पुणे : जवळपास आठवडाभराच्या विश्रांतीनंतर पुणे जिल्ह्याच्या विविध भागांत मंगळवारी (ता. १९) सायंकाळनंतर पावसाने हजेरी लावली. पुरंदर, खेड तालुक्यांत झालेला हलका ते मध्यम पाऊस खरिपाच्या पिकांसाठी उपयुक्त ठरणार आहे.
पुरंदर तालुक्‍याच्या पश्‍चिम भागात मंगळवारी (ता. १९) सायंकाळी पावसाने दमदार हजेरी लावली. पावसाचा वेग इतका होता की वाहने चालविणे अवघड झाले होते. भिवरी, बोपगाव, चांबळी, हिवरे, नारायणपूर, भिवडी या ठिकाणी २० मिनिटे जोरदार पाऊस पडला. कुंभोशी, केतकावळे, देवडी, चिव्हेवाडी, दिवे, काळेवाडी, पवारवाडी या ठिकाणी पावसाने तुरळक हजेरी लावली.
माळशिरस परिसरातील राजेवाडी, गुरोळी, वाघापूर, आंबळे, टेकवडी परिसरात जोरदार ते मध्यम स्वरुपाचा पाऊस झाला. वाफसा आल्यानंतर वाटाणा, भुईमूग, गाजर, घेवडा, पावटा यांची पेरणी करणे शक्‍य होणार आहे. खेड तालुक्यातील राजगुरुनगर, चाकण परीसरात वादळी पावसाने हजेरी लावली. पिंपरी-चिंचवड शहर आणि परिसरातही मंगळवारी दुपारी सुमारे अर्धा तास मुसळधार पाऊस झाला.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.