्टरवर...नांदेड ः नांदेड जिल्ह्यात गुरुवार (ता. १४) पर्यंत...
नगर जिल्हाधिकाऱ्यांच्या तपासणी मोहिमेची...नगर : जनावरांच्या छावण्या सुरू केल्या. मात्र,...
वऱ्हाडात हळद काढणीला सुरवातअकोला : वऱ्हाडात दुष्काळी परिस्थिती, तसेच पाणी...
परभणीतील पशुवैद्यक विद्यार्थ्यांचे भीक...परभणी ः पशुसंवर्धन विभागांतर्गंत पशुधन सहायकांना...
नाशिक जिल्ह्यात बिबट्यांचा धुमाकूळनाशिक : नाशिक शहर व जिल्ह्यात बिबट्याच्या...
सोलापूर कृषी विज्ञान केंद्राला...सोलापूर : भारतीय कृषी व संशोधन परिषदेअंतर्गत...
नगर जिल्ह्यात सव्वा कोटी टन उसाचे गाळपनगर ः जिल्ह्यातील २३ सहकारी व खासगी साखर...
सोलापूर जिल्हा दूध संघाचे पैसे...सोलापूर : दूध अनामत रक्कम, पशुखाद्य व गायी...
शेतकऱ्यांचे नाही, तर श्रीमंतांचे...प्रयागराज, उत्तर प्रदेश : "गेल्या काही...
नगरला चिंच प्रतिक्विंटल ८३०० ते ११९००...नगर ः नगर बाजार समितीत गेल्या आठवडाभरात भुसार...
शिरवळला पशुवैद्यकीय विद्यार्थ्यांचे...सातारा : सहायक पशुधन विकास अधिकाऱ्यांच्या...
स्वाभिमानीसोबत दिलजमाईसाठी बुलडाण्यात...बुलडाणा ः लोकसभा निवडणुकीसाठी राष्ट्रवादीने...
जळगावात गव्हाची आवक रखडत; दर स्थिरजळगाव ः जिल्ह्यात गव्हासाठी प्रसिद्ध असलेल्या...
नाशिकमध्ये हिरव्या मिरचीची आवक टिकून;...नाशिक : नाशिक कृषी उत्पन्न बाजार समितीमध्ये...
I transfer my JOSH to you...पणजी : गोव्याचे मुख्यमंत्री मनोहर पर्रीकर यांनी...
जीवलग मित्र गेला...मनोहर गेला. हे जरी सत्य असले तरी ते मान्य होणे...
जबरदस्त, प्रभावी इच्छाशक्तीचे केंद्र :...लहानपणापासूनच कुठलीही गोष्ट एकदा ठरवली की, तो ती...
तळपत्या सूर्याचा अस्त !राजकारणी माणसाला यश आणि अपयशाचा सामना रोजच करावा...