Agriculture News in Marathi, Rainfall deficit in India | Agrowon

वायव्य, मध्य भारतात पावसाची हुलकावणी
संदीप नवले
सोमवार, 18 सप्टेंबर 2017

पुणे ः यंदा देशात चांगला पाऊस पडण्याचा अंदाज हवामान विभागाने वर्तविला होता. तरी दरवर्षीप्रमाणे पावसाने यंदाही देशातील वायव्य आणि मध्य भारतात हुलकावणी दिली असल्याचे एक जून ते १३ सप्टेबर या कालावधीत झालेल्या पावसाच्या नोंदीवरून दिसून येते.

देशात आत्तापर्यंत ७५२.७ मिलिमीटर एवढा पाऊस पडला आहे. एक जून ते सात सप्टेंबर या कालावधीत ईशान्य भारतातील हिमालय, पश्‍चिम बंगाल, सिक्कीम, आसाम, मेघालय, अरुणाचल प्रदेश येथे मुसळधार पाऊस पडला.

पुणे ः यंदा देशात चांगला पाऊस पडण्याचा अंदाज हवामान विभागाने वर्तविला होता. तरी दरवर्षीप्रमाणे पावसाने यंदाही देशातील वायव्य आणि मध्य भारतात हुलकावणी दिली असल्याचे एक जून ते १३ सप्टेबर या कालावधीत झालेल्या पावसाच्या नोंदीवरून दिसून येते.

देशात आत्तापर्यंत ७५२.७ मिलिमीटर एवढा पाऊस पडला आहे. एक जून ते सात सप्टेंबर या कालावधीत ईशान्य भारतातील हिमालय, पश्‍चिम बंगाल, सिक्कीम, आसाम, मेघालय, अरुणाचल प्रदेश येथे मुसळधार पाऊस पडला.

ईशान्य भारतात सरासरी १२८०.५ मिलिमीटर एवढा पाऊस पडतो. प्रत्यक्षात ईशान्य भारतात १२६६.६ मिलिमीटर पाऊस पडला आहे. सरासरीच्या तुलनेत एक टक्के कमी पाऊस पडला आहे.

सर्वदूर झालेल्या पावसामुळे पिकांना चांगला मिळाला असला तरी अनेक भागात नुकसान झाल्याचेही चित्र पाहावयास मिळाले. वायव्य भारतात सरासरी ५६८.५ मिलिमीटर एवढा पाऊस पडतो. यंदा ५१९.७ मिलिमीटर एवढा पाऊस पडला आहे. सरासरीच्या तुलनेत आत्तापर्यंत नऊ टक्के कमी पाऊस पडला.

मध्य भारतात जुलैमध्ये पडलेल्या पावसाच्या खंडामुळे अनेक भागात दुष्काळजन्य परिस्थिती उद्भवली होती. महाराष्ट्रातही पावसाचा मोठा खंड पडल्याने पिके वाया गेली. दरवर्षी मध्य भारतात सरासरी ८९५.६ मिलिमीटर एवढा पाऊस पडतो. यंदा १३ सप्टेंबरपर्यत ८११.४ मिलिमीटर म्हणजेच नऊ टक्के कमी पाऊस पडला. दक्षिण द्वीपकल्पाच्या अनेक भागात कमी पाऊस पडला असून, गेल्या पंधरवाड्यात चांगला पाऊस झाल्याचे चित्र आहे.

दक्षिण भारतात जोरदार पावसाचा अंदाज
अरबी समुद्र ते कर्नाटक यादरम्यान चक्राकार वाऱ्याची स्थिती आहे. ही स्थिती अरबी समुद्र व केरळच्या दिशेने सरकत आहे. त्यामुळे येत्या बुधवारपर्यंत (ता. २०) केरळ, लक्षद्वीप, कर्नाटक, कोकण, गोवा आणि मध्य महाराष्ट्राच्या काही भागात जोरदार पाऊस पडेल; परंतु आंध्र प्रदेश, तेलंगणा, छत्तीसगड, विदर्भ, मराठवाडा, झारखंड, ओडिशा आणि पश्‍चिम बंगालच्या अनेक भागात पावसाचा जोर कमी होऊन हलका पाऊस पडण्याची शक्‍यता आहे.

उत्तर भारतातही हलक्‍या पावसाची शक्‍यता आहे, तर २१ ते २८ सप्टेंबर या कालावधीत पावसाचा जोर कमी होणार आहे, असा अंदाज हवामान विभागाच्या सूत्रांनी वर्तविला. 

इतर ताज्या घडामोडी
बोंड अळीचे जीवनचक्र खंडित करण्यासाठी...परभणी : सद्यःस्थितीत पाणी दिलेल्या कपाशीच्या...
नागपूरला होणार रेशीम कोष मार्केटनागपूर   ः राज्यात विस्तारत असलेल्या रेशीम...
खानदेशातील रब्बी पाण्याअभावी संकटातजळगाव  : अत्यल्प पावसामुळे खानदेशात...
साखर कारखान्यांच्या ताबेगहाण कर्जाला...मुंबई  ः साखर कारखान्यांना शेतकऱ्यांच्या ‘...
नगरमधील शेतकऱ्यांना मिळणार शेळीपालन,...नगर   : पशुसंवर्धन विभागामार्फत शेतकऱ्यांना...
जळगावात सीताफळाला प्रतिक्विंटल २५०० ते...जळगाव : कृषी उत्पन्न बाजार समितीमध्ये बुधवारी (ता...
संग्रामपूर खरेदी केंद्रावर अाॅनलाइन...बुलडाणा   : अाधारभूत किमतीने शेतीमाल...
एफआरपी थकवलेल्या ११ कारखान्यांवर कारवाई...मुंबई  : राज्यातील ११ साखर कारखान्यांनी...
गोंदिया जिल्ह्यात ५२ हजार क्विंटल धान...गोंदिया  ः शासनाच्या वतीने नाफेडच्या...
मदत, पुनर्वसन समितीच्या अहवालानंतर...अकोला  ः कमी तसेच अनियमित पावसामुळे निर्माण...
सातारा जिल्ह्यात रब्बीसाठी आतापर्यंत...सातारा : जिल्ह्यातील राष्ट्रीयीकृत तसेच सहकारी...
‘उजनी`चे २० टीएमसी पाणी सोलापूर, अऩ्य...सोलापूर : सोलापूर आणि इतर शहरांच्या पिण्याच्या...
मक्यावरील अमेरिकन लष्करी अळीचे नियंत्रणशास्त्रीय नाव ः स्पोडोप्टेरा फ्रुजीपर्डा  ...
बेणापूर ग्रामपंचायतीने केली गायरानावर...खानापूर तालुक्यातील बेणापूर ग्रामपंचायतीने आपल्या...
भुरीच्या प्रादुर्भावावर लक्ष ठेवासर्व द्राक्ष विभागांमध्ये वातावरण पुढील आठ...
नगर जिल्ह्यात ११५ टॅंकरद्वारे पाणीपुरवठानगर   : जिल्ह्यातील गाव-शिवारातील...
साताऱ्यात सोयाबीनच्या दरात सुधारणासातारा   ः जिल्ह्यात सोयाबीनच्या दरात...
गुंजवणी प्रकल्पाच्या ‘सुप्रमा’मधील अटीत...मुंबई   : पुणे जिल्ह्याच्या वेल्हे...
खपली गहू लागवडीचे सुधारित तंत्रगेल्या काही दशकांमध्ये कमी उत्पादकतेमुळे खपली गहू...
सुरळीत वीजपुरवठ्यासाठी परभणीत भजन आंदोलनपरभणी  ः महावितरणच्या बोबडे टाकळी (ता. परभणी...